Read full review
2013-09-22
283 views
山頭火係屋企附近比較有水準既餐廳之一,間唔中都會貪就手去食。湯底可以揀鹽味、豉油、麵豉、地獄,通常我都會叫最正常o個個豚內鹽味拉麵,不過今次就試咗佢既豬頸肉,都幾好食喎!啲豬頸肉似用甜豉油醃過,非常入味,而且切得又厚又大片,加上稔滑既口感令人非常滿足,仲足足有7至8塊,絕不欺場。不過啲肉有少少凍,最好放落麵度整返暖。個人每次食山頭火都會叫佢多䓤,今次都唔例外,仲記得第一次叫多䓤o個陣佢用豉油碟拎咗一大碟䓤俾我,真係嚇親,不過我都不負所託,趁熱將啲䓤加哂落碗麵度,減少辣味,食落口感唔錯。美中不足既係半熟蛋略欠蛋味,感覺普通,暫時都係覺得佐敦Ramen Champion o個6間既蛋比較特別同好味。呢個係男朋友叫既魚生飯,另外仲配左拉麵。其實魚生本身還可以,不過認真睇真啲隻蝦,原來得半邊!其實一隻蝦都唔係好貴啫...點解要咁寒酸俾半邊呢?山頭火其他好食既食物仲有炸雞塊同薯餅。炸雞唔會好乾,加上適度既調味同鮮檸檬汁零舍開胃。薯餅一共有三款:牛肉、咖喱牛肉同埋忌廉蟹肉。最推介既係牛肉薯餅,薯蓉夠滑,炸得亦鬆脆。忌廉蟹肉就爭啲,因為蟹肉較少,好似食緊普通忌廉薯餅咁。
山頭火其他好食既食物仲有炸雞塊同薯餅。炸雞唔會好乾,加上適度既調味同鮮檸檬汁零舍開胃。薯餅一共有三款:牛肉、咖喱牛肉同埋忌廉蟹肉。最推介既係牛肉薯餅,薯蓉夠滑,炸得亦鬆脆。忌廉蟹肉就爭啲,因為蟹肉較少,好似食緊普通忌廉薯餅咁。
Other Info. :
如果想試多啲野,不妨叫細碗拉麵(減$10),麵底細啲,個胃就有多啲位食其他野啦!
(The above review is the personal opinion of a user which does not represent OpenRice's point of view.)
Post