336
80
32
3-min walk from Exit B2, Wan Chai MTR Station
continue reading
Telephone
25749172
Introduction
雖然是咖喱小廚,亦有招牌的咖喱飯座鎮,但最街知巷聞的還是這裡的乾炒牛河,平時食牛河嫌佢成碟都係油,新景園就能夠做到無油底,加上牛肉炒得入味,夠火喉,單是這樣己經值回票價。
continue reading
Opening Hours
Today
Closed
Mon - Sat
11:30 - 14:30
18:30 - 20:30
Sun
Closed
Public Holiday
Closed
Above information is for reference only. Please check details with the restaurant.
Recommended Dishes
新景園咖喱小廚 Sun King Yuen Curry Restaurant 📍灣仔春園街20號地舖對上一份工嘅office係灣仔春園街附近,每次近lunch time同收工,總會見到一條長長嘅人龍,排隊等食新景園。一直都知佢好出名,但無奈我返上一份工嘅時候無心情亦無時間排隊,所以一直都無機會食。轉咗工之後,居然又係返灣仔,同樣喺灣仔返工嘅朋友專程接我放工,然後好有神心咁等6:30新景園開門,誓要食到人氣咖喱豬扒飯!雖然我哋未夠6:10已經去咗排隊,但已經有成十幾日排喺我哋前面,最終我哋排咗超過一個鐘先入到去食。話雖如此,我哋食過之後都覺得呢個幾鐘排得好值,好彩我哋堅持排落去,如果唔係就會錯失呢次5星食評嘅機會!點解會俾5粒星?因為佢嘅性價比真係好高,雖然一個咖喱豬扒飯要接近$100,但佢真材實料,而且份量好大,要一個人食晒全碟,有如挑戰大胃王,身邊好多男食客都食唔晒呢!再者,就係佢哋店員嘅優質同貼心嘅服務態度,店員姐姐細心又隨和,多次提醒食客,以免佢哋俾啲嘢食辣親,真係估唔到生意咁好、咁多人排隊嘅老店,居然仲keep到咁高質嘅服務,真心抵讚,令我同朋友食完再有衝動去幫襯! 💰$96 (+$10 轉套餐)咖哩豬扒飯 🍛呢度嘅咖哩豬扒飯咁出名,真係唔係無原因㗎,你哋睇下!一碟飯上面有兩大塊厚炸豬扒,份量大到基本上遮住晒成碟飯,真係唔係浪得虛名!佢嘅馳名咖喱係分上嘅,每碗咖喱基本上都有跟配一大嚿薯仔。我哋都好鍾意佢嘅咖喱唔係直接淋上豬扒度,因為佢嘅咖喱比一般港式咖喱辣,重香料味而且帶後勁,呢種味道真係為味蕾帶嚟衝擊,好正!炸豬扒火候控制得好好,令兩大塊豬扒炸得乾身但口感唔會柴,而且炸粉好薄,唔似坊間嘅炸豬扒咁,又厚、又甩皮。淨食咖哩豬扒飯,單價係$96,我哋加咗$10轉套餐,跟配油菜,汔水或例湯 。今晚嘅例湯係雪耳煲雞,每碗都有好多湯料㗎,冬天飲到碗熱辣辣嘅湯水,真係無得彈!油菜係灼菜心,都淥得幾淋身。個人幾推介轉套餐,一嚟只係需要加$10,二嚟就係本身個飯肉量太多,食返啲菜營養會均衡啲! 💰$102沙嗲魚柳煲 🥘由於呢度有人均低消$80嘅限制,所以我哋都叫多個晚市煲仔餐,考慮到天氣凍,叫茄子煲會好快凍晒,我哋就揀咗沙嗲魚柳煲。呢度嘅煲仔菜全部上檯嘅時候都出晒煙,上菜嘅哥仔居然可以徒手揭起煲蓋,功力真係十分驚人!呢個沙嗲魚柳煲同樣足料,件件魚柳都有個碗仔咁大件,而且唔會過份厚份,加上惹味嘅沙嗲汁,真係好食到停唔到口呀!除咗魚柳,煲內仲有青紅椒、菠蘿、洋蔥同粉絲,啲粉絲索滿沙嗲汁,撈飯食簡直係絕配!
