芽莊越式料理 (海港城)

Open Now

Now Closed

飯局聚腳點，環境舒服，如能坐𥦬邊位，見到香港海景就更好。4人聚餐，天氣涼涼地，食吓暖苙苙的三寶河(牛肚、牛丸、鮮牛肉片)，暖吓肚仔，牛肉不靭，每人分少少，可以食多兩味。另外，試左芽莊炸物，炸蝦餅及蝦多士，每人各一件，味美香脆、仲啖啖肉，值得一試。還有叫炭燒豬頸肉，腍肉多汁，不過我個人較喜歡醬汁另上。還有叫蒜蓉炒芥蘭，芥蘭新鮮，炒菜味道正常。由於朋友想食澱粉質嘢，所以叫左芽莊炒飯，但大家都有點失望，炒飯熱度不夠，係越南餐廳食飯，事實炒飯不是熱門食物，可不用試。

大年初一，到到都係人，到到都限時，我地一家人仲走左出尖沙咀😅😞😔出左去先記得出事⋯⋯趁未到花車時間又未到飯點嗱嗱臨去搵食見到越南野，就入左去食原來係芽莊叫了最喜歡食既燒牛肉撈檬🤤🤤🤤🤤🤤家叫了一碗蕃茄湯海鮮麵同蝦卷撈檬同牛丸湯河仲叫左小食蓮藕餅同越南春卷👍🏼👍🏼🤤🥳燒牛肉撈檬，牛肉又淋又香🤩蝦卷有兩大條，好大一卷，又香又脆😎蕃茄海鮮麵，好香嘅蝦肉蟹肉嘅湯味，鮮🤗牛丸湯河，牛丸好彈牙🫨蓮藕餅，係夾住一塊完整嘅魚肉，蓮藕好脆，魚肉煎得好香口。越南春卷，三大條剪成六嚿，每一舊都好足料炸得好脆，用生菜包住食一流👍🏼

走入嗰刻，即刻俾芽莊嘅清新氣氛吸引住。首先試咗河內生牛肉粉，湯底飲落去清甜又香濃，生牛肉滑嘟嘟，超級入味，啖啖正！配料新鮮，加上辣椒同香菜，一啖咬落去，爽口夠晒kick！手打牛丸粉就仲有得講，牛丸咬落有彈性，微微牛肉香，湯底都保持得好好，唔會太鹹，真喺勁！咁岩吹住晚風，睇住海景食一碗熱辣辣嘅牛肉粉，真喺滿足到爆！最後，海鮮蕃茄檬一上枱，個濃濃嘅湯香就四溢。啖啖海鮮，蕃茄酸酸甜甜，完美中和咗海鮮嘅鮮甜，絕對喺我嘅心水之選！整體嚟講，依家食過呢幾碟，真係覺得芽莊嘅味道同氛圍都係正宗得嚟又舒服。下回再黎，一定要帶埋朋友嚟一齊享受喇！👍🏻🍜🍤

見到佢個regional dish session 有個順化牛肉粉，係辣嘅湯底，所以就想要試下，但係非常之失望首先個湯底一啲都唔辣，冇乜味，另外呢個牛肉粉入面嘅牛肉係牛展，切得好大塊，但係又冇煮得好淋，連咬開都有困難，成個口感一啲都唔好，而且個牛腱亦都係冇味嘅，主要都係靠檯面嗰支淥淋去食完呢碗粉另外由於同事想食菜嘅關係，就叫咗個90蚊嘅泰式炒通菜，就係一個好普通嘅炒通菜先唔講價錢，但係碗牛肉飯真係令人好失望

服務員態度很差 會比面色客人睇 收取切餅費 但蛋糕原個包裝隨手掉在桌子給客人 沒有打開幫忙點火亦沒有給予新的碟及餐具 找服務員幫忙卻只係換尼一個 我唔得閒 的反應 真係很差的用餐經驗客觀尼講 食物味道唔差嘅 價錢都正常 但服務態度令人對呢間餐廳好反感 唔係期待好熱情笑容滿臉嘅招待 但無理由係要睇服務員面色 明白樓面會忙 我接受佢可以話稍後答你一係扮望唔到就咁經過都可以 但佢係會望住你再藐你一眼或者好暴躁咁答你 唔只一個係咁 全間餐廳嘅服務員都係咁

