100米台式餐廳 (Closed)

冇諗過呢間居然lunch仲要排隊～坐位好迫鹽酥雞柳肉燥飯炸野好味😋 會比埋個泰式辣醬你，加埋一就就可以食好多。但肉燥麻麻地..一來份量少，二來唔夠熱，三來個味差咁啲八角味䓤油滑雞叫滑滑雞，心諗一定係普通貨色點知個雞真係幾滑䓤油味都香，送飯幾好，（我會拎黎點個鹽酥雞柳 又幾好味)但食多幾啖會太濟太油佢新竹米粉幾爽！！必揀！個湯就係細個嘅味似大X樂下午茶瀨粉個湯咁蘋果汁用呢個杯裝住都幾搞笑就係一杯蘋果汁。會揀番飲檸水。

系大元村一間質素台式餐廳，係午市時間餐廳內滿滿人潮.....我哋只好在門外等侯10mins!坐著一打開餐牌真的有驚喜，因為太多選擇樣樣想食，可能好肚餓啦!店員服務好，點個餐先香煎豬扒菜飯豬扒乾身、肉質鮮嫩、啖啖肉、香飯多菜又健康、 味道冇得頂紫金QQ球(10粒) 熱辣辣紫薯波、甜甜的、入口QQ台式珍珠奶茶( 甜度適中)總括:質素不錯，下次在來!

menu望落似賣台灣菜，實質最出色嘅係個麻辣滑滑雞米線🤤中意麻到個嘴唇不由自主震動的麻辣控表示好爽🤭其實佢比較似口水雞，然後配個清湯米線，隨喜愛辣度決定放幾多雞上面的辣醬落湯底😁啲雞好嫩滑而且舖滿辣醬🥰 夠香夠辣🌶❤️下午茶時段$46包飲品，份量仲要咁多，真係好抵！

下午茶餐叫野飲要計正價飲品再減8元，我老公只係同我講話寫到好tricky，員工聽到即刻串我地話寫到明冇呃你，話我地唔睇清楚，我講一句佢串我地一句，句句唔輸蝕，黎食野仲要貼錢買難受，有乜資格做服務行業？落單講幾次都聽唔到，能力好有問題！放低野食時勁大力，好似欠左佢咁，冇下次！

有日係大埔做野見到呢間食店諗住試下，估唔到有驚喜，叫了一份鹽酥雞米粉，橙汁，估唔到鹽酥雞味道很好，唔會太咸，另外米粉都好好味，很少地方可以食到呢種米粉，令我十分驚喜

今日去咗大埔大元邨食早餐，見到有台式早餐都幾吸引喎，坐低之後我揀咗；B. 豐富早餐 $38香煎雞扒沙律配鮮牛肉米粉，呢度啲米粉係新竹米粉嚟，食起上嚟更爽口，牛肉睇落就麻麻，但食起上嚟又冇乜嘢喎，湯底都OK, 飲埋啲湯都唔會覺得口乾。雞扒都煎得幾香脆，沙律都幾好食，唔錯呀。奶茶就正正常常。

今日路經大元邨,係街市上面原來有好多間餐廳,一轉灣就見到一間叫100米嘅台式餐廳,見咁耐冇食過就入去試下時間仲早,所以唔洗等位就叫野食今次叫左個花雕醉滑滑雞配台灣麵 (台灣麵要+ $5)就試下佢好唔好食一上菜,個湯係白色,嘅,心感不妙.湯個味都係似味精湯,唔好味,而且有一陣怪怪嘅甜味麵都係現成嘅麵,但係個麵質又唔錯,得蔥,冇任何配料醉雞係好食的,真係好滑,有淡淡嘅酒香,本人鐘意重酒味所以呢個雞就唔夠味喇$57嘅話叫做過得去

今天來到100米吃晚餐，我去的時侯，人不算多，所以坐的挺舒適。而且這兒有電視，環境不錯的。冬菇滷豆腐新竹米粉，新竹米粉是爽口的，而且索了湯水的味道，所以味道不會寡。冬菇大大粒，十分飽滿，咬下去很是彈口。味道方面，菇味香，醬料亦為冬菇味做了好的襯托。滷豆腐有豆香，滷水是豆腐帶有微甜。豆腐是硬身豆腐，不會一夾就散。這新竹米粉會配拍青爪及雲耳拌碟，我另外加了一碟脆豆腐。脆豆腐炸香脆，外脆內軟。雲耳拌碟爽口非常，而蒜蓉拍青爪的蒜蓉味突出，映襯出青瓜的清新。

