中村藤吉香港店 (Closed)

中午12:08 到達美丽華廣場3樓店舖，見到店舖烏燈黑火以為結業，但門口企咗位女士，看看招牌和營業時間，無執笠，兼且已是營業時間，但全店死寂。12:10開始有職員出現，開燈，但無理會門口我地的存在，還有職員在食三文治。服務性行業？

時隔一年再訪香港，還是想再吃一次中村藤吉的抹茶，這次選了跟上回不同的菜色品嘗，依然令人滿足，像首圖這看起來簡單、未加其他裝飾的抹茶蕨餅就十足美味，難怪是限量商品，很快就會完售。另外一份是京都精選，搭配鮮奶油甜度適中，跟鬆軟甘香的抹茶蛋糕十分搭呢～濕潤的紅豆泥吃的到粒粒鬆軟的紅豆，搭配軟Q的白玉團子最後是香濃不甜膩的抹茶冰淇淋，不過度強調甜味，在舌尖上留下爽口的抹茶香裡面還有一顆甜栗子，吃起來相當鬆軟甘甜❤️

说到抹茶，大家一定都会想到中村藤吉，这个能满足抹茶控对抹茶所有期待的地方～在我眼里，抹茶是茶道的延伸，是将茶叶通过加工处理变成了另一个艺术形态，可以和冰淇淋，啫喱等被大家喜爱的食物完美结合。周末约上三两个好友，聊天品茶享用抹茶甜点，真的非常惬意啦～中村藤吉的抹茶微苦却恰到好处，喜欢抹茶原汁原味的可以选抹茶重一点的，喜甜的朋友可以选择辅料较多，如冰淇淋，红豆这些原本就带着甜味的食物来和抹茶做一个完美融合。抹茶啫喱的口感我非常喜欢，Q弹果冻感，如果一定要说个缺点的话那就是量太少了，哈哈，毕竟这种啫喱和丸子我可以一口接一口，根本停不下来呀！【推荐】抹茶蕨饼88hkd，宇治金时馅蜜98hkd，生茶啫喱（抹茶）88hkd，宇治金时冰（抹茶）

由開店一依家，每次尖沙咀行到攰嘅時候，搵地方飲杯野都會選擇呢間中村滕吉先。因為貪佢較靜，而且樓下就係購物之地，食完又行過，過對面就可以搭巴士歸家去。但係近幾個月，呢間中村滕吉嘅食物質素，同服務態度，都下降左好多。第一：無冷氣，下午至黃昏去簡直焗到暈，加上仲要落地玻璃，太陽照入嚟，攞命第二：由出面等位開始，服務態度都很冷淡，到點餐時，侍應企晒出面櫃位位置傾計（因為個邊有少少冷氣）第三：唔知點解，愈來愈重奶味⋯⋯⋯明明開店嘅時候同日本差不多，非常重抺茶香味，依家味道同某連續便利店嘅抺茶甜筒差不多味失去中村滕吉嘅風味總結，已經不斷失望，所以，已經唔會再係我優先選擇嘅地方。

早幾年開店嘅時候已經嚟過一次，當時人氣非常旺盛，淨係等位都講緊起碼要大半個鐘頭時間，雖然無論環境同食物都非常吸引，但係諗起要等真係怕怕。今日喺美麗華行街行到有啲攰，同朋友商量不如去中村藤吉睇下，好彩今日人唔多，終於可以逃脫排隊厄運🙏🏼餐廳內部裝修非常日式，空間感好大，窗外嘅風景都好空曠，感覺好舒服。侍應會喺每一台都放置茶壺，裝住佢哋嘅自家焙茶，茶香撲鼻，邊飲邊食甜品非常夾。丸十芭菲之前已經食過一次，仍然心思思想再食，面頭用抹茶粉整咗鋪頭嘅logo，賣相相當精緻。最頂層係忌廉，然後順序有抹茶蛋糕丶抹茶寒天凍丶抹茶雪糕丶脆米丶白玉丶紅豆蓉同紅桑子，配搭非常豐富，每一層都敲動住抹茶控嘅心😍必試！生茶啫喱茶味好重，加上奶味偏重嘅抹茶雪糕，係最完美嘅配搭。旁邊有紅豆蓉同白玉，紅豆蓉入口甜蜜，質感綿滑🥰加上玉子煙煙韌韌增加口感，matchy matchy!食物除咗價錢略貴之外真係無懈可擊，可惜都係未有機會一嘗每日限量嘅嶡餅，唯有比多個藉口自己下次再嚟😉

