泰辣王 (Closed)

琴晚去左亮賢居探朋友，朋友大力推介此餐廳。頭盤小食，春卷+蝦餅+魚餅併盤，熱辣辣上枱，脆香彈口。木瓜沙律，無骨鳳，酸辣甜味適中。泰色生蝦，睇落晶瑩，超級新鮮。串燒牛脷，燒羊，肉汁豐厚，juicy，食落吾油膩。明爐燒魚，吾腥，絕對無泥味，和喺泰國食嘅感覺。最精彩係咖喱蟹，自家醬汁，色，香，鮮，甜，厚肉，撈埋飯一齊食，肥十磅都要繼續食。 最後芒果三色糯米飯甜品，芒果甜度極高，椰汁+班蘭味糯米飯，絕配！人間美食，絕對要返啅！

公司附近得呢間泰國菜，成日都會來幫襯。餐廳對正港灣豪庭千色店，位置方便，好多學生同工友都會喺午餐時段幫襯，所以餐廳都有優惠比佢地，有心意❤️店內裝修都有泰國情調，啲位夠闊。lunch menu都幾多嘢撿，炒飯、炒粉、咖喱都有，全部$50樓下。特式飲品加$7，都唔貴湯河就好多選擇，酸辣唔辣泰式都有，任你撿筆者試過好多款，最鍾意豬頸肉湯河。豬頸肉入味，湯汁加左芽菜蘿蔔，好大碗。最特別係加左大頭菜，鹹鹹甜甜，同普通泰式湯河真係唔同。如果想加辣，一定叫店員比呢扎調味料你，咩辣都有曬，唔係普通一支支果啲酸辣醬，係辣椒粒加青檸，正！雖然豬頸肉好食，但筆者不得不提，酸辣湯雜錦湯河係中伏⋯⋯唔夠酸又唔夠辣，冇位味四十幾蚊一個lunch，都ok。如果行過可以入來一試。

這是小弟首次寫食評，亦藉此對泰辣王作出讚賞。我是在30號深夜，將近2時，一人走進泰辣王的。其實，它已關門，但剛從粉嶺歸來的我，乍看裏面尚有人影，便想入內問問，欲買象啤回家。甫進餐廳，即遇老闆及其伙計熱烈招待。是夜，小弟分毛不给，白吃白喝，權當試吃活動，實有點尷尬。我嘗了一份炒芥蘭，是由老闆親自製作，質素不錯，食下更是別有—番情意。最令我念念不忘的卻是那美味的蝦餅，實在令我大感驚喜，想不到這一小店能有如此質素。當然，令我最難忘的仍是那份人情。觀乎今天，這些人情小店真的是越發地少，有質素的人腈小店更是屈指可數。筆者欲以此食評推薦此店予各位，相信絕對值回票價。

六個人一齊去食飯，開頭都有啲卻步，因為我哋其中一人有濕疹，唔食得牛蝦蟹辣，但見到有海南雞飯，大家又好肚餓，好快就入去坐低了。環境算寬敞，落單可以用編號，落單時發現侍應真係寫泰文，即刻好期待真正泰式風味。由於本來都冇諗住寫食評，所以好多都冇影相。我哋叫咗泰式海南雞飯，泰式豬脾飯，菠蘿炒飯，泰式炒通菜，濕炒雜菜河，芒果黑白糯米飯同泰式西米糕。全部都好好味，當中泰式海南雞飯同泰式豬脾飯配秘制辣汁，真正泰國風味，食到頭頂冒汗，舌頭受刺激，正呀！芒果黑白糯米飯同泰式西米糕都係熱盤，真正帶出食飯味道！芒果黑白糯米飯有成一個半芒果，勁足料！成晚老闆同侍應都好好招呼，誠意推介大家！

食左好多野，紅黃綠咖哩齊晒😂再加埋個泰式滷水鵝，又入味又嫩口👍燒烏頭一定系正就唔洗講😆燒豬頸肉加埋個秘製醬汁，咸味，甜味配合得好好，十分開胃。仲有個驚喜ｰ估唔到會有芒果加落炒飯到，食落有少少似西炒飯，但唔會太酸，而且芒果嘅甜味同軟綿綿嘅口感令個炒飯在平凡中活得不平凡😋。好少打食評，但呢間值得一試，合理價錢，味道一流👍