呢一間又係成日排長龍嘅小店，今日下午茶時間竟然唔使排隊，所以就入去試吓。叫咗個台式蜜糖香腸配新竹米粉，再加個台式花生醬厚吐司，直情當自己去咗台灣一樣。新竹米粉好滑，個台式蜜糖香腸係分開上嘅，其實都係展開個膠袋然後攞出嚟戰，所以味道同喺台灣食到嘅差唔多，不過就略嫌比較油。花生醬厚吐司係好食嘅，其實用心做就一定唔會唔好食，出邊好多茶餐廳都係求求其其，不過呢一間嘅吐司連麵包邊都做得脆，似乎對食物品質有要求，我好欣賞。唔怪得成日排長龍！

一間食飯需要受氣嘅餐廳澳牛仲好過佢嘅餐廳食早餐都段好多人在門口等位，同女朋友兩個人等。明明下一張到我地二人位，有一枱四人枱離座，竟然比左下兩張單既四人坐！我上前理論。女侍應A問我人齊未，我哋一直企係門口等，佢話因為疫情關係，盡量四人for四人枱，吾分隔。(是圓枱，絕對不是長枱)最後幫企係門口落左單先，叫左一個A一個B餐兩個餐。點知最後等多十五分鐘先有枱，途中都有客走，清楚埋枱，但都無叫我哋張飛號碼！重點係AB餐有吐司！廚房又真係好快手做好左！我一坐低就有餐以為好開心！點知吐司軟曬，面又淋曬，雞扒又凍曬！然後我叫一個女侍應B過嚟，話我喺門口叫咗餐，凍咗都冇辦法，冇理由再整嗰份俾我哋。最後，女侍應C買單，我比一張500，佢話佢冇得找，問我有冇100，我當然冇100先會比500，佢話咁無辦法要我自己解決，最後我企咗喺度一陣，後面有一個顧客幫我唱咗五張100。總括嚟講呢間餐廳服務態度非常之差，我最後淨係食咗雞扒同魚柳，食物凍哂不予置評。

病咗幾日，今日終於翻生，所以要行遠啲揾食，順便當做吓運動，就嚟咗大元村食晏。一向都喜歡台灣肉臊飯，所以都係主打，食物好快上檯，先上糖醋排骨，味道可以，但個汁明顯好厚，然後上豬頸肉，噢原來係乾煎，無汁跟。 。 。再試一啖肉臊飯，感覺杰撻撻，唔知係個獻收得過火還是食物預先煮好喺廚房㷫乾咗呢？餐飲叫咗熱檸蜜，味道反而有啲驚喜，好好味。卡位一邊整齊放滿假植物，望落都幾舒服，侍應都反應快唔需要等好耐，下次可以試吓其他麵食 🙂

朋友住喺大埔，所以向我推介大埔有好多美食。今次特登黎搵佢，佢同我介紹咗一間台式餐廳，因為我哋兩個都好鍾意食台式食物。呢間台式餐廳價廉物美，味道不錯。我地叫咗滑滑雞系列其中嘅花雕滑滑雞，台灣最出名嘅肉臊飯，小食鹽酥雞柳，香酥蝦卷等。花雕滑滑雞：名副其實，雞肉非常滑，皮比較少肥膏。入口香甜，有淡淡花雕嘅味道，值得一試！肉臊飯：正常嘅肉臊飯，肉多。鹽酥雞柳：粉多咗少少，但係都香脆好食。香酥蝦卷：值得一讚，蝦非常大條！

食物方面不錯。但服務員態度非常惡劣，又不友善，小朋友帶入去飲品包裝，都要求客人自行處理。Food is fine. Waitresses (most) have bad serving attitude and unfriendly. Child’s drinking pack also requested customers to take out and throw by themselves. Do not recommend to visit this restaurant again.

在這裏食過幾次晚飯，真的有一種不會再來的感覺，每一次都想俾機會佢，但他的小菜實在太鹹了，上次叫了一個鹹蛋蒸肉餅，肉餅好像加了很多很多鹽的感覺，吃一啖，就要食幾啖飯，學很多水也不夠，結果我沒有吃完便走了。

又係實習食晏時間😋 每日最期待係晏就食啲咩🤣糖醋排骨酸酸甜甜 炆得好淋又入味 5-6舊配米粉黎講份量足夠👌🏻吾知係咪我太肚餓🙊 個米粉吾係好飽 配飯可能好啲🤭