❣️留意返，呢間餐廳係冇得訂位‼️❣️如果你想坐窗邊，望住海景，建議早啲嚟，而且係三至四個人嚟，因為窗邊都係四人枱🥲❣️濱海伴燒雞:個人好鍾意食濱海，但係真係唔係間間都會有，所以一定要叫嚟試下。但係我必須講…個燒雞都燒得幾乾下🙈不建議！❣️蒜子炒通菜梗:炒得啱啱好嘅，味道唔特別！如果有其他嘢想食，就可以慳返個quota！❣️香茅燒魚:魚肚入邊塞咗好多香茅同其他香料，所以完全唔會有腥味，魚都好大條下！不過佢燒嘅嘢都有同一個問題，就係太乾🙈好彩有個sauce幫下手。

係附近做完野 同事推介食呢間越南菜🇻🇳天氣熱 聽到越南野心心念念想食撈檬同飲沙冰😆安南藕苗蝦沙律酸酸甜甜 藕苗質地爽口 幾特別越南炸春卷脆脆香口 配沙律菜一齊食冇錦油膩芽莊炒飯有臘腸，花生，肉絲，雞蛋絲好足料 惹味👍🏻👍🏻 成碟清曬 不過食到底發覺有好多油😂順化牛肉湯檬有扎肉，燻蹄，牛展個人認為燻蹄唔錯 肥瘦適中 牛展口感偏硬左小小湯底微辣 唔想食清湯太寡可以試試呢個🫶🏻燒雞撈檬撈檬汁係精粹 夏天熱辣辣食真係好開胃雞肉燒得幾香口 但份量相對小河內牛湯河雙併揀左牛腩同牛丸 清湯底 牛腩淋身 普通榴連沙冰 ❤️❤️超級推介超重榴連味 感覺上食到啲榴連蓉😂超綿滑既一杯沙冰～～中午食飯時間因為樓上多寫字樓公司 普遍都要排隊位置算寬敞 今次安排坐窗邊位置 可一覽海景用餐加分！

來過這家餐廳好多次，真心覺得味道還不錯，但係唔知點解牛肉河粉份量一次比一次少，今日真係頂唔順要投訴，$120只得兩舊仔牛腩、兩粒牛丸、芽菜青蔥洋蔥，我兩歲兒子自己一碗都唔夠食，加底要$50實在太離譜！

今日出車去尖沙咀用埋海港城免費泊車食個飯。泊好車落幾層嚟到平時得閒都會嚟下的芽莊! 主要推薦 越式魚露蝦、芝麻蝦多士、鮮茄蟹濛粉越式魚露蝦 - 比起一般泰國菜舖頭，呢盤魚露蝦有成20隻! 份量非常足，食落好夠味，都有d 辣芝麻蝦多士 - 咬落去個蝦多士感覺上90%都係蝦肉! 多士部份好薄好薄，食落無想像中彈牙但幾香鮮茄蟹濛粉 - 個粉入面真係有半隻蟹，同湯都有好多蟹肉! 個湯鮮甜，紮肉好爽口一如以往的高汁🥲

又到牛媽去覓食嘅時間啦！今次牛媽去咗食非常之好味嘅越南菜！蕃茄蟹肉湯檬同埋牛油雞翼係必食嘅！蕃茄蟹肉湯檬非常開胃且非常鮮味！牛油雞翼非香口，脆卜卜，牛油味十足！！！

餐廳環境對住正個維港 真係無得輸🍜蕃茄蟹肉湯檬 $95 ⭐️⭐️⭐️⭐️⭐️蟹肉 鮮蝦丸 豬肉 海鮮濃湯 超級好味！！！ 原來蕃茄同蟹係好夾架！個海鮮濃湯個湯底，真係非常濃郁睇落去好似好水咁 但味道係濃濃架🤭又唔會過鹹 唔覺唔覺飲咗好多😝同埋好多餸 好滿足😌 除左蟹肉同鮮蝦丸，都有扎肉蟹肉相對地係少既，但勝在鮮！蝦丸， 唔係彈牙個款， 口感係軟既一樣都係鮮！ 😂檬粉唔係平時食嗰一種有少少似米粉 好吸湯 好入味😋🥘會安慢煮豬花腩$108 ⭐️⭐️⭐️⭐️ 純素穀飼豬腩 家鄉醬汁 越南香葉菜肥而不膩 清爽易入口 😊 好有肉味 仍保留到肉汁 juicy😋😋 仲有脆脆地既肉位 但又唔係皮黎架啵幾得意😎 有驚喜🥰🥰 點埋啲醬汁都好滋味 唔會過鹹🌱西貢牙車快 $98 ⭐️⭐️⭐️手撕雞 椰菜絲 魚露汁 花生表現一般般 手撕雞係嫩滑嘅🤭但係椰菜絲帶有少少青澀味道 唔係太討好調味唔係好夠 唔係太食得出有魚露嘅味道份量都算幾多 😂

