66
9
2
7-min walk from Exit A2, Mong Kok MTR Station
continue reading
Opening Hours
Mon - Sun
07:00 - 00:00
Above information is for reference only. Please check details with the restaurant.
Recommended Dishes
星期六晚 , 教友聚餐 , 為方便不良於行的老教友 , 我們相約在他屋企附近的酒家用膳 ~Menu ~燒鵝半隻 $ 228 : 皮脆 , 肉嫩多汁 , 燒鵝肉質鮮嫩肉味濃郁叫人再三回味 ~芝士焗波士頓龍蝦 (烏冬底) $ 248 : 烏冬的份量多 , 比較腍身卻沒有吸太多油；波士頓龍蝦的肉質爽彈 , 美道鮮美 ；芝士汁的稀杰適中 , 味道濃香 , 整體來說水準不俗 ~總括來說 , 食物的味道不俗 , 但員工的服務態度實在有需要改善 ~ 本篇完 ~
continue reading
已經係上年11月，是晚9點後先到，只有約6抬客，員工都好得閒。向一名男員工下單，分別點了『啫啫芥蘭煲』及『粉絲煲』。因太太不吃辣，所以要求啫啫煲少辣。該員工一聽面露不悅，話：『唔係好辣喳堝，無得走辣。』我話：『你幫我寫少辣啦。』佢開始負氣：『唔辣又點少辣呀？』我聽完都有喲慶：『你照寫啦。』佢轉身走開，留低一句：『是但，盡做啦』 菜上後，一食，不得了，好辣，再望清楚，成碟菜好多辣椒，即刻攞張單來睇，竟然寫住『加辣』． 叫部長來投訴，嗰位天才員工仲走過來問：『你唔係要加辣咩？』講完就走開。 雖然部長話幫我換，但驚第2次唔只加辣， 當然拒絕。該員工好玩唔玩，玩食物，浪費食物，其實好折墮。 講番嘢食，加辣後只有2個字，. 『難食』.
continue reading
平時食海鮮都係去三聖或者流浮山，一來住得近，二來算係比較扺食同有質素，但坐得比較逼同限時。今次同九龍朋友食飯包左一圍12位，仲有得包埋房，坐得舒服，食物好味，又唔貴。我地之前訂左個餐：冰鎮鮑魚、長腳蟹兩味、蒸魚、豉油皇蝦、炒花甲、燒鵝、上湯西洋菜、啫啫芥蘭。全部餸都好味，食到飽晒，冰鎮鮑魚即係醉鮑魚，蟹蓋蒸蛋白超鮮甜。最正係免開瓶費，可以自己帶酒黎慢慢飲。但比起一般酒樓早關門（大概十點已經執晒枱）埋單$6580！
continue reading
有日行開大角咀, 好耐未去過酒樓食小菜, 所以就去左呢間福門, 當日人流唔多, 好快就有位。點左個雞煲, 幾香, 辣度可以落單個陣揀, D料幾足! 同出面任食雞煲個D好唔同, 香好多。仲叫左個燒鵝, 老婆想食, haha, 睇落好油, 食落又唔係太油, 燒得幾靚架都。呢兩隻蟶子皇, 我就唔捨得叫黎食, 見到呢度唔係貴, $88/兩隻, 叫黎試下, 嘩無縮水WO, 同佢餐單張圖一模一樣, 食落好鮮, 一定係游水先有既味。呢個係蟹肉炒鮮奶, 麻麻地, 我就嫌佢炒得太實, 不過份量夠多, 味道係無問題的。我得兩個人但都食左4樣野, 飽到想死, 不過又發現到呢間酒樓D野又幾好食, 下次行開大角咀一定會再黎。
continue reading
123突然間挑起條癮好想食雞煲，但又唔想要任食個種，所以行遠少少黎呢間福門。之前同屋企人食飯黎過一次，啲中式菜都唔錯，大大碟又幾好味，今次食埋個雞煲都好正，睇黎可以叫屋企人黎多次，老人家就食小菜，後生仔可以食雞煲。叫左小辣，不過呢間辣味唔勁，下次可以直接食大辣。個雞煲都幾香，上枱就聞到香味，啲汁黏度剛好可以包住雞肉，入口啖啖有汁有肉。雞肉唔係切得好大件，所以睇落有好多，食落幾嫩滑，就算煮，到最尾都唔會太硬，幾好。另外叫多隻燒鴨脾，真心覺得不得了！外皮燒到卜卜脆，肉質多汁夠鮮嫩，重點係唔會太肥膩，又唔會醃到無哂肉味，正呀！最後追加兩隻粉絲蒸蟶子皇，有手掌咁大隻，入口鮮甜爽脆，蒸得剛剛好，為今晚做完美Ending。
continue reading