星期六放半日，見有時間就落尖沙咀博一博睇下中村滕吉有無機會唔使排甘長隊。#但第一次去既朋友仔，記得係電梯上左4/F再過天橋落反3/F先搵到。終於到啦，係唔使排隊既！即入去2位，仲要有機會坐窗邊！第一樣叫係抹茶蕨餅有6件😍岩岩好每人三件。佢跟蕨餅同上有兩款糖漿，右邊係黑糖蜜，左邊係抹茶蜜。兩款都有試過，但黑糖蜜配抹茶味蕨餅，比較好。蕨餅味唔會太甜，重抹茶味又好口感！係香港好少可以做到呢個味同口感！另外再叫左個京精選味道平均，個蛋糕分開食就味道普通。但點埋個雪糕同紅豆泥就不得了。個雪糕係重抹茶味又唔苦！今餐係有去左日本食既味道。

在1 個月前，我走到金鐘太古廣場 <中村藤吉香港店>，見到推出茶系列月餅：丸十奶皇月餅！除了幫媽咪買茶葉之餘，順便買張月餅劵！由於，領取期有限期，加上要去尖沙咀食晚飯，為方便起見，我走到尖沙咀美麗華商場 <中村藤吉香港店> 分店領取！去之前，先看看確實地址，並睇一睇後期的食評，提及到服務態度差！起碼我都預咗有心理準備，純粹領取月餅不幫襯，可能會有同樣遭遇呢！好可能女店員見我在店前用相機又用手機影相，服務態度比預期，出奇地好喎！除了開盒讓我確認月餅盒內每件月餅及茶包齊全，又清楚講明什麼口味！然後，便把月餅盒放入紙袋！多謝幫襯！丸十奶皇月餅 $198一盒4件：2件抺茶月餅及2件焙茶月餅，附上抺茶葉及焙茶葉各一大包！抺茶月餅混合抺茶，入口甜味適中，抺茶甘醇，兩者口味平衡，食落的確無咁甜膩！焙茶月餅至於，焙茶月餅的焙茶在製作過程中，多了烘焙工序，令本身茶味更突出，比起前者抺茶月餅，茶味更濃郁！先嚐到甜度恰到好處，茶味慢慢滲出及回甘！美中不足的是月餅皮易鬆散，不小心用手指頭碰到，都會跌落嚟！亦比預期細個！ 見到盒底才得知是 A1 Bakery 出品！

中村藤吉美麗華店, 我大概是常客吧! 專賣焙茶和抹茶食品, 由主餐至甜品杯都有供應. 來尖沙咀行街, 想搵地方休息下, 這里是個好選擇. 除了地點外, 蕨餅也是主要因素啦!試了多次蕨餅後, 我是比較喜歡黃豆粉的. 另有提供抹茶粉蕨餅. 食蕨餅一定要沾上黑糖糖漿和抹茶糖漿美味到不行!另外, 還點了一個期間限定丸十焙茶套餐. 濃濃的抹茶, 我不太懂得飲, 苦苦的抹茶果凍, 小丸子配紅荳蓉, 呢個好出色! 果凍份量太少了焙茶ROLL, 值得一試, 中間部分的特濃焙茶朱古力味道難忘若果, 情況不許可坐下品嘗.培茶ROLL可以外賣的. 幸福!

食物OK.環境也是很日本。在mira mall 3F.女服務員態度太差，望改善。吃了坐下大概二十分鐘她已經不斷過來問可不可以收掉食物，嚴重影響心情。☹️☹️☹️☹️食物質素是一如既往的好。

之前朋友一直都有介紹呢度但偏偏一直都唔得閒來前排工作地點明明就係正隔來 但都冇唸過食上星期五 睇到自己收藏過嘅list突然間心血来潮Then. 決定同fd子收工來個女子雙人約會中村 我以為我到左京都 真係內裝好日本feel不過 服務就有少少唔夠pro即又唔係話態度差 但就係唔夠專業落order嘅時候 明明有人 但過個人就掛住玩手機 睇唔到我地 唔知係覆緊正經嘢定咩啦 亦都唔知係咪就來收工 自己嘅狀態開始有d hea啦話是話 dinner來呢度食嘅 95%都係女大家食嘅嘢都差唔多呢個發現都令我幾意外 （女仔天堂？）茶包幾好飲 茶具都唔錯（不過好重）茶介每人10HKD 🍵腐皮抹茶蕎麥麵定食（熱）🍵腐皮真係好好味 無法抗拒 所以一見鍾情都不過如此雖則之後見到有烏冬 我有猶豫左下😂腐皮雖然好味 但我記得如果再厚身小小就好啦抹茶蕎麥麵就真係無可挑剔👍🏻cuz係定食 所以仲有碗飯🍚日本米 好味 但就真係食唔落（好飽）附送嘅榨菜同甜品我就覺得一般啦🍵抹茶蕎麥麵定食（冷）🍵fd子叫左 我試左啖都唔差summer食呢個絕對消暑開胃👍🏻👍🏻👍🏻D汁真係炮製得幾好本身我地兩個仲打算食埋個飯後甜品 但真係食太

