Read full review
2011-10-29
1045 views
7月8日, 辛苦工作一週, 真係又攰又肚餓… 真係好想搵個舒舒服服嘅地方嘆個晚飯~ 星期五晚喺銅鑼灣又有邊度唔駛等位, 又可以坐得舒服? 只係諗到樓上咖啡室. 銅鑼灣有大把, 不過去咗幾間都full晒, 最後見到一唐樓下有人派傳單, 知道有位後我地都唔想再搵, 就上咗去. 地方ok喎, 燈光暗暗氣氛唔錯都算坐得舒服, 不過原來此乃惡夢前美景…::: 煙三文魚白汁意大利飯 + 凍mocha ::: $68 + $30想要蜆肉冇蜆肉, 想要咩腸又冇, 轉咗幾次order之後叫到煙三文魚終於有喇~ 晨早流流呢樣無嗰設樣無都算, 落完單嚟咗個白晒晒嘅意大利飯, 原來唔記得咗落煙三文魚! 呢d究竟係乜野服務?! 意大利飯冇味, 個白汁只係杰杰地, 食唔出味道… 好彩有煙三文魚鹹鹹地嘅味道先令個飯有番d味… 但係煙三文魚估都應該唔係自家制. 一個咁嘅飯要$68完全搵笨…凍mocha太重可可味, 以致咖啡味非常失色, 似飲凍朱加少少咖啡粉多d. 加$30跟一杯咁嘅野真係寧願飲starbucks…::: 鮮野菌忌廉白汁意粉 + latte沙冰 ::: $62 + $30呢個忌廉白汁基本上同個意大利飯個
::: 煙三文魚白汁意大利飯 + 凍mocha ::: $68 + $30
想要蜆肉冇蜆肉, 想要咩腸又冇, 轉咗幾次order之後叫到煙三文魚終於有喇~ 晨早流流呢樣無嗰設樣無都算, 落完單嚟咗個白晒晒嘅意大利飯, 原來唔記得咗落煙三文魚! 呢d究竟係乜野服務?! 意大利飯冇味, 個白汁只係杰杰地, 食唔出味道… 好彩有煙三文魚鹹鹹地嘅味道先令個飯有番d味… 但係煙三文魚估都應該唔係自家制. 一個咁嘅飯要$68完全搵笨…
凍mocha太重可可味, 以致咖啡味非常失色, 似飲凍朱加少少咖啡粉多d. 加$30跟一杯咁嘅野真係寧願飲starbucks…
::: 鮮野菌忌廉白汁意粉 + latte沙冰 ::: $62 + $30
呢個忌廉白汁基本上同個意大利飯個白汁係一模一樣! 都係得個杰字, 無厘味道! 鮮野菌中其實主要都係罐頭蘑菇, 都唔好期望有咩菇味. 最難受係面頭d芝士粉! 完全無芝士香之餘仲有朕煙燻味! 好似焗過龍咁… d意粉雖未至於一patpat但都係無厘彈性… 寫到呢度唔洗講都知碟野有幾難食啦!
Cafe食物質素差其實都唔出奇… 但真係無唸過連杯野飲都咁失敗! 杯沙冰係就係好大杯, 個賣相都呃得下人… 但一飲落去, 無咖啡味都算啦~ 係連濃少少嘅奶味都無… 好似飲緊d雪到半冰半水嘅奶水咁… 好難受…
食物味道差都未算係惡夢嘅主角, 最難忍受係呢度竟然可以俾人吸煙, 完全犯晒法… 知道人地都係搵食, 但係可以分吸煙同非吸煙區啫, 又或者同客人講明呢度係俾人吸煙嘅, 食唔食都係客人選擇… 坐下坐下周圍d人又開始吸, 周圍空氣都變得煙霧彌漫, 搞到成餐飯都食得唔安落! 另外, d梳化坐得舒服還坐得舒服, 雖然侍應冇趕我地走, 但係見到人地成日轉枱, 由大轉細, 又夾硬安排客人坐低搭檯, 咁坐法舒服都唔可以坐得耐… 我地原本想坐下玩下board game, 咁樣都係不宜久留.
Post