一直都想食芽莊行過海港城見到好多間嘢食都唔啱原來呢度有間芽莊，所以就走咗入去傍晚6:00入邊都仲有好多位 可能係啱啱開始晚飯時間我哋叫咗一個河內蕃茄蟹檬（$88）濱海伴燒牛柳（$95）濱海呢個菜式唔係度度都有 牛柳好大份 米粉佢唔會煎到好硬好痴牙 食落幾有口感河內蕃茄蟹檬 蟹肉湯底好香 又唔會好腥嘅海鮮味 蕃茄味夠濃郁 會令到你有意欲想飲晒成個湯食食吓先發現呢度係窗邊係可以見到海港景色如果下次一定會提早訂位先 依間餐廳用嚟慶祝生日紀念日都不錯

放工同朋友喺海港城搵嘢食，好幾間七點幾已經截哂，冇得拎飛🥺好彩仲有芽莊，就一於食吓越南嘢🇻🇳河內牛湯河雙拼🌟🌟🌟🌟🌟牛丸拼雞絲🤤味道幾好，牛丸彈牙！西貢咖喱蟹肉🦀🌟🌟🌟🌟另外加配白飯🍚見佢其實蟹肉都幾多，加上咖喱送飯一流👍🏻椰青蒸蜆🌟🌟🌟🌟係有淡淡香椰青味🤤🤤🤤芥蘭苗🥬🌟🌟🌟門神手工峴港啤酒🍺🌟🌟🌟另外，我仲嗌咗杯青檸梳打，一啲都唔酸，正！

今晚夜晚喺尖沙咀海港城搵餐廳醫肚，見到呢間芽莊，七點幾人唔算多。咁我就入去試吓啦佢有一邊係望海景的，環境都唔錯。叫咗一個炒米粉。佢呢個米粉唔同平時食嗰隻米粉，呢款米粉比較粗身啲入口比較煙靭，另外啲扎肉都好好食呀。✌🏻✌🏻✌🏻我哋仲叫咗炒通菜根。蒜蓉炒通菜根，吵完之後啲菜都仲好脆口，口感啱啱好，味道都唔錯。🤪🤪🤪另外仲叫咗個雞肉串燒。雞肉串燒一嚟到，由於用鐵板上，所以仲有治治渣渣嘅聲，熱辣辣好香。啲雞肉食入口都仲係好滑，另外佢嗰個沙嗲醬好好食。我覺得係呢間餐廳必叫的串燒。另外仲嗌咗一杯青檸錫蘭紅茶，本身叫咗少甜，但嚟到發現都仲係好甜，想叫侍應換，但佢哋話原來本身錫蘭紅茶都係比較甜的，我哋唔想嘥嘢所以最後都係冇換到，但我平時飲嘢比較淡，我就覺得杯紅茶少甜都係好甜。🤣2人用餐$350. 除咗杯錫蘭紅茶之，其他嘢都好滿意，等我下次再嚟試埋其他食物先。

一到週末周圍餐廳都大排長龍，呢間越式料理雖然較少人排隊，但質素不錯，我自己都去過幾次～🍗燒五花腩撈檬 Bun Thit Nuong ($88)五花腩較為厚身，油脂分布剛剛好，口感香脆，不會過於油膩；撈檬份量十足，十分飽肚🤤🍚芽莊炒飯 Com Chien ($98)炒飯粒粒分明，食落不太油膩；味道正常發揮，不過不失😬🐓芽莊牛油雞翼 Buttered Garlic Chicken Wings ($82)4隻雞翼即叫即製，新鮮熱辣辣；牛油味香濃，口感香脆，十分入味！但價錢略貴，不太抵食～✨整體感覺：上菜速度快，食物質素不錯，值得一試～