18
6
7
7-min walk from Exit A4, Sheung Shui MTR Station
continue reading
Telephone
26713377
Opening Hours
Mon - Sun
11:30 - 00:00
Above information is for reference only. Please check details with the restaurant.
▫️招牌藥膳醉雞煲米線_$55 「有鮮雞湯、新加坡喇沙湯、酸辣湯揀，三款都有基本配菜：芽菜、韮菜、䓤花。小編揀嘅鮮雞湯清得嚟充滿藥材味，唔會過苦之餘亦襯托出雞肉嘅鮮味，仲可以點辣椒豉油轉口味。極建議加$10轉雞脾，舊舊肉都又大件又嫩滑～」 識食：🧡🧡🧡🧡🧡🧡 ▫️車仔麵_$50 (三餸價錢) 「同樣有得自選湯底同麵底，朋友揀嘅喇沙湯底濃郁惹味。配菜方面，鹵水豬耳雖然貴啲但好入味，比一般食到嘅大舊啲同厚啲。牛腩腍得嚟有咬口，又唔會太多脂肪。」 識食：🧡🧡🧡🧡🧡🧡 . 環境：🖤🖤🖤🖤🖤🖤 服務：🧡🧡🧡🖤🖤🖤 抵食：🧡🧡🧡🧡🧡🖤 //鳳鳴居長期都排長龍，如果唔想等咁耐，行過幾步就會見到依間好煮意。環境方面，唔只迫到轉身都冇位，仲有幾隻昆蟲喺空中吊曬絲咁，希望老細改善一下。// . 🍽好煮意 🚪未有IG賬號 📍上水新祥街2號地下E3號 .
continue reading
上水呢間可以話係主打雞嘅一間老鋪🤤每次經過鋪頭都聞到藥材嘅香味同每次都full晒仲排晒隊一直都未有機會試🥲因為疫情依家只售外賣🔛今次叫咗招牌藥膳醉雞麵$55 轉出前一丁$4 再加豬紅$8 吾知係咪分湯所以收咗我$70🙊淨叫一碗的話我覺得簡直係超值雞有差吾多8-9件 仲要大大件另外黑色一塊塊我吾記得係叫雲耳定木耳又係大大塊 一啲都冇慳料🤙🏽豬紅有啲失望 冇咩味🙊吾知係咪因為藥膳湯底食完之後成身暖晒🥳🥳好煮意 (上水)上水新祥街2號地下E3號舖
continue reading
疫情下好多餐廳都唔做堂食，前幾日行過呢間舖，好耐冇食過，所以幫襯個外賣。我選了鹵水豬大腸，腩肉同魚腐，河粉加底，連外賣盒要$58，我要承認只留意"至少三餸"，冇留意個基本底已經要$25，所以侍應大姐講$58，我呆了數秒，但冇所謂，好食就可以。返到公司打開個盒，係塞滿的，不過整體幾失望，最大問題係鹵水豬大腸你只係比幾小粒!？唔係咁矜貴掛~ 其他好普通。幫佢兜的話，唯有話我自己冇加多$2分湯，搞到佢地整得唔好囉。又或者佢專長係藥饍雞，而我冇幫襯囉~
continue reading
間中都想食吓藥膳雞🐔，天氣凍又想飽肚暖下身，上水石湖墟內有一間可能係做街坊生意，地膽嚟講應該唔會唔識。招牌動作當然係醉雞🐔同醉豬手🐽，此外仲有車仔麵🍜可供選擇，價錢經濟實惠，又夠飽肚，感覺很滿足☺️———————————————————————————🥢招牌藥膳醉雞米🍜💬藥膳湯底係最重要❗️夠藥材味夠濃郁，配米粉可以更索湯。雞件亦要熬煮足夠時間，唔好太過韌，呢度整體嚟講做得很不錯☺️
continue reading
全晚爆滿只剩廁所門口兒童枱，最憎坐得屈質質迫夾夾！再次想迫我坐廁所門口迷你枱，忍無可忍我今次懂得反抗！首次被編排到隔離侷促的密室，沒有窗沒有透明玻璃沒有電視沒有裝修，只有密麻麻的枱椅及火爐。每次都由我發版，難得女朋友仔突然有興趣點點菜，非常好﹗兩口子撐枱腳，溫馨愉快簡單食。青島啤酒，再來藥膳雞煲補補身！ 沒有日本啤，無選擇唯有大陸啤。指天椒豉油，阿姐們可能真係太忙，剪到指天椒十分大粒，這樣難出味啊！只有椒天椒及豉油提供，沒有生蒜、炸蒜、蔥花，調不出秘製雷式混醬啊！養生藥膳雞煲細，雞件入晒雪仍未完全解凍，有雪味仲有霜黏著，無味大肥勁厚皮帶太多肥膏。冰鮮雞質素明顯一般，幸運地湯底真材實料濃郁美味。