滿福樓

Open Now

Now Closed

今晚決定豪一次，去滿福樓慶祝我地嘅相識紀念日，揀呢度係因為可以有海景，食飯時覺得特別浪漫，而且只有兩個人，雖然菜價有D小貴，但兩個人食起嚟唔會話好多錢，而且慶祝甘特別嘅日子，值得嘅。呢度環境果然好似網上評價咁好，有海景真係覺得食飯特別有氣氛，有時食嘢真係環境都好重要。今晚點嘅都係普通菜式，呢個花生燜雞腳雖然普通，但味道好贊，花生同雞腳都燜得好淋，好入味。生炒糯米飯就係特色菜，真係無介紹錯，好好食，糯米飯生炒特別有口感，粒粒分明，糯米又靚，好香糯，好軟好有米香。叉燒包同燜竹笙都好有特色，兩樣都做得好唔錯，叉燒包松軟，竹笙燜得軟爛入味。