17
1
2
2-min walk from Exit C, Kennedy Town MTR Station
continue reading
Opening Hours
*(Last Order: 22:30)
Mon - Sun
11:45 - 23:00
Above information is for reference only. Please check details with the restaurant.
自地鐡西環通車後，新食肆如雨後春筍。當中亦臥虎藏龍。早星期還見餐廳高朋滿座，想必質素不錯，立心一試。打開酒牌時我終於明白餐廳名字由來；大部份紅、白酒是半枝裝，其中不乏法國名釀。$188西冷，絕不欺場。牛扒剛好燒到四成熟，賣相也不錯，下面的薯茸有畫龍點睛作用；打得幼滑，滲着淡淡牛油香。起初朋友說怕肥，終於全部幹掉！西班牙乳豬皮脆，肥瘦適中；我最喜歡有軟骨在其中，加添咬口；伴碟用蜜桃粒平衡乳豬鹹度。這個菜不比一般西班牙餐廳遜色。推介。餐酒質素不用置疑，食物用心做，希望可撐得住現在的瘋狂租金，讓大家飽飽囗福！餐廳可容納十多人，可舉行一個小型生日派對。
continue reading
平安夜俾人gur是常識吧!我明!一早落左訂去預留位子，打返去問佢洗唔洗俾單佢睇佢話唔洗我已經覺得好怪...心諗咁你點知我落左訂，去到就話我地冇俾單你睇今晚好full睇下有冇位俾你先啦!問我地做咩唔send返張單俾佢地，態度極惡劣!仲死頂話冇可能會叫我地唔洗send張單!! 算! 本住u'd better give me something really good to eat!既心態.頭盤有一推好似好多款的一碟野鵝肝toast都ok. 但係果杯parma ham真係太嘔心了吧!下面果shot哈蜜瓜汁係暖既，parma ham塞住左個杯口又唔可以一shot飲/食左佢，我係含住塊肉，再隊左個shot..心諗chaser尼架咩...main course: 揀左lamb shank and baked halibutlamb shank 係一樣我覺得好難整得難食既野，只要淋，就會有好幸福既感覺!點解我平安夜食到既要係唔淋既!! 仲要好咸既!點解!!!!!!第二度係baked halibut. 其實好少叫魚，可能俾佢用紙包吸引左, 唔係可能，我真係因為佢紙包魚而被吸引，成件事佢唔紙包的話就是一碟茄汁燴魚，但佢同出面既茄汁燴魚唔同，佢係紙包的!食落，就真係冇分別!大時大節，俾人gur一定要揀d之前食過對佢有信心的!gur 都gur D!
continue reading
完全中伏!所有嘅正食評都係媒! 如果真係咁正, 無理由星期日七点都只有2,3 枱客瓜.歺前面包: 竟然係方包!地中海虎蝦: 完全係蝦毛, 無味!安格斯牛扒: 又硬又唔夠肉味!一言以蔽之:性价的比低!
continue reading
呀...西環好遠好遠呀,不過朋友話呢間餐廳一定要試試,睇過食評之後覺得都唔錯呀可以坐地鐵黎都OK既~好好好好味呀~~~鮮甜既焗蟹肉加埋咸咸地既牛油果,就好似將蟹肉放左入牛油果度食三文治咁,我仲唔小心食左少少殼,好白痴呀大食既我成日去自助餐食哈密瓜+巴馬火腿,估唔到哈密瓜可以變成凍湯~醃制既巴馬火腿配上香甜既凍湯真係超級夾!和牛面頰非常淋, 而且係真正牛肉有牛肉味,不過面豬登太少肉啦,2啖就食晒LU鴨腿就有D鞋,而且有D咸...味道有D似中式傳統醃臘肉咁意大利奶凍清新幼滑,加埋酸酸藍莓同草莓都幾易入口,不過2個人食份量就太少囉~朋友話唔夠飽, 跟住...你信嗎?$80的CHEESE PLATTER只得咁少...味道仲...用$150試左3種酒, 全部都係太苦太刺喉既類型,好失望囉...個結局好唔得呀
continue reading
星期五晚上那裡都要等位的時間，最怕就是要訂檯吃飯。那天朋友打來說晚上想去中環喝一杯（其後變了二三四N杯！），說之前想先吃晚飯。OK，吃拉麵還是火鍋店？不如吃日本放題？喂喂晚餐吃太飽去飲酒，會嘔吐是常識吧。那吃西餐好了。中環的西餐，動輒過千一位還是在吃空氣，連多點幾樣也要就住荷包，完全吃得不盡興。馬上就「叮」一聲想起了一年前來過的HALF & HALF。離中環才幾個站，又不用等位，訂好九點鐘的檯，來，這天我們搭地鐵去。港島線開了新港鐵站，「就腳」二字令往日寧靜的堅尼地城多了一份人氣。西港島線成為了躲避人潮的好去處。幾站之隔，沒有了中環式的西裝領帶套裝裙，換來充滿時尚氣息的年輕上班族收工後來喝一杯，教我想起了當年的耀華街。一年不到，城裡新餐廳或WINE BAR臨立，慢慢令小區熱鬧起來。我們由港鐵站C出口步出，不過三分鐘，比去蘇豪還就腳。一年不見，HALF&HALF的木招牌依然醒目。是日剛巧品酒師也在，開場白自然是介紹店名HALF&HALF的半支酒GIMMICK。這晚不用開車，我和友人可以盡情開懷暢飲。其實對於紅酒我和朋友都只是略知皮毛，總之是晚我們來吃鴨肝，配紅酒價錢合理就可以了。品酒師介紹了支意大利紅酒，果味中混有點點微微的SPICY味，友人代勞試酒，好，就這一瓶好了。侍應送來新鮮的迷你麵包，暖暖的有欖油香。點菜後我們就開始天南地北聊起天來。不消一會就端來了前菜Dip Queso ($78)和Spicy Garlic Prawn ($148)。Queso Dip是典型的墨西哥小吃（用來點NACHO的芝士汁），這裡的版本有點像炸芝士，外脆內軟，咬下去芝士是流心的，配上他他醬平衡了辣味竹和芝士的咸味，是一流的佐酒小吃。至於Spicy Garlic Prawn，這裡用上的是king prawn，六隻蝦被排成一列。上碟精緻，放入嘴巴裡卻是吃得出的新鮮。蝦身說不上很大隻，蒜香和辣油平均地沾在蝦上，隻隻都新鮮彈牙。還有埋藏在碟底的炸蒜片，喜歡香口小吃的人不要錯過。主菜我們叫了一份鴨肝雜菌意大利飯（$158) share。鴨肝煎得香濃，飯粒飽滿沒有OVERCOOK，配上雜菌汁味道就更顯突出。鴨肝和雜菌意大利飯的組合很易會令人覺得Heavy，這裡的大廚就聰明地運用了原條rosemary平衡味道，令整個意大利飯更加有層次，同時也不會太油膩，值得一讚。甜品這晚我和友人都想獨享，就點了兩份panna cotta ($58)，這裡的panna cotta做得細緻，奶凍質地很滑很有奶香，配上芒果蓉醬汁是味道清新。埋單時間，開了一瓶酒，兩個starter一個main兩個甜品，飲飽食醉，連加一每人$605。難得的是一年沒來質素依然維持得好，這樣的價錢和水準都是令人喜出望外的。我會再來。
continue reading