2
2
1
Telephone
25550860
Opening Hours
Today
07:00 - 21:00
Mon - Sun
07:00 - 21:00
Above information is for reference only. Please check details with the restaurant.
【屯門區】【家麵館】今次又入到嚟屯門同大家一齊搵啲唔係好起眼嘅餐廳嚟食，今次嚟到呢間小店，一入去就見到係家庭式經營，好似一家大細男女老幼都齊晒咁。個侍應應該係老闆娘嚟，見佢一邊招待客人，一邊帶住小朋友做功課，都幾吃力。我即刻睇睇佢哋餐廳嘅 社交平台，不出所料，原來係「由兩公婆艱苦經營」，仲話「雖然不會有飽飯食，但麵就一定食飽你」，不過我又唔係好想食麵。睇開我呢度都知我最常食啲垃雜嘢，咁佢呢度都幾多小食喎，掂呀。首先整個下午茶餐先啦，用咗 $43 整咗份「牛扒配西多半件」，飲「凍奶茶」，牛扒都係啲茶記扒，不過有得配西多幾好。西多士雖然係半塊方包，但係有搽花生醬，食落算係吊到鋪西多癮而又唔會太膩咁，感覺唔錯。杯凍奶茶正常，就幫手由頭帶到尾做餐飲，等我放心食小食，首先用 $10 要咗「糖心蛋」一隻，整體 okay 略嫌有啲凍。之後 $19 嘅「腸仔奄列」挽回咗好多分數，隻蛋整得幾好，裡面生生哋，腸仔粒又夠惹味，成件事幾好。既然食開就唔好停，整份 $38 嘅「一口芝士」六粒，炸得唔錯，唔會炸得太多，做到外脆內軟。之後用 $28 叫埋「鹽燒秋刀魚一條」，同上次喺秋田日本料理唔同，呢度切開咗兩邊咁上，味道上都幾好，做到唔錯嘅性價比。咁樣夾夾埋埋食咗 $138，而我喺呢間麵館係一注麵都冇落過肚，留待大家發掘。我都係為咗試多啲嘢先咁樣食法，正常食係唔使咁貴嘅。佢哋呢度家庭式經營，服務好好，啲「唔該」、「多謝」冇少到，值得一讚。。。（地址：屯門清河坊麗寶商場地下56號）
continue reading
係屯門區長大既我由細就已經食過好多間唔同既食店而呢一間咁岩都係我路過咁岩見到個餐牌既食物吸引到仲有店員熱情既招待而入左去好快睇哂所有既餐牌第一碟係黎左個乾炒牛河見到色方面無問題而且都唔會太乾而難入口一開頭係面果啲無咩問題但點知食落底就覺得好有炒燶咗嘅味令到成碟野好難入口食哂都係要格硬食唔想浪費到第二個就係豬扒拉麵佢寫住喺推薦食客叫既咁但係試左個湯係類似普通食麵既雞湯底無咩特別，到食落個麵就真係麻麻地個口感似係又淋又唔係好彈菜譜真係唔得，完全擺唔到入口隻流心蛋都係好普通，做唔到甜甜地嘅效果豬扒係好似普通茶餐廳嘅豬扒，都尚可接著最後黎到既係雞翼係呢個真係值得一讚佢既蜜糖令到雞翼不失水份雞翼皮夠脆唔會好乾而且甜甜地就算七味有點辣都會被蜜糖沖淡整體而言店員既熱情招待係有禮貌加分但係食物質素方面真係有待進步
continue reading
午餐時間，在置樂找尋美食。經過看到這間 家麵館，食物選擇多，價錢相宜，而且有很多客人光顧，心想是「實無死」的餐廳。無論是店外店內都坐滿客人，學生客人比較多，幸好還有一張兩人桌，令我對食物十分期待。(客人剛走即刻影一張😂)椅子稍為有些硬！不能坐太久，會累😂-這兩張餐牌是我們點食物的那兩張，我們都點了「推介」「必食」的食物！食物價錢都是大約$40-$60，大多數都是$40幾蚊，不算貴~飲品好快就送到(熱飲不用加錢)食物終於來了，外貌不錯，餐具有日式的感覺🇯🇵首先這碗喇沙切雞米線$46，一來到覺得顏色有點太偏黃，聞落去也沒有喇沙的味道，不過切雞數量多，有葱和粟米，足料👍🏻不過味道方面就有點遜色......切雞雖然多，但很硬哦，不滑，好像在吃柴......至於湯底就更差，不說有沒有喇沙味道，是一點味道也沒有哦認真吃會吃得出小小椰奶味道，但這真的是喇沙味道嗎？有點失望另外米線是屬於粗又易斷的那種，很林。食食下覺得似雞油湯多過喇沙至於朋友這個茄汁豬扒意粉，味道是ok的，只是茄汁稍為有點稀，不是醬的感覺。招牌豬扒也不是很招牌的感覺，正常，沒有甚麼特別！不過朋友說了一句話令我思考了一會兒。「真的像我們在家吃的感覺。」突然才想起這間餐廳叫「家麵館」呀，完全就是店鋪想要營造的感覺～𣎴過我們點的兩樣真的不是「推介」「必食」的食物，如果是，那麼其他的......
continue reading
親民價錢！高質食物！良心店鋪家麵館！我地住係屯門都廿幾年了…真係好多地方都食過哂..食到咀都wer…加上假日唔想去市中心都人迫..所以就近近地係置樂開餐吧！帶佢對仔女..同婆婆一行四人..真係唔多選擇..同小朋友食飯..要乾淨..要baby friendly..有d地方真係唔多like小朋友架..覺得你食得慢阻住哂..la…唉..行行睇見到呢間家麵館門口有幾個小朋友係度玩得好開心..仔仔又跟住一齊玩！咁開心就食呢度啦！原來門口既小朋友係老闆女女！佢地仲同俾玩具我仔玩添！好好人喔！呢度選擇都幾多！有好多小食蜜味雞翼、扇貝、燒茄子、口水雞等等！飯麵都好多選擇！我地叫左乾炒牛河同豬軟骨拉麵！大約五分鐘就上台！快！靚！正！乾炒牛河唔會太乾！牛肉夠入味！最驚喜係個豬軟骨拉麵配菜超足料！粟米、海帶、荀、流心蛋！全部都係我至愛！豬軟骨夠入味同林！入口即溶！好好味喔！總括：環境乾淨企理！老闆都有小朋友所以超級baby friendly！食物高質！價錢親民！我會再來的
continue reading
置樂呢邊食店唔多，我地食黎食去果幾間，間中都想試下其他野，但又怕唔好食會揼心。今日本身都係食番附近果間餃子店，點知去到冇乜位，我地轉呔黎左旁邊嘅麵店。一睇就知係家庭式經營，幫襯嘅都係以熟客為主。餐牌都係以茶餐廳食到嘅為主，定價合理。我地見入座時啱啱過左下午茶時間少少，問左老闆娘一聲，佢話冇問題，俾我地照點下午茶。先唔好講味道，單係呢一點，就唔係連鎖餐廳可以做到了。一人點左個麵食，因為當日突然好想食辛辣麵，而家都唔係好多茶記可以加錢食架，大部分都好少供應呢個選擇。基本上煮麵冇乜難度，食到係真嘅辛辣麵，冇煮到腍哂，我地已經滿意。腸蛋辛辣麵腸仔餐肉辛辣麵麻辣口水雞 $28見價錢唔係太貴，都點左份小食試下。口水雞份量一般，雞肉唔多，以骨位為主，不過麻辣味道都幾突出。餐牌：
continue reading