Steam Cafe (Closed)

上一次見到openrice已經想過嚟 。老闆好人， 環境闊落, 每張枱都隔超過兩三米， 食物有心思又好食。 喺度食午餐，韓式 牛肋肉 似炆牛尾 味道有一點蒜香， 果汁甜甜地啲肉炆得入味 唔韌。 咖哩豬扒炸得好香口， 中間啲滑蛋炒得滑， 咖哩汁都ok不過多啲更加好。 餐飲都算大杯， 價錢合理 如果附近返工過嚟 食餐飯休息下都好。 可惜老闆話 做埋呢個星期就轉手， 我諗係因為真係附近啲人流都去咗地舖茶餐廳。 而且 社區都係啲 阿叔ar豬媽。。 冇乜OL.. 希望老闆可以喺第二區 開間小型嘅cafe， 可能有做埋外賣會更加好 。繼續煮美食加油

大部分同事WFH , 我就辛苦命繼續工作。一條友去搵食，星期五就食好少少啦 如果由上環港鉄行去 steam cafe 都幾遠，這間cafe 夾在上環和西營盤之間。2:00 後一個客人都冇，不過都好既，可以食得安心啲。午餐有七款選擇，我對鷄的確係有情義結，點了No.6 黑松露鷄肉飯 $65上枱先知係意大利飯，my favourite !心心眼即刻加分。雞肉煎香後再切細粒，而且加入少量薑片，蒜香突出。意大利飯煮成軟軟的口感，忌廉汁將意大利飯狠狠地包圍著，加上黑松露的芳香，超好味。份量都幾大，我食左一半多啲就投降，一於打包今晚再吃過。套餐送一般的美式咖啡，檸檬茶等。加$25 有杯精品咖啡，我一定唔會錯過Cappuccino 湯碗咁大，加上一個簡單的心形拉花，是令人窩心的。咖啡偏 nutty ，啡香不會太濃太苦；奶泡挺且滑，整體來說是一杯合格的咖啡。

平日lunchtime來到這間樓上餐廳Steam Cafe食午餐，這裡是多用途餐廳，餐廳環境漂亮走清新風格，窗外可見藍天海景，牆上有落地鏡，午市後便會變作跳舞室或其他工作坊用途，物盡其用，亦較受附近一帶的上班族歡迎和認知。午餐跟一份主食，凍熱飲都無需加錢，亦無需收加一服務費，性價比不錯。是次就叫了一份蒜香帶子蝦意粉配熱檸水，意粉蒜香味十分香濃，味道不錯，而這裡的店員亦很友善。以平時來西環這一頭想舒服地食個午餐也是一個好選擇。

在街上偷聽到途人話呢間咖啡好飲，早餐好食，之後在OpenRice search才能找到這間樓上Cafe！從這裏的早餐開展美好的一天是正確選擇，一看到餐牌，第一個讚：早餐價錢可以價廉物美來形容第二個讚：奉上的美式咖啡即呷一口，溫度適宜，是本人喜歡的咖啡味道，這個早餐價錢包美式咖啡，真係不得了，一直研究很香的咖啡！第三個讚：雞扒通粉，店員話雞扒即煎，不怕高膽固醇的情況下我試埋果雞皮，嘩，脆卜卜， 平時從來不願吃雞皮，今次決定食其中兩片，絕對無悔，通粉湯底ok 好濃湯味！ 去完早餐cafe, 才展開海味街血併旅程！

店舖係一間樓上舖，人流比較少。個格局就比較似係家庭式經營。環境比較寧靜，嘆杯靚咖啡簡直一流呀！🍴黑松露炒蛋窩夫伴薯餅一大朝早食個咁豐富嘅早餐真係超級爽。雖然聽落就普通咗啲，但都有驚喜。佢哋個黑松露炒蛋真係超足料，黑松露味好香，而且亦都好蛋香味，個炒蛋亦都炒得好大份。窩夫方面，個size就比較細，而且比較乾身，但都算係不過不失。至於個薯餅方面就應該係最失望嘅一part，一「吉」落去就全部散晒，不過薯餅嘅口感就有啲似麥記個款。🍴椰子鮮奶咖啡平時Latte就飲得多，不過椰子味嘅鮮奶咖啡都係第一次見。估唔到Latte入口真係有好香嘅椰子味，而且亦都有好重嘅咖啡味，兩者嘅味道比例做得啱啱好。而且Latte入口亦都好順滑。Latte份量屬於比較大杯，以呢個價錢來講都幾抵飲。另外佢哋依度嘅拉花真係超級可愛，賞心悅目啊！Menu選擇亦都夠多

