輕鬆飲 (Closed)

有朋友話旺角輕鬆飲係灣仔開左分店，午飯時間特意同同事去幫襯下，1點幾去到門口好多人排隊，但係都係排一陣就到，叫左5杯野飲同1份甘梅薯條，我同事鍾意飲咖啡，叫左個輕鬆咖啡，咖啡味好濃，啱晒鍾意飲咖啡既人，另一個同事叫左杯荔枝玉露+寒天珍珠，荔枝味好香，同事話下次一定再試，另外兩個同事叫左2杯招牌波霸奶茶，因為朋友話唯一真正即調奶茶只得番輕鬆飲，佢地係即時落奶落茶去冲，唔同其他早就冲好茶只係差落糖既珍珠奶茶店，招牌奶茶果然名虛傳，同事話好正，我就叫左杯檸檬愛玉凍，飲落感覺好清涼，甜度亦啱啱好，至於個甘梅薯條收銀話要等5-10分鐘，因為即炸冇辦法，同事試過後即刻買多份番公司食，味道好特別同好香口，非常推介，如果等既時間短D就very good，總括5個人只係消費80蚊超抵，但台灣人口味較重，怕甜最好要半糖或微糖