24
7
1
5-min walk from Exit B, Causeway Bay MTR Station
continue reading
Opening Hours
Mon - Sun
12:00 - 00:00
Above information is for reference only. Please check details with the restaurant.
Signature Dishes
Review (32)
今日有朋友生日, 冇idea去邊食, 就揀左去食潮州菜地方唔係好大, 7PM去到, 好快就住爆全場, 聽講到book枱先食到一坐低就俾左d 功夫茶你飲, 先知原來食潮州菜前都會飲功夫茶一開始未齊人, 食左d小食, 個潮式豆腐干好正好入味白肺湯, 坐低冇耐, 老闆話見我朋友有幾聲咳, 就叫左個俾我地, 第1次飲, 本身我唔係杏仁, 就覺得好臭, 不過d朋加話好好飲潮式鵝肝, 第1樣點既野食係潮式鵝肝, 之前食過1次, 好好食, 原來食呢味最好訂枱前留定要幾多件, 因為賣晒就冇, 預1人1-2 件就夠, 因為好膩的, 今次可能浸得耐左少少, 冇咁滑, 但都好好味秘製咸螄蚶, 第2樣必點一定係秘製咸螄蚶, 螄蚶本身係少少腥, 唔係個個食到, 不過食潮式螄蚶既好處係佢殗到好咸, 食落去冇咁腥, 呢度殗得好入味, 食到停唔到口潮式滷鵝片, 幾香, 味道岩岩好, 唔係太咸/ 濃味油泡鮮魷, 炒得好香好入味, 但係好唔抵食, 成碟應該連一隻魷魚都冇, 好似要成80蚊川味雞球, 首先, 佢完全唔係川味, 第2, 整得唔係太好味炒豆苗, 完全冇味因為有朋友唔食得海鮮, 所以叫左個肉絲炒河, 同茶餐廳差唔多, 好普遍總括黎講, 我覺得係幾好食架, 不過係潮式野先好食, 其實野就麻麻地
continue reading
今日買料加餸！晚餐已經有菜及雞肉，去呢間潮洲菜好耐之前食過堂食，已經覺得好好味，今日到呢度睇門口推介！本來想食鹵水鵝，來到見到魚飯又忍不住！問收銀小姐要等幾耐（我唔個係魚飯，以為係熱食嘅鹽焗魚）佢話即刻有！所以要一條外賣！（$128）收銀小姐仲會問埋使唔使幫我切開起骨，我話唔使！鹵水檔師傅好小心剪一塊保鮮紙，再包起條魚，然後部長親自入袋交比我！返屋企打開包裝，自己切開起骨，魚唔算好大條，幸好魚肉有油香，點啲普靈豆醬食，好香甜！要讚係收銀店員都好好禮貌！部長交魚比我時，係雙手交比我（唔係好虛偽好假嗰隻，係親切嘅！）呢間係餐廳，唔係小廚，唔會粗聲粗氣，雖然在街市當中，但一啲都唔馬虎，講真服務好過好多大飯店！
continue reading
八珍豆腐煲用料非常丰富，有香菇，虾，鱿鱼，豆腐，猪肚，同猪肉。各种味道集聚交融，味道富层次，很惹味，上来时热辣辣，趁热好快食，冻咗会有d漏。最中意入面嘅猪肚，竟然爽脆依然，并不是想象中软软，一撇撇咁。春菜煲 春菜煮得太老啦，变晒色。里面有大量咸猪肉，搞到成煲菜十分咸。本来想点个菜，清淡d，點知成為最咸嘅菜。值得一提的是，裡面嘅蘿蔔吸收咗咸豬肉嘅精華，咸淡剛好。鹽焗烏頭魚本身無咩味嘅，蘸豆瓣醬食又太咸，因為其他野都太咸，索性直接食啦，真係魚當飯。所幸魚肉鮮嫩，新鮮，足矣。鹵水拼盤好豐富，但都不是我愛食嘅野。有魷魚，五花腩，鵝件，紅腸，豬大腸。淺嘗了魷魚，發現尼間鹵水比較淡，不會太咸，還若有若無的甜味。秘製香草炒聖子分量太少，不划算。而且所謂秘製香草，食起來也無咩特別。並不是店家拿手。胡椒豬肚湯未影像已經分曬，中挺之作啦，豬肚分量都夠，一人兩三塊，不過湯本身就無咩味，好似滾湯罷了。