上環樓上Coffeeshop 望住成個中山公園同遠處的大海呢度有個好大的Studio 平時租比人搞活動 Yoga Class等野食選擇都唔少 LunchSet有9款黑松露芝士大啡菇牛肉漢堡配薯餅($88)望落唔係好工整的Burger 但咁先係手作架嘛手打牛肉同大啡菇都好Juicy 仲有一切就流出黎的半溶芝士🤤飲品係外面好少見的椰子鮮奶咖啡($40) 同 Coffeeshop必備的#MatchaLatte ($38)兩杯都有好靚的卡通圖案推花 好吸睛抵讚係杯椰子鮮奶咖啡 椰子味聞落飲落都好香好突出抹茶鮮奶就係用上台灣抹茶粉 相對無咁苦甘🍵

30幾蚊嘅早餐抱住食飽就算嘅心態去試，叫左份黑松露炒蛋 薯餅 窩夫，炒蛋好滑滿滿松露香，窩夫熱又脆。加$$$轉了Rock salt latte仲附送可愛拉花老闆好nice

今日去了steam cafe飲咖啡， 點了一杯岩鹽焦糖咖啡，剛剛開始不覺得有岩鹽鹹，但飲多兩啖， 那種甜甜之後，鹹鹹哋嘅味道 開始愈來愈有感覺，非常有趣 ，之後見到下午茶有嘢食，我點咗個黑松露意大利飯試下，味道唔錯，料都好足， 價錢都唔算好貴，餐加20蚊就可以飲到一杯有質素嘅咖啡，非常不在下午茶想搵個地方，食少少嘢輕鬆一下也不錯，下次再試下其他food .

老細好信風水，話地運向西移，咁好啦，搬咗寫字樓，但係過咗上環又未到西環，咁陌生嘅地區，有冇好嘢食架?當搵極都係荼記嘅時候，喺街口有人派傳單，唉!日日荼記就不如試下佢啦。估唔到呢間樓上舖，一出電梯口就見有部咖啡炒豆機，應該唔會差嘅，一坐低就叫咗杯岩鹽焦糖咖啡，出便少見嘛，佢又真係咸咸甜甜，幾好味，一於試埋佢個意大利飯，又估唔到佢冇因為小店而將貨就價，用料唔錯。不過，錯在我太心急唔記得映想，唯有去多啲補映下先。想返工有啖好食，呢間cafe係一個唔錯嘅選擇

約了朋友生日gathering, 這環境舒適寧靜，食物質素高, 再加上店長Joe 詳細解釋煑食方法和心得, 下次gathering 都會再去的地方!今次叫了蕃茄羅勒湯, 牛扒，三文鱼扒, 啡茹焗雞翅，黑松露炒蛋，兩杯手沖咖啡，埋單都是平均每人二百元到，合理價錢！我最愛啡茹和黑松露炒蛋, 正！！！

同老友生日聚會， 一早訂好位去到樓上的Steam cafe 。 店長亞Joe 特意留左窗邊sofa 位給我們。 環境舒適， 同老友邊食邊傾樂而忘返， 幾乎錯過地鐵尾班車。 芝士大啡菇好多汁， 煎三文魚夠香脆， 唔起眼的煎薯仔粒能夠看出是用心之作， 黑松露炒蛋勁多黑松露又夠滑， 牛排亦夠香口。牛排可以按客人要求定幾成熟，夠貼心。而且價錢極親民。店長亞Joe好親切，齊齊傾計之餘 重會分享咖啡的知識同烹飪既技巧， 重即場試範點樣炒靚滑蛋。下次同朋友聚會一定再來。

