3
1
0
7-min walk from Exit D1, Sheung Shui MTR Station
continue reading
Payment Methods
Other Info
TV Broadcast
Above information is for reference only. Please check details with the restaurant.
自製假期宅在家，鬥足十個鐘惡龍，叫個外賣補充體力再戰！宅在家，門口都唔想出，打電話送外賣，好很毒晚餐！足不出門，早午晚餐一剔過！例湯，清淡如水又無湯渣，貫徹始終飲完都唔知係咩湯。明明堂食好好飲架喎，外賣差那麼遠？紅蘿蔔粟米湯，淡如清水，試一啖倒左。到底作用是否餐後漱口的呢？炸雞髀，原味炸雞髀，雞皮微脆香噴噴、雞肉乾爭爭，炸完散上淮鹽，唔難食，過下口癮好過無。炸雞髀，一試便知係炸豉油雞髀，勁咸仲要咸到苦 ﹗格硬食都免強吞得晒。咖哩牛腩炒麵，好少見有咖哩炒麵食，即刻要試啦 ﹗牛腩雖然散發著點點羶味，幸好醃味夠甜美，加上大量香濃咖哩汁做掩護，質地鬆化啖啖肉，滿意滿意。麵條捲著汁液及牛腩衝入口，食得津津有味，滋味無窮 ﹗麻婆豆腐，浪費左我個寶貴 quota！麻婆豆腐都唔好食既，銅鑼灣曉廚曉、上水新天地都好食百倍！最憎豆腐切到大大舊，雖然無咁容易兜爛啫。豆腐味淡無浸過鹽水，個汁勁杰達達，仲有大量薑粒及洋蔥絲，味道調得怪怪的！我錯喇，叫錯餸添，係咪晏晝主廚落左場休息呀？揚州炒飯，繼麻婆豆腐後又一劣作，連擊兩下我暈喇。早知叫新天地啦，一心諗住試新野，中伏！完全唔香既揚州炒飯，加菜絲搞到飯粒濕淋淋最憎，無鑊氣可言！無蝦仔，得火腿同少量叉燒粒，又無蛋香，淡荗荗都唔知咩黎。依個係菜絲火腿叉燒粒炒飯，揚咩州啫！時菜斑腩炒麵走蔥走芽菜，粉勁厚啊，何解斑腩外層滑潺潺既？加左馬蹄粉嗎，怪怪的。幸好包係入面既魚肉都正常，魚味濃帶點肉汁，外層都夠香口，合格。可憐 ﹗最怕炸脆麵唔夠汁，乾爭爭咬到卜卜脆，您估食媽咪麵咩，乾哽好辛苦。唯有加入大量勁辣辣椒渣麻醉自己，辣椒渣撈時菜斑腩炒麵夠刺激，即時好食左。焗肉醬意粉，有質數喎，肉醬份量夠晒多，灑下少許芝士粉焗到微脆香噴噴。將肉醬跟意粉撈得均勻再直捲入口，意粉乾硬適中富彈性，無過火無過腍，good ﹗肉醬豬味濃濃，茄汁酸酸甜甜極為開胃提神，好味好滿意。焗豬扒飯，炒飯蛋香出眾，飯粒非常乾身，似乎有點過硬，還接受得到。茄汁夾雜著焗芝士既燋香份外可口，芝士味更為突出。喜出望外，焗豬超水準演繹 ﹗美味多汁，醃味香甜無比，肉質鬆化彈牙有咬口，肉汁輕滲，豬味清爽，配上甜酸鮮茄汁好食到痺 ﹗我實在太貪心喇，樣樣都想食，焗肉醬意粉併焗豬扒飯，又幾好食喎，飽飽飽飽。魚香茄子炆伊麵，駿明苑既炒野真係唔多掂喎，食煲仔菜穩陣得多。我話要魚香茄子炆伊麵，仲咩同我走去炒啫？仲要落埋我討厭既芽菜，肉鬆伊麵都幾乾身嚥韌微彈，不過成個伊麵淡到死又無汁，唔記得落味？好采屋企有辣椒油撈黎食，叫做入得口。我叫凍齋啡走甜又同我加奶，知唔知咩叫 black coffee 呀？救命 ﹗焗雜扒意粉，勁豐富抵食大大份！豬扒、牛扒、腸仔、火腿、雞中翼。但完全無焗過既味道、香味、感覺，跟燴意粉求其鋪係面無分別。雞中翼乾硬無肉汁又咸、豬扒牛扒腸仔火腿接受幾好、茄汁淡口、意粉無過腍合格，一試無妨。乾炒雞絲河，硬係咁聞塞架啫！都話走蔥走芽菜咯，我唔食架！仲要加洋蔥添，我都唔食。仲要加料！藍色膠 label！想點呀？終於都挑走晒蔥、芽菜、洋蔥喇，仲檢得清清楚無再加料，可以安心大啖大啖食喇 ﹗粗河併幼河咁有趣？河粉生抽老抽味道芳香，不咸不嗆帶甜美，炒得均勻大啖食好好味 ﹗雞絲雖有點乾鞋，不過還入到口的。豆腐火腩炆伊麵，又勁落味菜，我全部都唔食架，有排揀。炒咩鬼都加芽菜蔥同洋蔥，揀死我喇，浪費時間。趁熱食還可以，凍左勁油！燒肉有點咸，伊麵還可以。
continue reading
發現翻工附近有間呢間茶餐廳有得食泰式粉麵，於是就入去試下。佢可以任配兩款，咁我就揀左豬頸肉同埋蝦餅配檬粉，再跟餐要左杯熱華田。未上粉之前，佢已經擺左呢盤調味料係我面前。對我黎講都幾新奇，所以我就將啲每隻調味料都畢落自己個匙羹都試左先，左前係醋，左後係炸蒜，右前係辣油，右後就係辣椒碎同辣粉，都幾好，事關我都唔係好食得辣，咁樣就可以俾我自己自由調配。之後碗粉黎到，都幾跟足泰式，有一啲芫茜酸菜同豆芽係面頭。然後，配料都好足！估唔到有咁大塊豬頸肉，都幾香。蝦餅都多，不過可能跟湯麵，索哂湯林哂無咁好食。不過整體黎講我都滿意，以呢個價錢食到足料泰式粉麵，仲有杯熱飲，飽肚抵食！又有精力開工lu~
continue reading