某次到訪雞肉竟有陣陣雞甜美，真是難得一見，非讚不可﹗皮脆髀滑胸綿，啖啖肉最可愛。湯極濃紅棗味到最後添點肉味更加好飲。紅棗味強烈特濃，我本身不吃甜的，我喜歡藥材味更多，酒味滾一滾已完全消散。略厭酒味唔夠濃及紅棗味太嗆太甜，另上增量花雕酒先來半杯，滾開熄火浸幾分鐘，酒香醇嫩滑雞登場！頭啖湯厚醇甜美，甘而不澀，尾聲時要再來一碗，必定更有驚喜！酒味太弱要加錢增量，估不到是一大杯滿滿的啊！那麼可以由頭到尾一路食一路加，以保清酒香清純。黑毛豬腩片，脂肪位完全不爽脆，豬甜味偏淡，免免強強。鮮墨魚汁墨魚丸，無得輸無得頂，鮮甜味超卓油潤多汁，充滿彈性滑溜溜。泥鯭，大大條啖啖結實魚肉，魚味鮮甜帶甘香。黃金蟹子丸，多皮彈彈咸咸地十分香口，流心沙律醬蟹子酸酸甜甜，難得我覺得好食啊！手切安格斯肥牛，有得揀我必選本地肥牛優先！油脂滑滑帶點點甘甜，切得太薄使到口感欠嚼勁，淡淡然的牛甜味不及本地牛呢。牛胸尖，實在太多名稱，到底全部是否同一樣牛呢？牛心鼎？牛胸油？不可以灼太耐，如果脂肪溶掉真係剩返片筋膜。涮一涮十秒內，油香非凡滑嘟嘟靚夾爽！羊肉片，肉質非常彈，羶味強勁要浸大量辣椒豉油才受得了！食得到羊肉甜味的。韮菜餃，食味像極外購貨，皮硬厚不滑，韮菜餡不夠多不夠多汁甜美。豬紅，有血腥味，可能烚得不夠時間質地死實不嫩滑。豬膶，打醒精神見到轉色即起筷，沾點辣椒豉油甘甜但不爽滑，事前要啤水到無血色才做得到。魚鰾，不是越大舊就越好食，太巨形似乎腥味較重。約一斤鯇魚已足夠，白色外皮膠膠的，半透明有點腥而略脆。有骨炸魚皮，外觀有點九龍城方榮記影子。淨食對我來說太咸，但非常香脆。浸湯食半脆半滑帶點湯更舒服，當然質素跟潮州粉麵自家出品有段距離。西洋菜，我完完全全被俘虜，我已溶化了！西洋菜強烈而霸道的菜甜味而跟雞湯融合，啖啖湯都是精華！菜莖爽脆鮮嫩，沒有投訴的機會。水魷，鬚爽脆身滑滑，沒有特別。牛柏葉，不要烚太耐，灼灼縮水即食，爽脆索湯幸福美味！女朋友仔揀飲擇食到出奇，每次必定要食水魷、牛柏葉、粟米，當然無問題，有我在！脆鯇腩，切得太薄口感欠奉，幸好依然爽甜脆卜卜魚油甘香，不過但女朋友仔覺得草青味重。粟米，脹卜卜的超甜粟，多汁脆脆。手切本地肥牛，不論您如何灼，不論您灼多久，永恆保持純天然特濃甜美牛肉味！全熟嚥韌彈牙有嚼勁，涮一涮嬌嫩動人誘惑，每啖都充滿肉汁，超特上的等級無可取替，軟墊但牛甜味非常淡，整體滿意。雞子，沒有本地新鮮雞子，退而求其次，雪藏火雞子都頂住先！烚透讓濃濃湯汁完全佔據每粒細胞，爆開使到湯汁更加滲得徹底。半沒點腥味雪味，換來的只有皮脆軟綿甜美的感受，滾埋辣椒豉油不停一粒接一粒掉入口，更是暢快！美國桶蠔，嬸嬸話是唯一的海鮮食材，已經無再做鮑魚、鮮魚、海蝦、蜆類，真係聽者傷心呢！桶蠔不是越大越好食的，裙邊及帶子位起渣硬韌要吐掉。只吃飽滿的蠔肚，肥美多汁，鮮而不腥十分美麗！皇帝菜，好耐無見梗係要狠狠地嘴多幾啖！大注大注沾埋大量辣椒豉油燙住嘴仔塞入口，感覺舒服至極一趙爆汁﹗爽嫩皇帝菜已索盡精華十分油潤，加上獨特天然菜甜味，真的停不了地輸送，一定要全部消滅為止。魚腐，份量夠足，皮香嚥韌包著滑魚豆腐餡，湯汁微滲，咸味得宜，不追住食不可啦！養生藥膳雞湯魚腐出前一丁，添點花雕再煮麵食，甜甜酒醉藥材雞湯底，混上辣椒豉油，黏黏厚厚的湯汁掛在爽滑麵條一氣呵成大啖啜，超特濃好和味呀﹗辣椒豉油養生藥膳雞湯手打贊岐烏冬，肉味魚味粟米金菇味雞味紅棗龍眼藥材味，百味交差共冶一爐！飲碗湯烚個烏冬烚注菜撈上辣椒豉油，熱騰騰滾燙啜入口，質感嚥韌滑溜烏冬天堂的味道！鮮蝦滑，等了又等，姍姍來遲，最後一碟終於登場！入晒雪硬硬的，要用我額外的耐性再等一會，直至能免強將她肢解！插入時還聽到烚烚聲，悅耳非常，使我興奮莫明！很艱難才能刮下掉到湯中，形狀不能太有要求。熟透浮面，鬆散食得到蝦仁都還可以，隱若有點鮮味蝦味。
continue reading