7
2
0
7-min walk from Exit B1, Tsim Sha Tsui / East Tsim Sha Tsui MTR Station
continue reading
Opening Hours
Mon - Fri
12:00 - 15:00
18:00 - 00:00
Sat - Sun
18:00 - 00:00
Above information is for reference only. Please check details with the restaurant.
豆敏終於鼓起勇氣離開西區，走到油尖旺工作喇，要加油努力啊 ﹗開工大吉，恭喜返新工，第一日食餐好既慶祝下。美女收工到達已經十點半，餓死寶寶了﹗快快開始晚餐加宵夜。我都操左三粒鐘體力，消耗極多能量，要食多少少補充補充先得。可憐地想食既都無得供應，針魚無、鰤魚無、金目鯛無、活赤貝無、活鮑魚無，使到心情沉重。最初計劃到棉登徑焱丸水產食濱燒，嘆嘆烤海鮮、龍蝦刺生、蟹宴、等等。天意弄人，誰知兜來兜去，陰差陽錯跟美女碰不到面，白白浪費半個鐘，最後唯有走到最近的金巴利道。時間緊迫越來越夜喇，見面前有間味一番，多年前係山林道試過不錯呢！直入坐下不要再思前想後。明白的將近收檔，沒什麼食客，環境寧靜。燈光昏暗廷浪漫的，空間感還可以，不是太過迫夾。侍應姐姐嬸嬸親切有禮，殷勤友善地招待，舒服的感覺。香辣螺肉，居然外購貨用作頭盤小食，即時降格，太平庸喎，使我聯想起紅磡大眾飯堂的定食。漬牛蒡，醬油濃到有點過咸，牛蒡脆卜卜，高纖的健康食品。漬牛舌，腍劈劈，微羶咸咸的，一般。胡麻醬豆角，爽爽豆角有著豆香泛起胡麻香甜味，還可以。麻油海蜇，腍腍不爽的質地，麻油味突出，都是還可以吧。蟹糕，淨食怪怪的，黏黏蟹味半鮮半腥，應該配壽司飯會更好味，配青瓜就差少少。螢光魷魚漬，好懷念啊！六年前我第一次食螢光魷魚及鮟糠魚肝就是在山林道的味一番呢！一試難忘，好好味呀！現在幫襯任可一間日本店都必點的菜色，咸鮮出眾，爆汁黏滑，冰涼多汁脆卜卜，無得彈。八角魚刺生半條，明明記得叫做魴鮄魚，但四眼嬸嬸肯定地連日本名都講埋，一定係八角魚無錯喎。瘦削修長的八角魚竟然肉也不少，還要肥美充滿大量魚脂立立令，使得我唾液欲滴﹗即時行動，環繞著清甜的味道，魚脂甘甜，嫩滑帶實的肉質，食到停不下來。赤目刺生半條，魚皮被火槍炙過，金黃焦香吸引到極。白肉魚偏淡，魚脂不足，肥美欠奉，不過肉厚綿綿滲出微微肉汁，好舒服的質地。活角螺刺生，都不知道那個名才正確，海螺？榮螺？脆卜卜滑嘟嘟， 螺甜味不夠強，再凍一點會更好。牡丹蝦刺生，怪怪的不黏不膠，蝦甜味薄弱，跟屯門三聖邨海鮮檔既游水牡丹蝦味道及質感一模一樣，爽脆的蝦肉。壽司併盤 8 貫 3 反卷，如果侍應可以介紹一下就更好啦，我都唔知自己食緊什麼，要估估下。如果覺得好食想再 order 都無機會喇。那我就唯有段估。牡丹蝦壽司、劍魚腩壽司、吞拿魚壽司、三文魚壽司、島池魚壽司、赤目魚壽司、雕魚壽司、鰤魚壽司，款款各具特色，新鮮度不容置疑，肥美軟綿爽彈嫩滑包羅萬有，滿意有質素。辣味吞拿魚反卷，微辣帶甜開胃醒神，細細條容易食。雙色餃子雞翼，原來係鵝肝釀雞翼，羶到盡頭，濃烈霸道，在放棄邊沿，硬著頭皮格硬吞落肚。雞翼外皮極柏脆，最衰雞肉完全無味。食完濃羶味超勁的鵝肝，再食明太子變得沒有味道。鵝肝羶味久久不散，其實我只係想食普通的餃子釀雞翼，用上豬肉餡已經非常美味。北寄貝壽司、墨魚壽司、車蠔帶子壽司、金線鯛壽司、黑目鯛壽司，讚口不絕無投訴，高質美味，食左先講 ﹗三文魚壽司、油甘魚壽司、油甘魚腩壽司、池魚壽司、蟹柳反卷，一件接一件的掉入嘴仔細味，肥美多汁新鮮滑溜，滋味無窮損晒手指。