今日去咗美麗華商場行街，既然有時間，一定要去幫襯我最喜愛嘅綠茶雪糕店啦！既然係午餐時間，就順便響呢度食埋個lunch啦！我叫咗冷抺茶烏冬定食！啲烏冬係用綠茶粉做嘅，冷凍咗之後，啲烏冬好爽，好滑，連埋啲Wasabi同埋醬汁一齊食，好好味呀！食完午餐後，當然唔少得甜品啦！一定要叫我嘅至愛抺茶雪糕啫喱啦！啲抺茶雪糕真係有好香濃嘅抹茶味，啲抹茶啫喱亦都好滑，連埋小丸子同埋紅豆蓉一齊食，超級好味呀！每一次嚟呢間餐廳食完抹茶雪糕之後，我都會有一種好滿足嘅感覺！雖然未去到日本旅行，但係間中可以響呢度懷緬吓日本嘅感覺，都唔錯啊！😌

平時想飲焙茶最多去自己係屋企沖下hojicha lattle 但講到要食高質既焙茶就唔可以咁兒戲 去中村藤吉一定冇死💕 一入到鋪頭茶香味撲鼻而來 有一種好溫馨好似去左日本既feel🥺 我地三個人 分別嗌左三樣甜品: 綠茶蕨餅($88)、焙茶味生茶啫喱($88)、焙茶芭菲($98)1. 蕨餅附有兩個醬（綠茶&蜂蜜)，個人覺得蜂蜜甜左小小，蓋過左本身綠茶蕨餅既香味，dip小小就夠~綠茶醬就幾夾 加多小小都唔怕！ 2. 焙茶啫喱有兩球雪榚，應該同佢出面sell個隻雪榚筒有小小唔同，呢隻硬d不過好香焙茶味 一啖雪榚一啖jelly咁食就最岩啦😛3. 焙茶芭菲其實就係mix埋晒唔同既甜品，有雪榚、啫喱、小丸子、蛋榚、cream同紅豆，不過我本身唔中意食紅豆，佢夾左係中意整唔走😢 下次都係唔食芭菲lu.P.S 今次黎發現佢收每人$10茶錢lol 其實都幾貴 限時90分鐘又飲唔到好多

星期六喺尖沙咀行街行到好攰，同朋友要搵個地方坐低飲杯野，食下野抖下，諗起依家中村藤吉冇啱啱開鋪嗰陣咁多人，就一於黎呢度食個tea啦我地叫左兩個甜品，另外每一枱都會有一壺茶，呢度環境幾清靜，張枱都ok大，坐低傾計幾舒服黎先嘅係焙茶affogato，我地將焙茶淋落個牛奶雪糕度就食得，行街行到熱辣辣食呢個真係透心涼另外叫左個抹茶芭菲，入面好多款材料，包括白玉，綠茶jelly，脆米等等，一杯野有好多款唔同嘅野食，十分滿足

辛苦完一星期，係時候食個優質既afternoon tea黎獎勵下自己，朋友話事，就去中村藤吉朝下聖。去到店舖外面，一陣陣既茶香已經令我好期待。入到去，除左日式既裝修吸睛外，望出去唔再係密密麻麻既高樓大廈，景色宜人，真係幾舒服。不過，望到餐牌，就知道乜叫“要享受就要付出代價”！一輪掙扎之後，終於決定到叫兩個甜品。抹茶+焙茶軟雪糕，付迷你生茶啫喱($88)焙茶就飲得多，但雪糕就少食，呢度既焙茶味軟雪糕味道濃郁但又唔會苦澀。抹茶味雪糕就...好重抹茶味囉，無特別大驚喜。另外，值得一提既亮點係個威化～～冰凍既軟雪糕配上又脆又香既威化，真係好好食！焙茶芭菲($98)芭菲賣相唔錯，層次分明，有cream、蛋糕、脆米、小丸子、啫喱、紅豆同焙茶雪糕等等！每樣配料既味道都好香濃，分開食得，一齊食更得！成個芭菲用料十足，食完真係會好滿足！滿足還滿足，價錢有啲偏高。所以，如果下次再黎，我諗真係要搵到一個真正獎勵自己既理由！

今次要介紹嘅餐廳係位於尖沙嘴嘅中村藤吉。如果有留意開都知道我哋好鍾意抹茶嘅產品，當然期待來自日本嘅老字號抹茶名店中村藤吉。店內座椅唔會擺放得好密，環境舒適。Nakamura Tokichi is located at Tsim Sha Tsui, and it is one of the most established matcha stores from Japan. Seats are arranged with distance, which creates a cosy environment.宇治金時餡蜜 (Uji Kin Annmitsu) $98餡蜜伴有橙、菠蘿、紅莓、奇異果、白玉以及生茶啫喱，再喺表面加上一球抹茶雪糕。水果新鮮清甜，伴隨雪糕慢慢融化嘅時候，令到各樣水果都沐浴於抹茶之中。另外可將餡料放到餅上，再倒上抹茶蜜一同進食，令抹茶嘅甘味中帶點甜。Annmitsu is served with orange, pineapple, kiwi, mochi and matcha jelly, with a scoop of matcha ice cream on to