26
19
7
1-min walk from Exit G2 , Yuen Long MTR Station
continue reading
Telephone
24432677
Good For
Business Dining
Group Dining
Above information is for reference only. Please check details with the restaurant.
Recommended Dishes
平時飲茶一般都淨係鍾意去海港或者海皇漁港，因為食親其他啲質素一係好貴，先有一個合理嘅質素唔油膩足料，一係就好油膩唔好食好似上次去稻香咁今日因為去拜年人哋揀咗元朗呢一區嘅呢一間新年一定貴㗎啦，平日我就唔知價錢啦，估唔到質素唔錯喎又價錢偏貴，因為係新年期間！所以等位都等好耐㗎 此乃正常現象🤣🤣髮菜蠔豉豬骨粥麻麻哋！個粥嘅味好似唔新鮮定係點，蠔豉都係質素不吸引的 唔識形容又唔係話唔新鮮都要拎出嚟，但係唔會想食 唔通就係唔新鮮？髮菜份量都好少。一般出面嘅煎蘿蔔糕我會驚肥，由於太肚餓食咗半塊覺得幾好味。 $138嘅炒飯勁足料好味，個賣相都唔錯，但係呢張相都影唔出入面有好多叉燒粒帶子粒蛋白之類配菜非常之足料，大家都讚好，而且唔會好油膩。 $48嘅鹹菜豬肚份量都好大，有好多豬肚同鹹菜胡椒味足呢個都幾好味但係有少少油，唔記得叫粟米咩波整體質素唔錯，但係啲侍應就勁奇怪不斷極明顯地問我哋拎利是，一唔俾就態度轉變，又喺度同人撞到就鬧鬧吓😅😅由於我學識咗自助斟水，所以我都唔靠佢哋，如果唔係我哋都唔夠水飲好少人serve我哋！唔記得講個菜心好好味，不過$38有大概10條㗎咋
continue reading
和朋友相約晚飯聚餐，選擇彩晶軒，因為佢地點真係最適中，喺元朗地鐵站上面，交通相當方便，本來感覺應該係一間好大嘅酒樓，但入到去可能因為有人擺喜酒嘅關係，所以變得整返原來嘅四分一大少，感覺有一啲狹窄，但坐落我哋十位都尚算舒適，好快趣咁點都唔同嘅菜式；再開兩支紅酒嚟慶祝朋友提早退休，而彩晶軒最好嘅地方就係完全唔收紅酒費！而菜式方面，質量亦都相當之唔錯，炸乳鴿香脆可口，北京填鴨皮薄肉少，包皮用籠蒸熱，再加上配菜同埋脆脆嘅鴨肉，質素相當之高，而二食嘅菜包鴨鬆，有各式花生鴨肉鬆，食落口感層次很好，冰鎮咕嚕肉就更加香脆，蒜蓉勝瓜開胃醒神！總括來說都係一個性價比高嘅酒樓。
continue reading
叫了晚市長腳蟹歺$2400，話說是3斤半的長腳蟹，上枱後發覺無蟹肉也不新鮮的，好似養咗好耐咁。而職員態度極之惡劣，如1.有八人要開兩壺茶，阿姐話晚市開一壺得啦！2. 上菜要自己放在枱上3. 分湯時流瀉哂，又大力放碗碟在玻璃𨍭盆上4. 當時食完蟹沒有人換碟5. 語氣差連部長都一樣懶散6. 埋單時話用apple pay找數，叫你自己去櫃檯付款。這樣的酒樓還可以生存是奇蹟。食到一肚怒氣。最值得一讚是廚房轉菜阿姐，她要自己上菜，我哋幫手搵位給她放時，說聲謝謝，感動。
continue reading
酒樓向來處理茶客「取號入座」得過且過，很多熟客都直接入去打聲招呼，不用取號等叫籌就可以輕易入座。今日發現如常取飛入座的客人都會有特別嘅對待……正常飲茶叫啲點心，叫啲小食，酒樓水準正正常常，落鹽重手少少，最後我食完因有事打算先結帳離開，待家人慢慢嘆完茶先至離開，可惜，家人碗粉麵都未食完，你們的侍應紛紛到來收走餐具，唔知呢啲係咩嘅服務態度？其後職員仲額外施壓話：你哋埋咗單係咪準備要走喇，我出面叫咗飛啦喎⋯⋯？今時今日，講真我唔要求有啲咩特別嘅服務質素，星期日如常喺茶樓飲個茶都要三催四請咁趕你走，冇辦法啦，可能留咗個位比啲熟客。
continue reading
今日去飲下午茶，因幾年前來過覺得好好食，但今日真心失望😞，d餃皮太散，－挾就散開，又咸，山竹牛肉球重夠胆死收人特點價錢😤😤，牛肉有怪味，嗰碗燒味湯檬，d燒味凍晒，燒鴨得肥糕😩，d雞得血腥味🤬。職員態度惡劣，叫埋單眼厲厲，不會再幫襯😡🤬😡🤬
continue reading