3
2
0
3-min walk from Exit A1, Yau Ma Tei MTR Station
continue reading
Opening Hours
Mon - Sun
11:00 - 23:00
Above information is for reference only. Please check details with the restaurant.
當日放工去完油麻地醫完個背部後,就搵地方醫下個肚.行下行下,見到呢類比較舊式既燒味店,應該都有咁返上下"風味"啦.好啦...一於試下啦.叫左個燒肉燒鴨飯($42)+再加罐可樂($8)老實講,係呢個時候,加埋都係$50,都算係咁啦.食落D燒肉好好味,燒鴨又正.唔錯唔錯~~~~~~不過可惜我坐既位置是風口位,當時又人多,轉唔到位.有少少吹到風痛!!!~~~不過總體經驗係好既~~~~希望有機會出城時再黎啦!!!
continue reading
5點到，燒味啱啱出爐！熱騰騰！點了叉鵝拼盤，韮菜豬紅，老闆娘話叉鵝係最出名，一試果然名不虛傳。叉燒顏色雖然不夠，但味道不錯，有淡淡酒香，燒鵝，皮香趣，肉有五香味，做得最好就係唔死鹹，好好味！韮菜豬紅就不過不失啦！有啲辣辣哋，吃得過癮！老闆娘有講有笑，仲自己開罐啤酒，同我哋一齊飲！小店才有的有互動，食得開心的一餐
continue reading
忽地燒味癮發作，一個人四圍行去搵未試過的燒臘店....走到去油蔴地新填地一帶，找到了這一間叫"海記"的。試過後發現又不錯呢....天氣大炎熱，口淡淡想濕濕嘴巴，就來碗例湯。雖則這裡的"例水"是要另加錢才喝到，但嚐過後才知是物有所值的 ---- 湯滿滿一大碗既足料又沒人工師傅味。湯之甜味全來自加入大量的白菜乾以及五花腩肉，但喝落卻一點也不覺肥膩。五花肉可醮點豉油吃，這樣又像是加多一味餸似的.....看到掛爐叉燒甚是對版，就要了一碟叉鵝飯。一吃之下便發現叉燒的水準是異常地高 ---- 肉質是爽夾彈又不硬韌，是明符其實的半肥瘦梅頭肉。在沒太重蜜味掩蓋底下吃起來是肉香四溢。此時心想若果能吃到有燶邊的話就更妙了 (可惜的是今天又遇不到)；反而有好些食友推介的燒鵝就很一般，皮是軟淰淰的不如預料中的脆，肉是不硬的算是加添了些分數的....下次再臨時，先叫一碗例湯，最後再來碗叉飯，就已很令人滿足了....
continue reading
我唔係此衣區住的,但偶然都會向這區工作,之前也光顧過海記的燒鵝及叉燒飯，發覺都不錯的，不過光顧了幾次就關閉了，每次經過都會望下有沒有開返!但今日經過發覺重開,但一進去發覺完全不同，裝修，師傅，老闆…不過老闆招呼好好,所以試一下下午茶既叉燒瀬,等了五分中左右就有得食。叉燒同出面不同,一食落口,有一種唔同既感覺,平時向出面的街市,茶樓食叉燒都偏硬,肉質好(鞋),但這間唔同肉質好嫩,偏甜,可口,最終食左兩碗叉燒瀬，而且價錢好扺都係23蚊一碗加左碗例湯,例湯飲得出係冇味精,好足料。問左老闆係咪轉左手,原來真的！老闆都好nice!忙都同我吹左兩句！唯一失望就係未試燒鵝，所以下次再黎一定要再買。
continue reading
話說一年我剛行過附近, 開始認識海記, 不幸地食過幾次後就關門大吉。而我心中認為香港區最好的燒味是再X , 而九龍區能令我心動的燒味只有此間, 因此我時不時行過都會望一望還有沒有開門 .....昨天又路過附近, 又順便行後一條街再來望望, 誰知不是眼花吧, 對面馬路望過來, 真是燈火通明, 再看招牌, 還是一樣海記, 真是太好 .... 不過由於昨晚有別的事忙, 不能幫趁 .... 此事而放在心中了今日係公司決定心日點都要來食下燒味飯, 當然也只會叫我至愛"燒鵝/鴨飯", 不過呢度沒有後者提供, 只是燒鵝 ! 講真$45 大元一個飯不算平, 不過燒鵝不是一般地方吃到, 還可以啦 !當鵝飯送上來時, 有點失望, 因為我個人經驗, D燒鴨/鵝皮燒得夠黑先脆, 而且一望也知這幾件不算太啖啖肉, 不過無法, 還是要吃啦啦。點知第一口咬落去, 出奇地脆, 而且件件都脆, 不過要先說明一下, 如果太肥的人就要避而遠之, 因為大家都知燒鵝一定是很多肥膏的, 什至我要說, 有一件我一口咬落去, 竟然有油噴射出來, 真是第一次預到此情況。整體來說, 飯就很一般, 招乎周到, 不夠飯已說明可以添飯, 也沒有硬推銷情況出現, 我最終只吃了一個碟頭飯, 全程無叫我食其他野, 也沒有面黑 .... 非常好的食市 ! 當然燒鵝也出色, 好難得件件皮脆肉滑吧 ! 忘了說, 海記已重裝修, 地方更光亮光鮮, 地方很乾淨, 比以前食得放心 !
continue reading