19
27
21
1-min walk from Exit N4, Tsim Sha Tsui / East Tsim Sha Tsui MTR Station
continue reading
Payment Methods
Other Info
Wi-Fi
Alcoholic Drinks
May Bring Your Own Wine
Delivery
10% Service Charge
Above information is for reference only. Please check details with the restaurant.
幾位外家親戚, 專程由新界遠道而來, 上我公司向我太座講一些外家是非 .... 三姑六婆好很煩, 使我感覺十分不爽 .... 於是獨個兒抽離一下 ..... 去吃雪糕 ~我家公司在重慶大廈, 要去吃雪糕, 當然選擇去 麼地道 的 放牛牛 Oh! Cow ~這間雪糕店主要供應四款特色雪糕 -- 水牛牛 (海鹽味雪糕)、地牛牛 (粟米味雪糕)、火牛牛 (朱古力雪糕)、風牛牛 (薰衣草雪糕)色彩色繽紛的雪糕筒 ~我點選了 ....風牛牛 (薰衣草雪糕) $42賣相精緻, 夢幻又浪漫, 肯定是相機先食的好材料 ~用上 日本北海道 富良野 3.7 牛乳 製成的 薰衣草味雪糕 (風牛牛）, 口感奶順細軟, 入口有淡淡雅緻的清香, 裝飾小花乃是用威化皮製成, 既好看也可吃 .... 味道清香, 甜度偏輕 ~ 加上蜂蜜窩夫和經液氮冷凍過的菠蘿粒, 雪糕筒夠香又夠脆口 ~ 好一球雪糕乃是解憂解愁的良伴 .... 吃後, 心情自然變佳 ~本篇完 ~
continue reading
我, 係一個不太愛吃甜點ge女孩, 雪糕, 係我唯一愛ge放牛牛, 朋友食過話唔好, 期望唔太大, 只不過幾個女生high起上黎我陪食姐, 辛好呢度可以比你試試先比錢買, 唔試真係唔敢買, 因佢d口味實在太獨特啦懶埋職員目口目面比你試, 我一揀就揀粟米味, 因為我除左唔好甜仲唔好重口味, 哈, 一試又幾香喎, 少少甜, 食到尾都lam lam脷, 仲有側根ge番薯好甜, 好味道
continue reading
炎炎夏日，在街上多走兩步都溶掉。雪糕店大熱，尖沙咀區的主打雪糕的甜品店不多，來到位於尖沙咀麼地道的放牛牛, 於店內沒有座位供應，而且店舖的面積很少, 買了雪糕後只能邊行邊吃, 或於店裡很少顧客的情況下, 站於店裡內吃。開放式的廚房，可以見一雪糕機服及製作過程，4款不同的雪糕筒樣本也放在旁邊展示着。餐牌上有4款特定的店長推介的雪糕組合, 顧客亦可見選擇自己喜愛的雪糕口味及自選配料，配搭出不同的 topping。有某幾款水果配料寫上液氣冷凍，店員解釋是急凍的意思。而且可以選擇用雪糕筒或紙杯盛蛓。由於第一次品嚐, 我選擇了地牛牛($42)再配上我最愛吃脆脆雪糕筒，而且這裡雪糕筒是手造的及有不同的彩色圖案非常吸引, 配搭上一定無問題。地牛牛($42)是栗米味道的雪糕配上燒日本甜薯，椰青肉同埋牛油酥餅， 甜薯只有一小條而且有小小硬，比較乾身, 至於雪糕的味道牛奶太重, 栗米味道很淡，這款雪糕不能帶給客人清新冰涼的感覺, 同我於北海道吃到的差太遠了, 椰肉比較硬, 沒有椰子味道帶不出清新的口感, 牛油酥餅令到該雪糕更加膩及飽, 到最愛吃脆脆雪糕筒, 慘了, 雪糕筒不是脆脆的, 是又硬又給厚身,吃到中後段有一些脆脆米，底部還有一小塊威化。總括來說這雪糕不是好味, 雪糕應該要帶給客人有清涼的感覺, 但它只有飽膩感, 品嚐這次後我一定不會再光顧, 而且該價錢不太值得一試.
