Read full review
2011-03-02
834 views
上星期六同媽媽及家姐專登嚟左呢度飲茶,因為屯門的酒樓已飲到好悶,家姐話嚟過這間酒樓食晚飯,所以就專登入嚟試下啦,佢話係阿一開的酒樓,我想應該都有保證的,但都擔心價錢會貴,不過佢話上次同朋友嚟食晚飯,都好抵,每人都唔使一百元埋單.轉了幾次車先入到嚟,2點開始下午茶,我地2點鬆d嚟到,竟然唔使等位,good!!,坐近門口位置,睇下價錢先,嘩,都好抵食喎,優點只係5.8,小點都係7.8,平過屯門喎,最緊要係唔使等位,我地就叫左:春風得意腸這個一聽個名就知係腸粉包住春卷啦,出面層腸粉好滑,包住入面的春卷又脆,好味呀,春卷都好足粉,有蝦,西芹,肉絲,有三大條的呀,好味道咸菜豬肚湯這個係大排檔取的,15元,好多料呀,好多豬肚,腐竹,咸菜,好入味,個湯好重胡椒味,正呀,咸菜唔好淋晒仲好爽口架,豬肚及腐竹都係唔會煮到過火,我好鍾意那個胡椒的味道,好香及暖胃的呀.生煎菜肉飽這個煎到金黃色,出面個飽軟淋淋,入面d肉雖然冇汁,但係好鬆軟唔似人地那些好實好硬的,我地還叫左兩次的呀.椒鹽九肚魚這個顏色較深色,個樣好似麻麻地吸引,但係一咬落去好熱架,入面d九肚魚好滑好香魚味,雖然個樣麻麻地,不過好味喎.蘿蔔絲酥餅
轉了幾次車先入到嚟,2點開始下午茶,我地2點鬆d嚟到,竟然唔使等位,good!!,坐近門口位置,睇下價錢先,嘩,都好抵食喎,優點只係5.8,小點都係7.8,平過屯門喎,最緊要係唔使等位,我地就叫左:
春風得意腸
這個一聽個名就知係腸粉包住春卷啦,出面層腸粉好滑,包住入面的春卷又脆,好味呀,春卷都好足粉,有蝦,西芹,肉絲,有三大條的呀,好味道
咸菜豬肚湯
這個係大排檔取的,15元,好多料呀,好多豬肚,腐竹,咸菜,好入味,個湯好重胡椒味,正呀,咸菜唔好淋晒仲好爽口架,豬肚及腐竹都係唔會煮到過火,我好鍾意那個胡椒的味道,好香及暖胃的呀.
生煎菜肉飽
這個煎到金黃色,出面個飽軟淋淋,入面d肉雖然冇汁,但係好鬆軟唔似人地那些好實好硬的,我地還叫左兩次的呀.
椒鹽九肚魚
這個顏色較深色,個樣好似麻麻地吸引,但係一咬落去好熱架,入面d九肚魚好滑好香魚味,雖然個樣麻麻地,不過好味喎.
蘿蔔絲酥餅
這個看似唔夠大個,人地果d係圓圓地好多蘿蔔絲的,這個個賣相就好似廋左d,不過一夾開好鬆化呀,一夾就夾得開,雖然唔夠熱,但係都好好味,好香口及出面層酥皮真的一絲絲的.
豉汁蒸鳯爪
熱辣辣好味,唔會過咸,味道啱啱好,唔會好多醬及好結,鳯爪又唔會好硬,調較得好好呀.
南乳炆豬手
這個賣相都好吸引,顏色好靚的呀,豬手有兩大件,雖然唔係炆得好淋身,不過好爽口及好香南乳味道,飲茶都好少會叫及有得叫,所以都係諗住一試呀,好彩都沒有失望呀.
雞扎
兩大件,入面有好大件芋頭,好淋身的,火腿,雞肉及魚肚,出面層腐竹個顏色唔會好深色,唔會蒸到過晒火,好味呀,
蟹子燒賣皇
這個則同個點心紙既圖有d出入啦,個圖畫係好靚的,但係實物其實都係普通燒賣,不過味道都幾好,唔會好多肥豬肉及好硬好實,都好多蝦及好d豬肉都好鬆軟,好味呀
紫米露
特價5元好抵,雖然係普通的細碗仔,但係勁多料,好多芋頭及紫米的呀,味道都好好,啱啱好唔會太甜,芋頭都煲到好淋身好粉身的呀,好味道
紅棗糕
這個係蒸上的,賣相非常通透,好似透明咁,因我唔太鍾意食紅棗,所以都試左少少炸,都有紅棗味的,熱辣辣軟淋淋,好味的.
這裏的點心全部熱辣辣,味道都好有水準,服務都好好的呀,價錢又抵喎,雖然係遠左少少,有機會會再嚟食呀.
Post
