LA PÂTISSERIE des IDÉES

Open Now

Now Closed

平時行呢個商場都係行週末市集，但係4日的復活節長假期中，被我碌story見到呢2個復活節限定版兔兔蛋糕，好可愛，吸引我衝過嚟食當正餐❤️🐰Bunny 荔枝紅桑子蛋糕 (HK$52)．白雪雪和粉紅面頰，好可愛，食落原來係荔枝味嘅慕絲．內涵就有紅桑子味和荔枝味啫喱糖，一酸一甜好特別，底下有層薄薄嘅海綿蛋糕🐰 Black Tea Mochi 紅茶黑糖麻糬蛋糕 (HK$52)．啡色的錫蘭紅茶慕絲外表，帶埋頂紅茶生巧克力帽，造型好可愛．內心有黑糖麻糬和朱古力海綿蛋糕．估唔到這個配搭好美味呀😋☕️ Irish Cream Coffee 愛爾蘭咖啡 (+HK$36)．雖然叫蛋糕加錢飲啡比單買咖啡平$10，不過加錢價錢也不是特別平，比較期待杯咖啡有拉花圖案，可惜是機沖零拉花，比較甜而不覺得有愛爾蘭咖啡酒味，有啲扣分😬蛋糕店門面唔大，點餐及付款，之後要自己取蛋糕，咖啡需時製作，所以店員會拎過嚟。

鋪頭：LA PÂTISSERIE des IDÉES地址：荔枝角長義街9號D2 Place ONE 2樓 224號舖​💰80蚊💰 Order左d咩？​1️⃣ 柚子軟芝士蛋糕 $48上面層柚子唔錯，柚子香甜，芝士蛋糕軟同creamy，but最底層餅同上層一d都唔夾，上面層蛋糕好軟，個餅偏硬，用叉切開個蛋糕，去到層餅就會斷開，最後變左蛋糕同餅分開食​2️⃣ 鮮奶抹茶 $32 （蛋糕加購價）而家d自助咖啡機冇乜分別，姐係都幾唔好飲​總結：呢餐整體非常一般，行街行到攰想搵地方坐先會幫襯​🗒️以下評分最高分五粒🌟​味道：🌟🌟抵食程度：🌟🌟環境&服務：🌟🌟🌟粒（正常環境同服務）

唔知點解梗係覺得D2個位好唔就腳今次約左朋友去荔枝角食飯終於有機會順便試下呢間蛋糕店 ✨開心果紅莓蛋糕外層旁邊舖滿焦糖杏仁碎 好香口開心果慕絲 開心果味道清香 唔算好濃 紅莓醬微酸 海綿蛋糕濕潤 層次幾豐富味道唔太甜 呢個配搭幾普遍雖然我個人覺得開心果同紅莓係唔係好夾嘅但唔知點解佢哋又成日一齊出現😂✨鮮奶紫薯紫薯味淡淡的 奶亦唔算香濃 味道偏甜 勝在夠熱總結：食物可以 環境普通服務麻麻 女店員木口木面比人感覺冇乜禮貌 有待改善價錢還可 定價少貴 唔算好值

母親大人生日所以買既蛋糕～🛎 $390 Honey & Lemon + 字牌Yogurt mousse, Honey sponge cake, Lemon cremeux, Yuzu Chantilly簡單黎講就係蜜糖+檸檬+柚子味既蛋糕食落唔會覺得濟，因為柚子味會中和左啲cream/mousse既heavy感但是貴左啲🤏🏻🌐 環境/服務店員比較被動🤔唔會點介紹啲蛋糕堂食都有幾多位可以坐，不過就比較open~

每次經過都好想試下每次見到小蛋糕都很精緻見到朋友仔生日 我決定去買3 件吾同款一齊食 慶祝埋生日最開心係可以加生日牌我揀左柚子 朱古力 同店長推薦的開心果味柚子食落口好香 吾太甜💓幾清新朱古力味幾濃 但個人覺得幾甜 不過小朋友當然最喜歡啦至於開心果係幾特別 但係個人感覺麻麻地

適逢男朋友媽媽生日，諗住買個蛋糕慶祝下，無意中發現呢間小店，見評價都唔錯，於是膽粗粗上網訂左個開心果紅莓蛋糕$3701LB ，蛋糕賣相唔錯，每一啖都充滿開心果味，非常濃郁，中間有啲紅莓，食落冇咁漏🫰味道酸酸甜甜，最出邊嗰層係杏仁碎，口感層次好豐富，呢個蛋糕可以encore 🤪

距離下一攤仲有啲時間，想搵個地方食件cake坐下，本身想去龍島，但無晒位，就上左嚟D2 Place呢間。揀蛋糕時覺得有點少貴，龍島cake set都係$68，呢度仲貴，所以都有啲猶豫，但唔想破壞計劃就都係揀左件蛋糕坐低左。今次叫左開心果紅莓蛋糕($48)，再叫左杯紫薯鮮奶(+$30)，出到嚟味道係出乎意料地好🤤蛋糕最外層係焦糖杏仁碎，主體係開心果mousse，中間夾左兩層紅莓醬。開心果嘅甜品我覺得難整得好，有好多時都會有陣苦澀味，但呢度嘅開心果mousse有開心果嘅香，但就無苦味。中間紅莓醬嘅酸甜味突出，都令到成件蛋糕清新左。最出嘅杏仁碎應該有烤過，聞落去已經有果仁香，都為件蛋糕加多左層口感。紫薯鮮奶都係值回票價，可能因為我係叫熱飲，所以佢陣紫薯味特別出，飲落去都好順口，但飲嘅時候可以稍微再搖勻下，唔係就會好似我咁最底層好濃味。雖然蛋糕真係好精緻的骰，但係味道真係好好，係會覺得太細件唔夠過口癮，希望可以比貴啲，整嗰大啲嘅食下嗰種😋 其他蛋糕賣相都好靚，下次可以encore💕