continue reading
是日朋友飯局，打算食潮洲野去！本來想去北角但又怕有排等位，就近近地去銅鑼灣鵝頸橋，之前都食過一次。一行6個人早一日訂左位，因為怕星期5無位。七點半到左都差唔多滿坐。食潮洲野當然一定要叫鵝片拼豆腐同蠔仔粥，鹽焗烏頭。仲有唔係潮洲菜o既雜錦豆腐煲同雞炒芥蘭。鵝片拼豆腐兩個都好夠味，蠔仔粥d蠔仔都幾大粒而且無沙。上寸已經幫我地打開左，條魚本身無咩味，dip左醬就鮮味d。到雜錦豆腐煲入有有豆腐、豬肚、豬肉、生菜，蝦等等。真係名符其實雜錦豆腐煲，大雜燴一樣咩都有。反而芥蘭炒雞就唔係咁好食啦！D雞好大陣雪味同白賴哂唔係好夠鑊氣。
continue reading
猶記得上一回到潮味居時， "寬粉王" 因公事未能赴會，僅得老公與我撐檯腳。而當晚正正又是老公、"寬粉王" 和我三人的原班人馬，便決定再到潮味居品嚐潮菜，將上一回未能完成的畫面重新塑造。晚上8時40分抵達，甫進門女侍應便引領我們到所訂的桌子，恰巧又是上一回的那一張桌子，大抵是緣份的安排吧！上回沒有嘗試的螄蚶，當晚終可一試。用手打開螄蚶的硬殼，一幕血腥的場面出現了。螄蚶肉躺臥在殼子內，似是在淌血一樣。吸血僵屍又怎會害怕血腥的場面，一手將螄蚶送到嘴邊，讓牙齒把鮮紅的嫩肉吸啜到嘴巴內，嚐到鮮甜夾著潮式的蒜香、酒香、鹹香與及香菜的味兒，盡露潮式的獨特風味。連不喜愛生食材的 "寬粉王"，也嘗試了不少，她也認為味道不錯，相信不久的將來，她快要變成我們的同類 — 吸血僵屍！原欲嘗試的杏汁豬肺湯已沽清，上回亦試過了鹹檸檬燉野鴨湯，也許胡椒豬肚湯是唯一的選擇。豬肚新鮮，鹹酸菜富有爽勁、酸鹹度恰好，而胡椒用量採中庸之道，適宜普遍的食客，也合夏天飲用。可惜是湯底的韻調也跟上一回的鹹檸檬燉野鴨湯犯上同一弊病，就是不夠豐郁，這點或許有待改進。也許我們用餐的時間晚了點，上一回盛讚的凍烏頭又賣光了，於是要來了雜錦滷水拼盤。雜錦滷水拼盤包含了墨魚、紅腸、豬腩肉、鵝片、大腸和豆腐等，唯未嚐到該滷水有何突出之處，味道平平而已。上一回的春菜煲給我們留下美好的印象，所以當晚再來一試。春菜煲水準依然，放入口中，春菜獨有的香氣隨即在嘴巴裡迴盪，不禁令人神魂顛倒，再加上異常入味兼潤滑的特質，潮味居的春菜彷彿是浸淫在戀愛中，然後細緻地烹調出來，讓人感到潤潤甜甜的滿足感！配有白蘿蔔的春菜煲，亦是潮味居春菜煲的標誌！幾年前在另一家潮州飯店試過糯米釀大腸，那份美味仍留在記憶中！糯米釀大腸是一道手工菜，糯米既要烹調得甘香美味，質感也要做得軟糯豐腴；若使用新鮮大腸的話，清洗工夫更是煩瑣；在烹調方面，步驟亦少不了出水、蒸、煮、炸等，工夫多多，正要是考驗廚師的一道菜式。端來時，糯米釀大腸香氣不俗，放入嘴巴後，大腸皮帶點軟腍，明顯香脆度不足。而腸內的糯米帶香氣、糯米不算過份腍軟，做得還算可以，不過整體仍有進步的空間。到了此刻，我們三人都紛紛感到飽意，只是心靈上未能完全地滿足。老公看到鄰座的沙茶牛河，狀甚美味，於是老公跟 "寬粉王" 打賭，要兩人共分一碟沙茶牛河，輸者要付鈔結帳，想不到平日食量不大的 "寬粉王" 竟欣然接受。沙茶醬香氣迫人，稀稠適中，不會太膩口，調味亦沒有過濃，除了我試了一小碗外，剩下的都由兩人吃光包辦了。所以味佳的食物，絕對不愁沒有捧場客。集合了原班人馬，更巧合地坐於同一張桌子，可是菜式的不同，造就了不同的味覺感受。可能上一回的菜式實在太完美了，令那禾稈裡的珍珠峰芒畢露，今回那顆夜了的珍珠顯然有點累了！
continue reading