玉子壽司，凍冰冰雪櫃拿出來的玉子非常不喜歡，甜甜的滲著水份。我要即煎香噴噴熱辣辣的，這才收貨。馬糞海膽手卷，紫菜香脆一咬索一聲裂開，馬糞少少鮮甜帶點微腥，彈彈冰涼濕濕，搭上壽司飯蠻不錯。燒雞皮，燒得香脆乾身不油膩，不過味道十分單調。煙肉蠔卷，蠔肉腥腥的，鮮甜味不足，雖然肥嘟嘟脹卜卜，併上濃郁咸香煙肉可挽回少許分數。鹽燒秋刀，平凡麻麻地，魚味十分淡，油淋淋但不肥美，肉質太瘦不嫩。脆皮去骨雞全翼，去骨後壓得扁扁再吉列，雞肉紙咁薄無味道，厚厚無味炸粉，挑出雞肉碎求其食完，炸粉外殼全部丟掉。蕎麥冷麵，溫度不夠冰凍，味道及口感差好遠呢。爽彈麥味清香，混在蔥花、薑蓉、芝麻、青芥辣的鰹魚醬油再啜上，味道無窮。冷稻庭烏冬，即叫即煮，即過冷河即上檯，非常好。薑蓉、蔥花、芝麻，再加 wasabi 跟鰹魚醬油撈得均勻，醬油可以再濃多少少。手打烏冬米香出眾，入口滑溜嚥韌，經過舌尖味蕾鑽到肚裡去，冰涼舒服暢快。浸浸混醬鰹魚汁大力吸啜，青蔥、薑蓉、芝麻夾在烏冬之中格外清香，還有青芥辣香氣的助攻，越食就越開胃起勁，好好味呢。
continue reading
一行12人食開年飯，店家非常配合，幫我整咗張大方枱，等我哋可以開心團圓開飯！落單時店員親切幫忙計算好人數所需份量，提議我可以食d咩，唔使我諗咁多，真貼心食品水準高，食材新鮮，食到停唔到口，無手影相！好日式小店感覺，好溫馨！最後同d員工打成一片，一齊飲酒！期待下次！
continue reading
食左兩次第一次係朋友生日第二次就係食左上次，特登走去再食重點係秋刀魚超好食！新鮮！肥美！D前菜都好好味牛舌都係可以encore既餸菜仲有個燒豚肉蠔卷（意想不到）
continue reading
因事情特然轉了食飯地點，在沒有準備下，感謝店員幫忙及師父的巧手，即時幫我了個生日壽司蛋糕，令朋友的生日一樣有特別驚喜，師父確實整得好靚又好味，店員也一起唱生日歌，謝謝各位店員及師父的用心，同代客之道
continue reading
平日的晚上，但就是男朋友與我的週年紀念日今餐飯係男朋友安排的，我事先是什麼都不知道，他仲超神秘約我在其他地方會合，再帶我去！！我一向喜歡食日本菜同飲酒第一年，佢就好叻叻地揀選了日本菜呢間鋪頭我都係第一次來，一看去人不算多。下單時，都係男朋友發版及職員推薦第一樣黎既當然係我喜歡的酒精啦～這是店內自家釀製的梅酒我真的看著好職員係一大瓶的梅酒倒出一杯聞一聞，香味是濃郁的，入口仲係純厚的感覺，正呀！！特盛錦繡刺身拼盤一上台～嘩！！勁有光澤感，看上去好肥美，我從未看過一整盆刺身既質素都同樣高！！我仲第一次講出「原來魚真係有魚味！！」我都忍唔住笑自己，但這真的是我的真實感覺，仲食左一Ｄ平時好少食到既刺身！！鰤魚壽司我真係聽都未聽過「鰤魚」油脂好豐富，肉質係入口即溶的感覺三文魚籽軍艦，海膽軍艦三文魚籽同海膽都好鮮甜，而且分量好多，一點HEA的感覺都無而且所有壽司飯都握得好適中，不會太實或太鬆！！手打雞肉丸子咬落去好彈牙，人手打真係唔同Ｄ，而且肉丸內仲有雞軟骨添，好特別既口感！！牛油果軟殼蟹反卷軟殼蟹上台時仲好脆，仲係暖烘烘的炒什菜南瓜天婦羅平時的最愛，但我都係第一次食有手指咁粗既南瓜天婦羅，其他店舖都只係薄片，呢間店製作的食物真係好有成意，係我暫時食過最好味既南瓜天婦羅！！燒牛肋骨半熟的燒牛肋骨，肉汁仲好豐富，有脂肪、有肉身、又有少少焦邊，有層次的口感。
continue reading