27
3
2
Above information is for reference only. Please check details with the restaurant.
Review (33)
一行十二人訂位食晚飯,晚市好多人,環境大排檔格局,食物夠鑊氣,我地點左好多野,包括爆生腸 爽口配青椒一流豉油王炒麵 夠軟身,豉油咸度剛好豉椒炒蟶子,豉椒炒蜆 蜆夠大,蟶子夠彈牙蒸白鱔 鱔新鮮椒鹽瀨尿蝦 大隻,蝦肉夠滑蒸石班 新鮮,煮既時間剛好沙拉骨蒜蓉粉絲蒸扇貝砵酒焗蠔 用鍚紙包住,用砵酒焗蠔鎖住肉汁, 好味,而且蠔夠大隻風沙雞 皮脆肉滑,配以炸蒜,正芝士魷魚 一層密度高既芝士醬林落去炸魷魚度, 撈飯一流豆苗生炒骨 出面乾身, 入面多汁,正沙律醬蝦西蘭花 沙律醬做得好好, 蝦夠大隻基本上,上面既食物好味係因為佢本身俾新鮮料 海鮮又夠大,第二, 係師傅煮食既火候掌握得剛好.所以無論任何菜都好味又夠鑊氣P.S> 我係大慨一年前食呢間食店,睇番食評知道近來轉左手好似退步左, 所以大家要留意
continue reading
早一星期BOOK位同訂海鮮, 一行4人訂左椒鹽斑馬瀨尿蝦, 薑蔥蚊蠔, 椒鹽鮑魚, 半隻飛沙雞, 粉絲蒸大蟶子, 豉椒炒蜆, 螺片雞腳姬松茸湯, 7:30到達, 坐近收銀張枱, 之後仲叫左咕嚕肉同西蘭花炒鮮尤。首先入場既係風沙雞, 凍既, 暖D都無, 再黎既係薑蔥蚊蠔, 係暖上, 之後陸陸續續到, 碟碟都唔係出煙上枱, 期待既椒鹽鮑魚都唔覺真係好好食,無咩椒鹽味, 唯獨得個湯同漏單等左成粒鐘既咕嚕肉先係出煙上枱, 原本好食既野都覺得麻麻地, 值得一讚既係個湯真係好好飲, 落足料。
continue reading
連續去兩晚食飯，第一晚都未發覺有什麼不同，只係覺得新裝修左，d人唔同左；豉椒蟶子份量少咗；味道冇以前咁好；當時不以為意，以為只是一時失準。今晚再去，點左茄汁中蝦：份量只有七隻，大小不一，大嘅中指咁大，細嘅只有尾指咁嘅size ，加埋都冇十両，（最衰當時冇影低相，點菜時又冇問幾錢両，只知道是時價 ），味道算係一般，唔係難食，但卻不算美味，好處是材料還算新鮮。點知呢碟茄汁蝦埋單要一百九十八蚊，平均每隻超過二十八蚊，當時真係O曬嘴 ，不過都冇辦法，暗啞底，照俾，不過就冇下次，以後都唔去！根本揾笨，我唔介意俾咁嘅錢，但係份量要俾足，或者好食到飛起，但佢兩者都唔係！都係懷念以前真正嘅永豐小廚！！！
continue reading
見昨天係平日又時間只係6點半... 一心去博下有冇得walk-in.. 因平常冇訂位既都係不會抱太大希望~ 點知.. 去到門口一望已覺不妥... 門口既明星相剪報亦不見了... 新裝修... 新人事... 踏入鋪內仲有熱情既招呼(因往常只有... 冇啦喇... 一句) 坐下發現老闆娘不見了... 但係舊有既兩位阿姐仲向樹... 點菜後終於忍不住細聲問兩位阿姐姐是否頂手了... 肥姐姐笑而不語只係微微地點頭表示'係'... 內心不禁一沉... 傷心灰常..點菜後不夠5分鐘.. 第一味菜已上~ 係我最愛既生炒骨... 舉筷一挾已心中有數.. 再放入口一咬.. 外皮不脆! 肉心是暖的!!! 好明顯已不是從前的永豐!!! 從前永豐既生炒骨是即叫即炸, 絕不會用已炸定既肉骨就咁上汁出菜!!!! 再來風沙雞.... 都係錯既!! 雞是夠味.. 但鋪面既風沙蒜不夠乾! 非常油膩.. 再來招牌椒鹽鮑魚.... 都係唔得!** 另永豐最得人心既平價海魚都... 只係得一款東星班$3xx... 百零蚊既貨仔全數冇哂..永別了永豐....
continue reading
再訪永豐, 可能是星期二的關係, 一行八人八點幾到達, 只需等半個鐘便有位同行友人提議先來個花膠雞燉翅, 雖然我覺得在這種港式餐廳點這道菜有點怪, 不過湯一來立即明白朋友的堅持, 花膠和翅都下得很足料, 花膠肉厚很重膠質, 雖然翅以翅頭為主但也下得頗重手, 湯有雲腿的香味卻沒有死咸, 喝畢兩碗湯也毋須狂灌水, 夠滋陰.這晚以海鮮為主:胡椒花蛤, 微辣有胡椒香, 花蛤鮮甜, 大量墊底粉絲吸盡胡椒湯和花蛤鮮味, 比花蛤更快被友人KO椒鹽瀨尿蝦, 蝦殼香口卜卜脆, 瀨尿蝦實肉大隻, 朋友還吃到有蝦膏的, 不會太油 (最怕吃完碟上會有油剩下來的, 猶幸這裡沒有)椒鹽鮑魚 (店員推介), 炸漿做得不錯, 不會太厚身, 店員說這裡選的是鮮鮑魚, 老實說, 新鮮鮑魚用椒鹽煮法是第一次吃, 之前很怕會吃不到鮑魚的鮮味, 浪費了鮑魚, 想不到這組合也很新鮮有趣, 椒鹽惹味也吃到鮑魚的鮮味, 鮑魚煮得剛好, 依然肉嫩, 下次來, 會試試蒸的方法忘了這是蒸甚麼魚了, 也是店員推介, 火喉掌握得不錯, 魚蒸得剛好, 友人是"葱怪", 力讚其葱和豉油很好下飯 (?!)另外也點了啫啫菜煲, 咕嚕肉和這裡名物--風沙雞, 忘了拍照.此店裝修過後熟面孔都換了, 吃前還有點害怕, 不過整體質素不錯, 應該會再次光顧
continue reading