3
3
1
Exit A1/ A2/ E2, Tsuen Wan West MTR Station
continue reading
Additional Information
Business Hours: 12:00noon - 12:00am
Above information is for reference only. Please check details with the restaurant.
Review (7)
9月26日同屋企人來了這裏食中秋節飯，家姐睇到有個套餐好平好低食，12位全包1200元都唔使，我地有12個大人，兩個小童，7:30左右酒樓已好多人，好彩呢度較大所以都唔迫又冇限時！我地個套餐係皇帝宴，菜名都好特別的鴻運金豬全體全隻乳豬,唔係好大隻,但係都幾香口的,肥左少少姐碧綠清炒貢片黃金絲呢個係翠玉瓜炒豬頸肉,都好大碟及幾爽口的,份量都夠食,翠玉瓜好甜,豬頸肉爽口脆香伴香梅玉貝原來係炸帶子配茄子,賣相都好特别的,炸帶子都幾好味的,唔太油,下面係茄子,茄子好熱好多汁唔會乾身,GOOD富貴飽粒釀玉環釀玉環入面係菇魚粒,都幾特别,唔會好似一般的用料,冇咁漏,好味紅燒雞絲珍珠翅呢個翅賣相一般,好似好多獻汁咁,不過都有翅的,但我鍾意食番正常的翅多D清蒸海石班魚OK滑身,唔鯹稻香沙薑雞沙薑雞唔肥,幾滑,同埋沙薑醬一齊食好香蟲草花濃湯泡娃娃菜初初唔知紅色一條條果D係咩,後尾睇菜單先知,都算清甜泰式椰香糯米飯為了等這個糯米飯,追了好多次仕應,因好多人都係食呢個餐,所以第一輪出晒後要再整過,就要等耐少少,我地等左好耐,都未嚟,超碼半小時以上,最後終於嚟到,本來係芒果的,後尾變左桃,賣相都好靚的,味道都幾好,不過淋左少少,我諗未整好的,可能要過多一陣先上得的.我地不停的要求仕應送糖水給我們,初初佢都唔肯的,後來實在都覺得要我們等得太耐,就每人送左一碗紅豆沙俾我地食啦,紅豆沙都好出色,煲到真的起沙架.12位全包(兩支大啤酒及四罐汽水), 我地將大啤酒轉埋汽水,共有10罐汽水呀! 價錢都非常抵食的!!
continue reading
尋晚(23-12-2009 Wed)放工後o黎呢o度出席女同事LMP o既婚宴,o黎到當然未夠鐘開席,睇同事打牌,到8點正,侍應準時準備開席,我o地都埋位喇.呢晚菜色有:1. 永結同心大紅袍即係乳豬,隻乳豬都幾細隻,皮脆,但肉鹹.味道: 3.5分2. 高湯生猛龍蝦伊麵底奇怪咁快就畀伊麵人食,塞飽人.呢碟份量唔少,龍蝦都幾多,我第一round只夾龍蝦肉食,因為啲伊麵’漿’住晒好難夾,龍蝦被杰杰o既玻璃獻包住,而我覺得龍蝦一般,新鮮就唔算太新鮮,味道只係有啲啲鹹;而日本老闆話食到蒜蓉味,而女同事DH話食到芝士味.到第二round,我至夾伊麵o黎食,好重蒜蓉味啊,原來啲伊麵入晒味,都幾鹹.味道: 3分3. 玉環瑤柱脯即係節瓜瑤柱,呢個就冇問題.味道: 3分4. 黃金百花蟹拑呢個同樣係OK,冇問題啦.味道: 3分5. 紅燒竹笙蟹肉翅我o個碗翅同竹笙唔係好多,但蟹肉都幾大舊,亦都冇問題.味道: 3分6. 海蔘扣鮑片份量都幾足,而呢個亦都係冇問題.味道: 3分7. 清蒸大海青斑端上o黎時係好香,食落亦夠滑,可惜另一邊係未蒸熟,o徙晒.味道: 4分8. 美景脆皮雞隻雞唔係好大隻,皮都幾脆,但唔知係咪又o岩o岩熟,令到味道有啲怪怪地咁.味道: 2.8分9. 鴛鴦雞絲炒飯咪即係一紅一白o既鴛鴦炒飯,不過呢個我冇食.10. 上湯水餃侍應分到每碗三粒水餃同一條菜心,水餃唔大粒,但由於就飽飽地,所以就算至係三粒,我都覺得多.而水餃內裡豬肉比較多,只有少少韭菜,變o左唔夠香,呢個遜色o左.味道: 2分11. 雪蛤燉紅蓮材料就係雪蛤,紅棗同蓮子,蓮子鬆化,紅棗細細粒唔甜,雪蛤都係咁啦,冇乜味,而糖水都唔算太甜o既.味道: 3分12. 永結同心係一碟兩款o既曲奇,睇個樣應該係自製,一隻係’唧’出o黎’老鼠’仔,係杏仁味,唔太甜,都食到啲杏仁味o既.另一款係袖珍蝴蝶餅,雖然有好多糖粒,但又唔甜喎,而佢係做到脆酥o既口感,都可以o既.味道: 3分值得一讚o既係樣樣o野都keep到好熱至捧出o黎,.環境:都幾寬敞舒適,掛有水晶燈,算係擺酒好地方,但個台太細喇.服務:整體而言都唔錯,不過當侍應收o野時,唔覺意跌o左一張用過o既tissue o係佢o既公匙上,當上下一個菜時,佢用o個個公匙時,都冇意識幫我o地換過個,要我o地開口叫佢佢至去換,恐怖.