continue reading
新景園咖喱豬扒飯,是香港馳名的經典茶餐廳之一,不少遊客也慕名而來。我們在店門口排隊等候約40分鐘,終於輪到我們了。我們點了招牌的咖喱豬扒飯和乾炒牛河。豬扒外皮炸得金黃酥脆,肉質鬆軟,內裡保持著豐富的肉汁。咖喱香濃,稍微偏辣。搭配白米飯,完美吸附咖喱,回味無窮,份量方面,非常足夠,絕對能滿足飢腸轆轆的食客。干炒牛河份量也是非常之大,醬油的顏色包裹著每條河粉,炒得油油亮亮的。剛上桌時微微冒煙,新鮮熱辣。牛肉片經過醃製處理,入味而軟嫩。這裡的價格稍就,但份量大,相對合理,可能是我吃過最好吃的茶餐廳炸豬扒。為了好吃的炸豬扒,排隊也是值得的。
continue reading
一入到店,啲香味撲鼻而來,單係聞都已經超正!👃我點了招牌咖喱豬扒飯啦,材料真心唔錯噃。🍽️成塊豬扒炸到金黃色,外皮香脆,肉質又嫩滑,啖啖肉汁,超滿足!🤤咖喱汁濃郁得嚟,又有啲微辣嘅kick,香港式嘅好滋味!🌶️飯嘅話,吸晒豬扒同咖喱嘅精華,食落真係有層次,透真香口。我仲試咗件糖醋排骨,啱晒鍾意糖醋平衡嘅人。甜中帶酸,排骨烤得啱啱好,肉質又mou哂汁!飲品部分就點咗杯凍檸茶降降火,清涼提神。🍋欣賞佢哋用心整食嘅勁,而且無論係服務定環境都算唔錯,算係性價比高嘅一餐!下次要約埋其他朋友一齊再去試下啦!
continue reading
呢間餐廳有幾出名就唔使多講,因為舖頭入面只可坐到20人左右,同埋兩款招牌都係即叫即整,所以平日lunch時間排左45分鐘先食到🥺—🍽️咖喱豬扒飯($94)一上枱好震撼,兩塊豬扒非常大份😱豬扒外皮炸得好薄,係似由煎去到啱啱炸既程度,火候拿捏得好好👍🏻最重要係兩塊豬扒都有一定厚度,同埋肉質實得黎但夠腍,絕對唔係普通茶記乸過粉既貨色❗️而咖喱亦都好出色,香辣又帶少少甜味😋我覺得以心機同質素黎講,呢個飯對得住個價錢👏🏻好味值:9/10CP值:8/10—🍽️干炒牛河($86)另一個招牌干炒牛河,絕對符合你對於好食牛河既定義😆牛河大塊有咬口但唔韌,睇圖都見到夠油潤,但又無油溢味,係平均水準以上👍🏻但未算好驚艷🫢好味值:7.5/10CP值:7/10—🍽️咖喱牛腩飯($94)呢個其實係為左湊夠堂食最低消費而叫既🙈重點都一樣係個咖喱汁,夠曬惹味💕牛腩亦夠腍,但同一價錢,同豬扒飯相比,CP值差左啲…好味值:7/10CP值:6/10—˗ˏˋ 𝓜𝓮𝓶𝓸✍︎ ˎˊ˗要講呢間餐廳既缺點,除左多人排之外,就係啲飯太乾同有啲凍,但以一間小店堅持即叫即炸、即叫即炒黎講,絕對值得去支持👍🏻👍🏻👍🏻📍新景園咖喱小廚 (灣仔)灣仔春園街20號地舖#vjai_灣仔 #hkfood#hkfoodie#foodiehk#foodporn #香港美食#香港餐廳#香港好食 #灣仔#新景園咖喱小廚
continue reading
今日lunch去食呢排好出名嘅咖喱豬扒,真係沒有下次,好奇點解最近神到上神台。1點10分去到排隊已經有超過20人排,默默地同男朋友排咗超過一個鐘先有位,呢個時候已經諗係咪神到壽司郎咁,結果當然唔係。基本上真係唔值得排咁耐。最令人驚奇應該係佢好大碟,但質素只係正常,普通嘢,好多茶記或者冰室都做到。午市都無套餐無餐飲,人均最低消費$78,一個咖喱飯承惠$94,一杯凍飲$20,外賣盒$1。之後因為啲豬扒太大舊想攞把刀切,無刀。叫咖喱雞,無雞,話轉雞扒,豬扒飯差唔多食完先嚟。然後個碟擺明仲有半碟,好似催你想趕你走咁,坐低半個鐘都無。隔離檯叫阿華田都無。聽得出好多嘢無曬但係佢地溝通得唔好,無論係坐低嘅客或者排隊嘅都唔知,搞到勁混亂。正常茶記,我會覺得幾好,但係要我地排一個鐘食$94蚊無餐飲嘅茶記咖喱真係不了。
continue reading