鴛鴦奶茶 (匯貿中心)

Open Now

Now Closed

工廠飯堂，不一定是佬味濃的 "up dup" 飲食場。今時今日，在工廠區食飯堂，可以係一件好時髦既事。在石門，我相信，小區內最時髦的工廠飯堂，一定是這一間《鴛鴦奶茶》。西式的食物比較多，環境整潔，所以好受區內年青人打工仔同女士，以及附近學院及國際學校的學生歡迎。而，這也是我常去的午餐地點之一。分了幾次來的我，就一口氣介紹這餐廳的幾樣美食啦。本來，我黎既目標同目的，是想食美味的 Lasagna。可是，分了幾次來之後，我可以 confrim，我最愛的 Lasagna 已經不再供應了。所以，久未回來的一次，我點了紅酒燴牛腩做午餐。紅酒燴牛腩，可以說是一個中西合壁的港式美食。紅酒汁，配上了又腍又香的牛腩肉，吃入口時，的確真的西式用牛尾肉來得更好味道。當然，這是港式，帶點點的豉味，當然是更香啦。那天貪吃，多叫了一份照燒雞肉串。燒雞肉串，帶有香甜的日式燒汁，絕對是一個可口之選。改日來，我都係想看看仲有冇 Lasagna 食。點知，都係失望既。但，我並沒有回，決定試一試他們的傳統港式餐，蔥油雜扒飯。有雞扒，豬扒，漢堡扒，火腿同腸仔，豐富得非常。豉油味道香，是其中一個成功的原因，而更香口的蔥油，就是這

星期六早上，去到餐廳，見仲未到11:30 ，仲有早餐嗌，於是問吓收銀：係咪仲有早餐？點知收銀個阿姐，非常唔好老脾咁樣答：你話有咪有囉！咁明明餐牌仲寫住有，又未夠時間，問多句啫，使唔使咁嘅聲氣答啲客人呢？於是就點餐啦，阿姐又好勞氣咁響度催促。我哋都知早餐時段就快過，唔知阿姐係咪趕住落場，所以冇乜耐性？其實你可以好聲好氣，解釋吓，唔使用啲咁趕客嘅態度嘅……跟住去到攞餐，啲阿姐又係唔願做咁款。可以睇吓圖中嘅早餐，佢哋將兜通粉放到喺側邊，一拎起就差啲反。如果可以細心啲，將啲重嘅嘢，容易反嘅嘢，放返中間啲，會唔會可以避免一啲不必要嘅意外？食物都OK嘅，價錢亦合理，但係啲員工工作態度就真係…… 其實車站旁邊大把選擇，專登行過嚟幫襯你，仲要咁嘅態度，真係唔好怪冇生意。

呢間野之前OK架，都好食。今日再去，加左價(以前$76，而家$80)之餘，D食物又大縮水。件羊架得番個五蚊銀甘大，仲要一半系肥肉！件雞扒，鞋烚烚，根本食唔落！嬲爆

叫個蕃茄焗豬扒飯 塊豬扒骨多過肉不特只仲要有位骨位係生嘅 攞去換啦 第二個個樣正常啲 食落豬扒無鹽無未咁 個炒飯底啲飯係爛嘅 勁濕 又係無鹽無味咁成個焗豬扒飯得個汁係有啲味 我夠竟食緊啲咩呀 咁無成意執左去啦

Hello 大家好👋🏻！今日我再次嚟到位於石門安心街嘅「鴛鴦奶茶」。今次同大家分享一下佢哋嘅早餐。 事源係上次小弟同個friend嚟試過個蛋包飯午餐，阿收銀姐姐俾咗張$10蚊早餐優惠卷俾我， 為咗唔好浪費收銀姐姐嘅心意，所以今朝嚟開石門就用埋張$10卷啦😆。 美食攻略：佢哋早餐組合都算多，滿滿顯示係四個電子餐牌。 一開始真係花多眼亂， 突然我見到四隻字「丹麥多士」，唔洗諗其他我就點呢個普通得嚟配上我嘅最愛丹麥多士嘅麵餐😆。 有丹麥多士而又好食嘅茶記其實唔多，曾經係某茶記食過，今次係石門遇到，都算係緣份呀😆😆😆。我點咗丹麥多士+腸仔滑蛋+五香肉丁麵+熱奶茶。 佢哋丹麥多士唔算厚切，但係味道同質感好正宗，襯埋舊牛油無得彈呀。 滑蛋有蛋香而且夠大份😋。 腸仔不過不失啦… 而個五香肉丁麵好精緻， 賣相係開心靚嘅，都飽肚架😆。 至於杯奶茶，一入口有陣強烈嘅茉莉花茶香味，都幾特別。題外感受：「鴛鴦奶茶」以長枱圓櫈為主， 成份早餐坐係入面食我有種好似細個係學校飯堂食飯嘅感覺，都幾得意， 青春嘅感覺返晒嚟😆。旁邊仲有自助式斟水tray， 校園感加倍😆😆😆。美食指數：5🌝最高味道：🌝🌝🌝🌝🌚環境：🌝🌝

