4
13
17
1-min walk from Exit A1, Tin Hau MTR Station
continue reading
Telephone
2887 5878
Introduction
點心皇除了主打點心之外，還有多款港式粉麵飯，快餐店模式經營。
continue reading
Above information is for reference only. Please check details with the restaurant.
Signature Dishes
喺港島區食中午飯 ，價錢普遍都係比較貴。假如要搵一間平價嘅午飯或者平價飲茶地方，就可以揀呢間點心皇。佢逢一至五有唔同嘅套餐，套餐裏面有炒麵，有蒸飯，有碟頭飯。如果套餐唔啱你口味，仲可以叫其他例如蒸排骨，鳳爪，燒賣等等...嘅點心。如果一班人嚟食，每人叫幾個點心，都係五六十蚊可以落樓，可謂平價之選。但美中不足嘅係假如舖頭太多客人，上菜嘅時間會比較耐，所以大家如果趕時間就要考慮一下。除此之外，佢有一個 外賣counter，如果一個人唔知食乜，可以去嗰度嗌外賣嘅蒸飯，都非常抵食。當然咁嘅價錢大家唔好期望有酒樓咁高嘅質，但係如果要求唔係太高，都係一個唔錯嘅選擇。
continue reading
今晚有朋友話同我去皇點點心食嘢，我之前有聽講過話呢間點心唔錯，開始我以為唔會好多人，但去到都要等位，大概等左10鐘左右，呢間店環境都算OK。睇個蝦餃樣就一般，味道試下果然都系一般，皮比較厚，而且蝦唔系好大只，覺得唔系好新鮮，唔知系咪之前賣剩嘅，入口仲覺得有D淡，下次唔會點呢個喇。呢個生菜牛肉粥值得一贊，分量好足，D粥煲到好夠火候，米全部都煲爛曬，綿綿嘅口感，牛肉大件又鮮嫩，生菜新鮮，好鮮甜，切成粒滾粥好鮮脆，呢個牛肉粥真系令人難忘，下次嚟都要再點。朋友話上次嘅流沙包幾好，真系幾好食，D包整得好松軟，一咬落去D蛋黃就流出嚟，一定要趁熱食，個餡真系好香好好味，中意甜食嘅朋友不妨一試。
continue reading
約了好朋去按摩, 誰知早到一個鐘, 又不想四處走, 唯有找間餐廳坐坐按摩對面就有一間點心皇, 二話不說就入去了, 我印象中以前點心皇有很多分店的, 不知道現在是不是只淨下這間呢這間點心是以自助形式的, 選好後先付錢, 就自行取食物鵪鶉蛋燒賣: 現在只有好少的酒樓有鵪鶉蛋燒賣了, 見到有當然要試試啦, 鵪鶉蛋跟蓋著的皮很香, 而且燒賣味道六不錯蝦米腸粉: 腸粉唔算太滑, 蝦米不夠香, 整體不出色四寶雞札: 普通, 不出眾, 材料跟小時候吃的差不多, 但不算難食灌湯小籠包: 完全的不濟! 先說小籠包裡面根本就沒有湯, 另外小籠包一咬開, 底部就跟上面分開了, 超難吃的說薑蔥牛拍葉: 薑蔥味道不夠, 牛拍葉不夠入味鮮蝦菜苗餃: 我幾喜歡這個菜苗餃, 喜歡他的皮煙煙韌韌的香煎蘿蔔糕: 煎得不夠香口, 有點像蒸蘿蔔糕整體點心質素普通, 有好吃有不好吃的, 但價格算可以, 亦是消磨時間的地方
continue reading
叫了個雞粥，叉腸咁大個仔第一次食粥有勁重簡水味同些少洗潔精味，極度難食，d材料又小。叉腸100%係雪櫃拎出黎，皮又硬又厚，d叉燒小到，仲要係無味，除左形狀似腸粉，你唔望唔問都唔知自己食緊叉腸，咁就60蚊總共，呢間咁既垃圾下次請我都唔黎，嬲到我要特登做會員上黎寫食評，希望唔好再有人中伏
continue reading
3月28日, 夜晚放工同呀比去聽講座~ 聽完已經差唔多十點, 天后區仲營業緊嘅餐廳唔多, 呀菲又唔餓得, 結果快快手手揀咗美而廉嘅點心皇廿四小時店醫肚!::: 鳳爪排骨飯 + 凍奶茶 ::: $32鳳爪排骨飯好似人地下午茶嘅size, 鳳爪只有一隻, 排骨反而多番d~ 可能都蒸咗一段時間, d飯都好淋patpat, 同有d乾... 好彩豉油都夠, 可以調番味, 不致於太淡. 排骨味道唔錯, 份量都幾多, 不過鳳爪唔掂, 肉質好霉, 淋patpat唔好食...凍奶茶比例唔錯, 不過茶味本身澀咗d... 都係麻麻地~::: 叉燒酥 :: $13叉燒酥好零散地有三粒, 賣相就絕對唔靚仔架喇, 而且仲應該擺咗好耐... 酥皮已經淋晒, 同埋變得較乾. 叉燒餡中肥肉佔多已是意料中事, 不過論味道, 其實又唔係太差, 起碼都落足叉燒醬嘅. 整體最盡只屬僅僅合格.天后食街近年換舖率超高, 食肆開下執下又開一間, 呢間點心皇都算撐得耐! 雖然食物品質真係勉強叫合格, 但勝在廿四小時營業, 食物種類多, 價錢又唔貴, 所以都有捧場客~ 亦都因為佢係廿四小時, 就算食物一般, 為咗我地有時半夜口痕可以有餐宵夜食, 都會撐下佢~
continue reading