continue reading
今晚同朋友到尖沙咀晚飯，忽然見到對面街有間雪糕店，就係之前一直好想試的放牛牛，擇日不如撞日，就一齊去放牛啦！門面都幾得意，招牌係黑白相間的紋理，好似好大隻牛牛喺度呀！雪糕暫時得四款，分為地牛牛（粟米），水牛牛（海鹽），風牛牛（薰衣草），火牛牛（朱古力），可以選擇用杯上或者Cone 上，價錢一樣！我係視覺系女生，見到個Cone 又有斑點的圖案，咁就當然揀左要Cone 啦！望住呢四個味道，揀左好耐我好鐘意風牛牛個朵花，又鐘意佢紫色，又鐘意火牛牛個棉花糖，不過我食親棉花糖都好似世界大戰咁混亂，所以最後揀左地牛牛，真係自己都唔知點解，哈哈哈！可能想食下塞米啩！地牛牛 - 粟米味不屬於超濃郁那種，比較似忌廉湯吧，入口香滑，奶味同粟米味都平衡到，唔會太突兀，牛奶多所以溶化度偏快，影左幾張相就開始少少咁溶（但又未至於Looop 那種會滴到成手係嗰種溶法）食到底下會見到新鮮椰青肉，味道甜甜地，同粟米味都好夾，不過我喜歡牛油酥餅，小小幾塊，好香牛油味，質感好酥脆，又不會好漏！七彩的Cone 夠脆身，食到最後都無俾雪糕搞到淋晒！之前新張時，都有朋友食過話普遍都話好快溶，所以一直都無到試，今晚食好似俾我朋友所講的質素好好多，至少無溶得太厲害！
continue reading
今晚同班朋友在尖沙咀食完一餐焗飯晚餐，路經一間路口位置的雪糕店，店外的裝潢都好cute,用了乳牛的logo及黑白的門牌，它就是《放牛牛》，行過店鋪都見到有約個女生正在食雪糕，其後看下餐牌，店中供應的有四款特色風雪糕，分別都是地牛牛(粟米味雪糕)、水牛牛(海鹽味雪糕)、火牛牛(朱古力雪糕)及風牛牛(薰衣草雪糕)，全部價錢都是42元，當中都分配了不同的配料及不同色彩繽紛的雪糕筒，賣相看來都好特別。如果想自己自選雪糕及配料，店方都有供應。 我個人比較鍾情於花香，所以我就選擇了風牛牛的雪糕，主要成份是有薰衣草雪糕、蜂蜜窩夫、菠蘿粒及威化餅雛菊，雪糕的奶味都好濃郁香滑，向店員查詢先知道此店的雪糕主要用了牛味較香濃的(富良野3.7牛奶)，雪糕是淡紫色的色澤，感覺帶點浪漫，再襯上用雛菊形狀的威化餅，正合我這個愛花迷，旁邊加上了蜂蜜味窩夫，仿彿帶領我去到有蜂飛蝶舞的花花世界，再加上鮮艷奪目的雪糕筒，整體的配搭已經俘虜了我的心窩。 先來品嚐第一口的雪糕，口腔中已經感受到充滿薰衣草花香氣，質感幼滑香軟，由於奶的成份較濃郁，雪糕都開始好慢慢溶化，此味道真是好吸引，甜度再輕少些，我相信會更合適，旁邊的蜂蜜窩夫就比較香甜軟身，而食到差不多會有菠蘿粒及朱古力脆米，菠蘿都十分香甜，再加上朱古力脆米更有脆脆的嚼感，口感層次更豐富，雪糕雖是主角，但令我多一份驚喜的是這個雪糕筒，雖然我用了不少時間去享用此雪糕，但用了窩夫皮製的雪糕筒都仍然好脆富牛油香，真是不可忽視，真是好美味，時候不早，下次我會再來試下其他味道雪糕。
continue reading