大喜屋 (Closed)

今日都係放題,但另一間分店 呢個係低一級既日式放題任食兩小時的日式放題，店員有禮貌，甜品選擇多有milk top雪糕、咖啡雪條等，唯坐位較密，坐得較為擠迫燒羊架即點即燒,等15分鐘,燒得2邊都脆,幾有肉汁唔錯,有水準刺身壽司都係落單點菜, 三文魚腩 鯛魚炙燒過幾香 魚油豐富入口嫩滑肥美燒鰻魚串燒, 燒到焦焦地好香口,又夠肥嫩多肉清酒都係任飲,但得一款,幾清香炸物有蠔同雞翼,芝士波 生蠔同雞翼最好食,最脆口多肉另一款係大蝦芝士燒都係唔錯! 大蝦開邊放芝士焗香,鮮味蝦肉芝士味濃又有拉絲消費$220評分8/10尖沙咀彌敦道74-78號文遜大厦5樓

大喜屋真係都食過幾次，價錢合理，選擇都多，黎親一定喪食刺身同芝麻雞翼。I’ve been here quite a few times, the price is reasonable, wide range of choices of food, must try the sashimi here, and sesame fried chicken! If u come with more friends u can order more sashimi and they serve it in a big place, great for IG pics haha

食過大喜屋系列，始終都係覺得文逊大廈這間分店性價比最高。幫襯左好多年，每次來食都好墟冚，人滿為患。今次來食，疫情關係，人少左好多，價錢也比之前平左。第一輪點餐當然要點刺身，我哋例牌點左三文魚、甜蝦、帶子、北極貝、赤貝、象拔蚌、蟹腳。三文魚照舊厚切，肉質肥美，雖然冇左牡丹蝦，甜蝦質素都OK。雪花牛肉鍋，燒羊架是必定要嗌的。味道冇變依然都係好好味。之後又嗌左各款壽司，手卷，芝士焗蚝，咖喱炒蟹，酸辣鳳爪，天婦羅，烏雞花膠湯，燒菠蘿，各種沙律.......款式太多，每一樣都想試吓。呢度有樣好就係每一款食物的份量都好少，咁就可以品嚐到好多款，唔使擔心好快會飽。嗌左好多款甜品，每件都是超細，好得意。最後每人一個Häagen-Dazs雪糕。好滿足的一餐，會再次幫襯。

今日有事過海去佐敦，諗起之前係尖沙咀吃過殿大喜既午餐，覺得唔錯，今次就試另一間係尖沙咀既大喜屋，同樣都係一點半後有半價優惠，我地早十五分鐘到咗，諗住係門口等陣先，待應話可以入去坐住先等夠鐘先落單，服務好體貼，好人性化，值得一讚。坐低待應就立刻上麵鼓湯同沙律俾我地吃住先，午餐有好多款揀，我地叫咗鰻魚飯配雞翼同火炙壽司，蟹肉丼配吉列猪扒。D鰻魚同雞翼整得幾好食，其他都正常，甜品size比較細但味道ok. 每人包一款自取飲品，午餐份量偏大怕你餓親埋單都係八十幾，邊度搵～

突然想食日本野，於是去了大喜屋食放題😋很滿足。🤗🤗🐟滿滿的刺身盤都算新鮮🤤有帶子，三文魚，油甘魚，蟹腳🦀等等⋯而且還是厚切，口感不錯😋🍣壽司方面：燒左口魚壽司都不錯👍🏻細細件 不會很飽～饅魚玉子燒沒有飯～燒得很香，甜甜地👍🏻鵝肝帶子壽司都好食😋花之戀就正常啦～🍡🍢燒物方面：羊很軟很入味，不過比較飽濟，所以食1件就夠了～🐮👅鹽燒牛舌個人很喜歡👍🏻推介，但略鹹了些少。🐥燒雞軟骨配檸檬汁，很有咬口👍🏻🍤炸天婦羅：新鮮即炸很熱很脆口🐟炸魚乾：平日整得較好食有咬口，今次太熟了，較靭～🍍🐥還有燒菠蘿，芝麻雞翼都推薦的，但忘了影相🍰🍦甜品：都比想像中好，咖啡奶凍重味，朱古力芝士蛋糕正常～整體而言，食物雖然不是很多選擇，但每款質素平均，都算好食 😋上食物速度快，很有效率。性價比算高

同老公行開尖沙咀，本身想食牛角要等好耐，因為見到openrice同旅發局有合作優惠券，無訂位上去碰下運氣，點知個場7成空，都feel到伏伏地。一入去就有個男人問有冇訂位，我問佢優惠劵用唔用得，佢答我過左期，之後我比佢睇個日期，佢話唔係佢地鋪頭😂但係地點同名都一模一樣，仲要態度好差。。。咁又唔想再搵地方，就比左258加一，點知食第一啖就覺得個豉油唔似魚生豉油，咸到似生抽，熟食同飲品好少款，魚生又切得衰，一係好大一係好細，解凍都未解好，質素又唔好，帶子開4分1我好耐無係放題見過，明明其他大字頭都食過，從來無試過間野係咁差，一開始仲要漏左上剌身。。。明明好餓都唔覺得好食真係好大件事。。。臨走係門口仲見到佢貼住旅發局既傳單，咁算唔算犯左商品說明條例？P. S 服務員係用餐期間態度正常，野食唯一要讚係d手卷紫菜好脆好多年無食過咁差既放題😩差到唔打食評唔得。。。