Hello 大家好👋🏻！今日我嚟到位於石門安心街「鴛鴦奶茶」食中午，一行入門口已經有四個好大個嘅活動餐牌選擇美食，先選餐落單，自助提餐。 歐陸式裝修，有置身於外國Cafe嘅感覺。 係繁忙嘅工業區，有一間咁有特式嘅餐廳，真係別具風味。美食攻略：佢哋嘅蛋包飯系統有四選擇，今日試咗咖哩牛肋條蛋包飯。蛋包飯係蛋炒飯底，唔會太乾或太濕，配合咖哩汁簡直絕配，牛肋條鬆軟入口即淋，整體都滿意。至於同行友人的燒雞扒吉列炸蝦蛋包飯，雞肉香滑，燒汁略微偏甜，不過配搭送飯又剛剛好，炸蝦脆卜卜，食完好滿足😋😋😋。美食攻略：美食指數：5🌝最高味道：🌝🌝🌝🌜🌚環境：🌝🌝🌝🌜🌚服務：🌝🌝🌝🌚🌚賣相：🌝🌝🌝🌝🌚

今日同同事出嚟食，第一次來，一進入店感覺黑的像夜店一樣，幾多位，位置又夠大，很快上菜了，不夠飯，少食的人應該剛剛好，味道3/5分，有一點點辣，豬扒炸夠鬆脆，如果可以加芝士就最好了*芝士迷一定喜歡*

鴛鴦Cafe新開時候（2016）食物質數、環境衛生都OK嘅。由最初每一、兩星期都會幫襯一次到而家半年先會嚟一次，食物質數可說是每況愈下，唯一不變的是職員態度-差

食咗咁多次咁多年，忍唔住要留言！都唔係第一次聽到話員工態度唔好啦，我有時都幫襯亦都知道係事實。可能呢個係工廠區、或者係華記嘅傳統。今日食個$70嘅羊扒拼豬扒餐+少甜少冰奶茶。首先個豬扒係OK嘅，但係個羊扒簡直係樹皮一樣！杯奶茶啲冰多到飛起，次次如是！忍唔住行返去同水吧講，幾個阿姐佢哋竟然係望吓我，冇出聲亦冇人理我架，正呀！（全部有相為證大家自己衡量。）唔憂做、趕客之道！👍🏻最後，全場最好同有禮貌嘅就係執枱嗰個阿姐。

吉列魚柳配牛角包、忌廉炒蛋、茄汁豆 $40魚柳炸得十分鬆脆，可配沙律醬吃；炒蛋亦很滑有奶味；牛角包🥐出乎預期地又脆又好吃，因為平常一些早餐店會預先製造，到我們吃的時候牛角包已經不脆🙃這個牛角包好吃～👍🏼另外，奶茶個人覺得較一般～

今日lunch去左公司附近既鴛鴦奶茶食，見左有個新出既🦀炸軟殼蟹海鮮忌廉汁焗飯 $68 幾吸引，一於就試下！成隻軟殼蟹鋪喺面🤤 海鮮唔係平時茶記食到既蟹柳、鳴門卷，而係有好多蜆肉、蝦同八爪魚粒。配埋芝士忌廉汁，唔錯但好膩🥴 跟餐飲一杯，$68食餐lunch其實都唔平，但好彩味道搭救到✨ 其實石門區內食飯都算貴，呢度已經算唔錯，但如果餐牌款式變化多啲會更好。====================推介度：4/5❤️CP值：4/5👍🏻好味指數：4/5👅====================

坦白說食物真心不錯。。價錢亦算合理。。。但某收銀員工態度很差。。。好似欠左佢甘。。。作為服務行業。。。連基本耐心同禮貌都無。。。面口極差。。黑口黑面。。。。令人想掉頭就走。。。

石門開左好多餐廳，但係早餐選擇唔算好多。呢一間餐廳叫鴛鴦，門面冇乜特別裝修設計，入到去就好似快餐店咁，睇完牌就去櫃檯嗌嘢食。特別之處呢度會收八達通。每次去到我都會食佢嘅扒餐，價錢合理，個賣相非常之好。可以食得出每樣嘢都好新鮮製作。

其中一間會encore既舖頭！奶茶真係好飲，鴛鴦都唔差，之前食過蛋包飯，今次就試下蒸點，發現蒸飯通常都有埋蛋😂個汁就一流，蛋我鐘意，蟲草花都好食，但係雞就冰鮮味重，餸份量都多，飯對我而言就啱啱好。最推薦都係佢嘅下午茶，抵食份量足仲好有誠意，好似雞翼咁，就有4款，啱曬我口味，多士有咖抰味，都真係幾正，薯條就冇乜特別。環境都闊落嘅，算舒服同埋唔會趕人走，感覺似係高級版大快活，價錢合理，值得一試再試。

早前已經寫食評，多月後再來，回顧一下先。鴛鴦推出會員抗疫午餐$42起。 點了當日特價餐豬扒炸蝦飯送熱飲。份量跟正價沒分別，沒有因為特價而偷工減料。一片豬扒＋２件炸蝦，豬扒厚度適中，香煎入囗還有肉汁，不錯！炸蝦外層脆漿較厚及蝦較細隻，但4x 多元午餐要求不能高。另外有薑蔥及 豉油汁送飯一流。伴菜裝飾的温室豆苗就怕怕，很多餐廳喜歡用温室豆苗擺盤，顏色可能較吸引又容易處理但温室豆苗有陣強列草青味，我一絕不欣賞。鴛鴦水準不錯，多月後再來仍然保持水準。