Read full review
2016-08-07
1459 views
過2日係好姊妹生日，大家諗緊去邊度食飯之際，係FB見到哩間火煱店做緊生蠔優惠，於是click入去睇下佢地既綱頁，見到好多食評同相片，最吸引我梗係牛肉，碟碟都好靚，D食家都話正，最緊要當然係大家都好鍾意打邊爐，於是約埋班friend去一試哩間舖出咗深水埗地鐵站行幾分鐘就到，因為訂咗枱，可以即刻入座，入到去裝修幾好，有魚缸，又有生蠔柜。坐底望下餐牌除咗生蠔有優惠，仲有刺生都有優惠，仲可以2樣一齊點都得，出面有D舖優惠食物每枱只可點一樣，哩度正！ 咁吸引，當然我地2樣都點啦！生蠔即叫即開(新鮮，仲好重海水味)!打邊爐最緊要梗係湯底啦，見到間離幾枱都點咗蕃茄海鮮煱，一定係招牌菜，我地梗係要點啦，上到枱D海鮮係分開上，有蚧、蝦、青口、蜆 (隻蚧同蝦仲郁緊)，好豐富，再望下煲湯，橙紅色，好多蕃茄(飲啖湯先，好甜好濃好足料, 一人一碗)。食物點咗牛皇拼盤，盤內分三層，每層都放唔同牛既部位，最正係牛柳粒(入口甘香), 仲有第一次食既牛白肉(出面未見過，開頭仲以為係肥膏，好爽，正)，其他有廣島蠔(肥美)， 鱔片，手打三色丸(彈牙)，響令，水餃……食飽飽上蛋糕之際，又有驚喜，店長知道我地有人生日，送咗壽
哩間舖出咗深水埗地鐵站行幾分鐘就到，因為訂咗枱，可以即刻入座，入到去裝修幾好，有魚缸，又有生蠔柜。
坐底望下餐牌除咗生蠔有優惠，仲有刺生都有優惠，仲可以2樣一齊點都得，出面有D舖優惠食物每枱只可點一樣，哩度正！ 咁吸引，當然我地2樣都點啦！生蠔即叫即開(新鮮，仲好重海水味)!
打邊爐最緊要梗係湯底啦，見到間離幾枱都點咗蕃茄海鮮煱，一定係招牌菜，我地梗係要點啦，上到枱D海鮮係分開上，有蚧、蝦、青口、蜆 (隻蚧同蝦仲郁緊)，好豐富，再望下煲湯，橙紅色，好多蕃茄(飲啖湯先，好甜好濃好足料, 一人一碗)。食物點咗牛皇拼盤，盤內分三層，每層都放唔同牛既部位，最正係牛柳粒(入口甘香), 仲有第一次食既牛白肉(出面未見過，開頭仲以為係肥膏，好爽，正)，其他有廣島蠔(肥美)， 鱔片，手打三色丸(彈牙)，響令，水餃……
食飽飽上蛋糕之際，又有驚喜，店長知道我地有人生日，送咗壽桃包比壽星女。哩間店既食物質數真係幾好，又有人情味，果然無失望，今餐大家都食得好開心，一定會再(encore)
Post