今日我地去咗扮文青，報咗個latte art workshopSteam Cafe 鋪頭細細，但麻雀雖小、五臟俱全！有得歎咖啡，飲花茶，食個light meal，仲可以join coffe workshop同埋借旁邊的studio玩yoga/跳舞/開P等等，個大海景仲要唔錯的！窗外仲有溫暖嘅陽光照入黎，成間Cafe都顯得好和諧好warm講番個workshop，今日的workshop有4個人，咖啡師Joe老師帶Worksop 帶得好好，一開始大家都有d緊張，不過Joe談笑風生，大家好快就投入到個workshop原定兩個鐘的workshop足足玩咗三個鐘，主要學左打奶泡同拉花，真係易學難精Joe隨手就打到好smooth，好棉密的奶泡，拉到杯好靚嘅咖啡我地就當然冇咁嘅功力啦。。。不過！！無論我地拉到幾肉酸，Joe都可以化腐朽為神奇，變返個可愛嘅圖案出來練咗不下十幾次之後，小妹拉到個小小變咗形嘅心一邊學拉花當然要一邊嘆咖啡！Steam Cafe的咖啡豆係咖啡師自己溝、自己炒的，沖出來嘅咖啡好香醇，味道微苦帶回甘，酸度偏低，好啱我口味多謝Joe招呼咗我地成個上午，又學到嘢又嘆咗靚咖啡，下次要黎試

聖誕佳節相約好友去飲杯咖啡!好鍾意去上環嗰頭的cafe而今次因為知道會傾好耐好多野講所以就搵樓上咖啡店希望無咁多人喺上環站行到過去見到樓下有個board就知道係有開門上到去見到cafe的舖面其實唔大但連住有個studiocafe的職員好nice叫我地去studio坐原來入面有個好舒服的sofa area!真係好舒服好有家的感覺!佢地都好熱心咁介紹我地可以飲咩我同朋友都不太餓所以只係叫左咖啡食物方面其實有三文治同brownie㨂我叫左latte而朋友就叫左手沖咖啡自己並不喜歡甜其實都不太喜歡奶但係知道佢嘅拉花好靚所以就叫lattelatte味道不錯拉花好靚哈哈我朋友的手沖係比較酸的品種我本身唔係好鍾意飲酸但係呢杯又ok!酸得黎係真係飲得出果香味講真雖然好鍾意飲咖啡但唔係好有研究不過環境真係好重要！我同朋友傾左幾個鐘傾到人地差不多收工的時候先走（真係唔好意思的話晒聖誕節!) 職員十分nice 完全無趕我地走tvvvvvt坐左3,4個鐘100蚊有得找實在太開心！仲要咖啡真係feel到佢地係用心沖其實平時應該比較多人反而係因為假日，d人唔知係咪去晒旅行哈哈!總括而言係十分值得支持的coffe

禮拜一中午如常在上環按摩，回office前見中間有空檔便去這家新開的咖啡店試試，在網路上看到別人上載的咖啡拉花實在是可愛，好期待呢！！ 小店在上環皇後街上的一棟商業大廈裏，如果熟悉這邊路的話其實並不難找。中午1點半左右店裏比較安靜，最適合我這種一個人想安靜喝喝咖啡吃點甜點的人。店裏很小，大概只有6，7個座位。裝潢簡單舒適，一些小擺設增添店裏色彩。如果坐窗邊還可以看到上環碼頭那邊的景色。店主很友善熱情，閑時聊天才知道這家店開了2個月，另外還有一家分店在附近。店裏旁邊便是一個舞蹈室，是店主和幾個跳舞的好友合作開的，平時跳完舞可以喝杯咖啡再離開，是個不錯的idea呢。店裏除了主打咖啡外，還有每天自家制作的蛋糕甜點沙律。我點了一杯cappuccino,還請咖啡師/店主幫我拉花哈哈。店主幫我拉了一個頭戴小熊帽的BB,超有冬日的氣氛，好萌好可愛！！除了咖啡外表好看，味道也非常棒。奶泡很滑，厚度適中。咖啡本身的味道香醇甘甜但沒有我不喜歡的酸味道，因為我自己也不是專家，所以對於我來說這杯咖啡已經算非常不錯！｡◕‿◕｡另外我還點了一塊chocolate brownie. 外皮烤得很脆，裏面有粒粒的核桃，

看到朋友facebook這家新cafe的拉花，覺得拉花很可愛。所以襯星期六放工，搭叮叮去。因為附近沒有地標，所以開GPS才找到⋯上去發現cafe很小，但裝修很有style⋯旁邊有個大大的排舞室 裏面好像有人上堂⋯店員很細心介紹各種咖啡，有很多特別口味（例如椰子、曲奇）而我這次叫了普通的latte...我厚着面皮要求了可愛的拉花⋯店員把可愛的咖啡送上，我立即拍了幾張照，然後喝了一口⋯雖然我不是咖啡專家，但感覺比前兩天某連鎖咖啡店的咖啡好喝多了 希望這店可以保持這水準，有機會我會再來過一個悠閑的下午⋯