continue reading
這家迎囍大酒樓,是稻香集團其中一員,是日理髮後,就和爸媽一起上來這兒晚飯.上到去,不用等位便可就座,稻香集團旗下的酒家一向也不差,最重要是經濟實惠,迎囍大酒樓也是如此.甫坐下,立時看看有何特價小菜,看見有豉椒炒花甲再任選一個小菜,才八十八塊,就要了,任選小菜雯要了鮑魚姑扒翡翠,侍應推介特價咕嚕肉,價錢只是十個大洋,當然也來一碟,再叫多個什麼蒜蓉金絲蒸海班,五十大洋半條,四個菜三人也夠吃了.豉椒炒花甲很快來了,花甲比蜆大件厚肉,份量不算少,但有很多空殼,也不夠熱,看樣子是一早煮定,到鮑魚姑扒翡翠,這個菜亳無難度,只是灼熟鮑魚姑和生菜,再淋上茨汁,很難會煮得差.之後咕嚕肉來了,份量多得很,但粉厚得吃不到有肉存在,說到這裹,也知這碟咕嚕肉的味道如何吧,十元真的貨真價實,大家明白了吧.最後來的是蒸海班,價錢最貴卻最差劣,魚蒸得味道全失,肉質像口香糖,碟底一點豉油也沒有,大家也只吃了兩口.三人最後也吃不完,四小菜一白飯,加一支飲品,包括茶芥加一,埋單不用二百,難怪這集團會其門如市.不過如斯質素,寧願花多幾個錢好了............
continue reading
多得朋友所贈$100現金劵，今夜一行七人來吃晚飯其中一個原因是想一試"一蚊雞"，看看究竟是否將貨就價還是真的抵吃八時到達竟然不用等位，在荃廣的分店好像比較少見，可能很多人都等九時後的特價時段，因為不少小菜都有半價(e.g.$48 ---> $24)，實在十分抵吃坐下來看看餐牌，發現除了"一蚊雞"之外，也有不少優惠的。有$698免茶水加一的6人套餐，二百多元龍蝦伊麵/海鮮加兩個小菜的，亦有四十至五十多元的小菜，感覺的確比以前抵吃的最後大家決定要了一個$238的自選海鮮三寶餐，兩個小菜和一隻一蚊雞自選海鮮三寶餐($238)：1. 上湯淡水龍蝦球伊麵：麵底沒有過腍，麵汁竟然有點忌廉味其實是不錯的，但是龍蝦球味道的確很淡，肉質爽得不像龍蝦，舅母說是沒有泡油之過2. 和味咕嚕肉：對這味菜沒有什麼期望，因為之前在這裡吃的都是水準之下。果然沒有驚喜，又是粉多肉少的貨色，還好不是咕嚕豬膏，收貨了..3. 雞粒麵醤菌皇豆腐煲：這個住家菜用料平實，卻帶來一點驚喜。菌類有不少茶樹菇和秀珍菇，連同豆腐都吸收了麵醤酸酸的味道不過豆腐用上硬豆腐比較粗糙，相信用滑豆腐會比較好海味雜菜煲($48)：補充纖維之選，所謂海味其實只找到鮮魷，蝦米和瑤柱，菜就有金菇、秀珍菇、白菜、西蘭花和菜心，還有粉絲伴吃的，味道清淡的一味，做好本份就可以了川弓白芷石鍋魚頭($58)：這個在餐牌上標明是"三少之選"，即食物安全中心提倡少油，少鹽和少糖的菜式。原來川弓白芷是藥材來的...我之前真的不知道...鍋內有兩個大魚頭，竹笙和娃娃菜。滿滿的湯充滿藥材味，但就找不到魚的鮮甜味，一切都被藥材味蓋過了一蚊雞($1)：這隻雞究竟有什麼吸引力呢?我們都擔心將貨就價的問題，若是因為便宜而吃到肚子痛就無謂啦...但這隻雞真的不錯~來時還是熱辣辣的，雞的肉質也不是梅的，看來這個promotion是真心益街坊和做勢的於是追加了一隻讓遲來的爸爸有得吃~水準平穩：芝麻糊--->杏仁露($6.8)：其實DBS/compass卡是有免費糖水送贈的，但今天爸爸沒有帶...都是要了一碗芝麻糊，吃第一口就知道出事了........稀如開水的芝麻糊吃下竟有酸味?????????不得不投訴了....於是經理給我們換來杏仁露/紅豆沙，我要了前者，杏仁露對辨得多，杏仁香濃濃的，但吃到底竟然有一舊舊的粉團看來這兒不是吃糖水的地方......環境方面，這晚沒有太多客人，所以沒有很迫很嘈雜的感覺。但服務員實在太少......基本上每次都要等3-5分鐘才有人回應..用了現金劵，今餐只是$430，其實真是抵吃的。而一蚊雞的推廣期至4月尾，晚上6-9時供應的，有與趣的可以一試呀
continue reading
是日母親節,和雙親到這飲茶10點多就去到的關係,不算太多人等位叫了很多點心,全部也是即叫即整,熱呼呼上枱的,點心如下:XO醫炒腸粉,少少辣,很香,好味!鹵水豬仔腳,很唸很入味很唸,好味!香芒彩網卷(名字大概是這樣= =),外表脆脆的,內裡有"戶"頭和蓄薯,不太喜歡這兩樣食物,所以不喜歡這個.炸蝦角,炸得很脆,蝦不算新鮮,但可以接受.叉燒包,包皮軟軟的,餡料不算很多,合我心水.也是爸爸最愛的點心豆沙窩餅,皮不太脆,豆沙甜度適中,不太油小籠包,包得很好,頗美,我夾也不會爛掉^0^,內裡也有很多湯我們坐的是卡位,很舒適,冷氣也不是十分大.
continue reading