1
0
0
6-min walk from Exit D1, Sheung Shui MTR Station
continue reading
Payment Methods
Other Info
Opens 24 Hours
Above information is for reference only. Please check details with the restaurant.
獨獨晚餐食自己，懶得行去老遠麥當勞隔離既芯怡，求其附近算數！黃黑紅雨都出齊，旺角小巴排晒長龍搞到去唔到操拳，唯有求其食飽返屋企，哼！我想食麻辣雞球煲仔飯架，點知無得賣囉，想食特別一點既菜色，依家只剩普通大路煲仔飯，唔要啦。經常路過，過門不入，初次嘗試。內籠裝修、格局跟已故既一品乳豬飯店一模一樣，就算連衛生環境都無變。一心想食小菜，所以燒味暫時唔考慮。女皇落左 order 要我多點食飯，話對身體健康喎，那麼炒粉麵、湯麵、意粉又暫時唔洗考慮。多張 menu 眼花遼亂，菜色真係千變萬化、包羅萬有！都係算啦，獨獨晚餐試得幾多喎。例湯，超濃郁香甜，應該係葛湯來的，好好味！竟然係我最不喜歡的南瓜湯，照樣試試啦。熱辣辣味道不錯，不太甜，都飲晒。魚香茄子煲配炒飯，炒飯底要加 $10，似乎有點狼死喎，是鬼但啦。雖然個煲仔只係微暖，靜蠅蠅無吱吱喳喳響，沒半點煙，不過炒得魚香茄子勁有鑊氣，熱力迫人！咸魚、肉鬆、尖椒、豆瓣醬混得超級惹味，咸香處處，餘韻惹味，醬汁肉汁異常甜美，撈飯食到停唔到口！茄子一放入口，大鹿鳴居即時係腦海中浮現，茄子之皇非大鹿鳴居莫屬！茄子部份肉棉、部份肉爽，茄子皮乾硬，味道就好滿意。炒飯非常高質，炒功出眾一粒粒，乾爽嚥韌索汁一流，蛋香鑊氣都一流，感動。食到乾乾淨淨，真係非常美味！如果茄子可以更棉滑多汁、煲仔更滾熱辣出晒煙的話，就更開心啦！切雞髀叉燒飯，真叉燒黎喎，香濃燒烤香味添上蜜汁，甜甜肉香飄飄，半肥瘦不油膩，勁有趙口，不乾鞋又有肉汁，美味 ﹗配上甜豉油白飯齊齊塞入口，要合上眼細味，甜美可口，滋味無窮。大肥雞啊 ﹗肥了一點點，皮厚帶肥膏呢，要咬掉先可安心大啖吃。肉質結實帶滑，微弱雞甜味，帶點點咸香，真算滿意。蔥油散發出強烈草青味，蔥白味味霸道，頂唔順呀 ﹗而且淋得太多油，搞到雞好油，飯都好油。雖然新祥街依間燒味出品都唔錯，但硬係覺得新豐路芯怡更更好食囉。而且依間烏燈黑火，環顧四周，感覺好污糟啊 ﹗
continue reading