我地三個人， 慶祝生日， 但..... 唔會再去囉😒😒😒件件刺身，切到好細， 好薄，點帶子, 北寄具，叫一人分，佢居然一開四， 切得勁薄，我地改叫四人份， 佢都係切到又薄又細..... 唔通想考廚師手勢🤔🤔🤔🙄🙄🙄又漏單， 等左一段時間，機又話出晒，再等， 先發現漏單，再叫，再等，又漏， 唉.... 攪到浪費晒啲時間，轉頭又話last call.... 都未黎齊🙄 都唔知再叫唔叫， 飲品少選擇，啤酒得一款，其他都係紙包飲品.... 唔值得去！ 我地又衰，登記左生日，佢會送蛋糕， 但我地埋晒單，又唔記得， 佢哋又都提下，唉， 呢個生日飯🙈🙈🙈

呢間大喜屋來過好多次，食物品質一般冇乜問題。環境不迫，我一家四口坐六人枱，算鬆棟。點餐用QR code經客人手機落單，其實唔錯。在第三次落單，手機顯示不成功落單，好自然隔一分鐘再襟，又唔得，又一分鐘再襟。五分鐘襟咗三次落單。最後送來係同一數量食物三次，查詢侍應，他態度不想理會客人，只回應一句係你哋落單的，放下便算。好食的不會五分鐘連落三次單！我只想反映QR CODE手機落單有漏洞，希望貴公司注意，無謂浪費咁好食物。

刺身中，泰式生虎蝦並沒有配泰式的酸辣汁醬，只得wasabi豉油，知道並不配合。另外海膽手卷上啲海膽少得可憐，只得一點點，初初是很大塊的。讚的是今次多了幾樣新食物。蠔汁花膠整得唔錯，至於咖哩蟹的咖喱汁，一食就知係咖喱粉溝水啦。另外今次落食物不能用自己電話上的掃描apps去登記，只可以用微信上的掃描器去掃描，真奇怪。

幾耐無食放題，今次選左呢間食。整體都幾好。呢2間可以電子化落單，夠環保夠方便。食物方面，食左刺身，無雪味，都幾新鮮。軍艦，壽司都唔差，紫菜無淋左。抵讚。炸餾連，一口牛都好好食，仲食左其他熟食，整體唔錯。飲品就有啲少選擇，好彩有coconut water 甜品不過不失。最後，雪糕食左movenpick.工作人員都算有禮貌寫完好既野，寫返啲唔既野，就係有幾次比錯左食物我地。hkd250一個人午餐，可以接受，我整體比4分。

上次食過之後一直念念不忘，所以疫情有點好轉之後就急不及待要再嚟幫襯幫襯. 食物要特別推介魚生(厚切肥美)、壽司(d飯唔係暖夠凍)、西京燒比目魚(甜甜地好惹味)、燉湯(唔覺好味精又足料)、炸物(夠脆夠熱)等等，好多都性價很高. 另外，當日冷氣強勁，但問咗侍應無披肩提供之後，竟然佢會提議我攞罐熱飲暖吓隻手，而且隔咗一陣仲俾杯熱茶我等我可以頂一頂添，呢種服務簡直令我有驚喜又鍋心，所以決定過兩個星期又要食喇

呢间店听讲疫情之前需要排一个月先预约成功。但今日去应该只有6成满座，基本上唔洗等位。店铺装修和座位宽敞度系所有香港日本放题当中最舒适嘅一间，唔会太挤逼。食物种类算多，刺身拼盘贵价品种一定无，但基本种类都齐全，新鲜程度可接受。另外最喜欢系花胶任吃，花胶一大块味道非常好味。芝麻鸡翼都系我嘅推荐。烧元贝芝士放的太多，吃的多有D腻。其它串烧味道感觉一般啦.无惊又无喜。整体黎讲200几港币性价比属于比较高的。

今日星期五，同班朋友去左食放題，好耐冇去食！！呢度刺身，真心不得了，非常厚切，味道好好，每次黎呢度刺身都一定嗌好多，其次就嗌海膽手卷，味道當然唔算好好，但以放題都算唔錯！！

呢間餐廳需要預早一星期之前預約，由於一早訂左位所以等位時間係0,上到餐廳即時安排入座，同朋友來大喜屋，店鋪用QR code電話及電腦下單食物上菜速度快，不過對長者黎講或未黎食過既可能會唔太方便，刺身新鮮，款式選擇多，炸天婦羅蝦香脆可口唔會好油，唯獨坐位比較迫，窄，人多來食可以坐卡位可能舒適d，還有熱食烏冬同花膠客飯也不錯。壽司款式都多。飲品選擇也多。收碟速度也很快，服務質素一般，最愛雪糕，可惜沒有任食，只能一人點一客，如果有任食就好啦。（空想中..）

今次經開飯訂位食放題，雖然是星期五晚上，餐廳也能準時給我坐位，位置很不錯，一點壓迫感都沒有，位與位之間也有一定的距離，走廊闊度也合適！半年以上的時間沒有食放題了，現在落單棄用了紙張而改用scan QR code經電話落單，非常方便及環保！可是要注意手機是否有足夠的電量。不過唔夠電量都唔洗怕，餐廳可以免費借出充電器給客人，很值得給個讚！上菜的速度適中，漏單的情況也有，食物的擺盆味道都不錯。另外要讚的係交檯的時間到了，侍應都沒趕客，我們仲坐到餐廳last order添！（足足坐多了個半小時）最後想提醒大家留意截單時間，不要像我那樣沒時間食甜品啊！