每次喺行完市集 都會經過呢間超精緻嘅蛋糕店✨上次就坐低食咗件柚子芝士蛋糕🍰芝士味唔算太濃郁 但柚子味酸酸地 食落好清新又輕盈😚口感幾軟滑 再配埋香脆嘅牛油餅底🧈同薄薄一層嘅海綿蛋糕 口感都幾豐富💕

喺D2 Place market行到好攰， 見到呢間甜品店可以坐低，就即刻叫兩件甜品抖吓🤣 結果都幾好食👍🏻⭐️開心果紅莓蛋糕（$48）❤️8.0蛋糕係走整體平衡路線而唔係濃郁路線～ 開心果味唔會好濃，配合紅莓醬恰到好處，唔會太膩～ 外層嘅焦糖果仁碎亦可以增添口感，好加分👍🏻⭐️伯爵柑橘蛋糕（$46）❤️8.5可能因為我係伯爵茶控，所以鍾意呢件多少少🙊 伯爵茶同柑橘味好夾，仲有啲朱古力脆脆增添層次👍🏻⭐️玫瑰花果茶（+$24）❤️7.5玫瑰花味濃郁，配埋蛋糕解膩就啱曬👍🏻 ⭐️粒粒椰果菠蘿冰（+$28）❤️7.5夏天飲菠蘿冰啱曬☺️ 都係想像中清新嘅味道～ 如果杯少少就更好喇🤣整體嚟講，甜品嘅質素都唔錯，同埋地點真係好就腳，大家行街行到攰不妨嚟嘆件蛋糕回吓氣🤣🙊

今日行荔枝角D2 Place見到呢間蛋糕都幾精緻，網上嘅評論都話好好食咁就試吓呢間啦！🍰柚子軟芝士蛋糕 $48 (8/10)餅底係牛油手指餅嗰種，比較香甜牛油味好出，柚子味好清香，酸酸地好清新解膩，芝士微酸係屬於比較清香果一種，芝士味比較淡輕盈，中間仲有一層少少薄嘅海綿蛋糕，整體感覺好清新，好清香，加少少香脆牛油餅，有口感得來又比較輕盈好fresh。🍰抹茶蛋糕 $48 (8.5/10)抹茶蛋糕餅底係椰絲餅碎，食得出椰絲嘅香甜，幾層抹茶cream同埋少少嘅海綿蛋糕組成，蛋糕嘅質感係好creamy，好香濃嘅抹茶味，一啲都唔甜，亦都唔會苦，啱啱好，都幾好食！☕️愛爾蘭咖啡 套餐價+$36 (5/10)係以熱咖啡，愛爾蘭威士忌，糖混合攪拌而成，最後加上一層忌廉。呢個應該唔算好正宗，飲落去一個好香甜嘅酒味，餘韻帶少少微苦，偏甜，有少少咖啡香氣，都幾特別嘅。推薦指數: 8/10蛋糕幾好食，真係幾唔錯，但咖啡就麻麻哋，嚟到食蛋糕好啲！

今次第二黎食啦上次就俾推介既開心果蛋糕吸引今次就試上次想食但飽而要續食😋上次想食既就係lady early grey軟到係cream一樣既整體甜到剛好又有一小片既朱古力帶到另一種既度tart au fruit sec呢個達黎上層 不同果仁加上焦糖糖漿底就淡味達底整體不會太甜因為焦糖俾 達底中和左👍🏻最後 寫就寫是日推介有甜品名 不過吳係太記得chocolate xx🙈睇上去蛋形表面用上70%朱古力所以甘味入面既橋子味帶酸加上面既白朱古力係一個少有甜品既做法飲品就叫左愛爾蘭咖啡有➕酒，但沒有酒香感覺好流質，水份高還可以甜品係有水準🉐有心用設計過❤️值得試曬不同款既👍🏻#lapatisseriedesreves

同愛人去d2拍下拖到這店食下蛋糕飲下茶法式焦糖燉蛋是我最愛，它是用新鮮雲呢拿籽的，所以食到口中是真的雲呢拿味，不是精油味另一個芝麻蛋糕，有好香的芝麻味，甜度適中， 餅底香脆。

今個月有幾個朋友生日，我哋喺荔枝角食完飯見到附近呢間蛋糕店，見到好似好好食，買咗幾款返屋企試下。個人感覺朱古力嗰隻最好食，唔會太甜，好有朱古力嘅香味，食完都唔會覺得好膩，以呢個價錢來講都好抵食呀，以後有朋友生日要買蛋糕又多個選擇啦！

同朋友睇完戲，睇完要食返件Cake填補返個空虛～係荔枝角區當然係去D2必食嘅蛋糕店啦！今次試啲未食過既啦！Yuzu Cheesecake $48超好食🤭清新感加上層次口感正！唔太識形容，淨係滿腦子うまいうまい🤪Sesame $48好重既芝麻味，一層薄薄既芝麻脆脆帶出驚喜！口感又係不得了！呢度既飲品都好不錯的，值得大家試試～整體評分：⭐️⭐️⭐️⭐️⭐️

店員將我六件分散哂用紙盒裝勁奇怪，又唔一早講聲要比哂錢先咁做，搞到我送禮分散兩個一大一細盒勁怪，之後我問佢可唔可以比紙袋我裝，佢用d 晦氣超差態度話我當然會咁做，總之語氣令我呢個顧客感受到店員係覺得我好麻煩，之前幫襯開sales 無問題，而家呢個令我對間野印象好差，永不幫襯！This cake shop is totally disappointing with the service .I will absolutely never purchase any cake in this shop again thanks to the " pleasant" experience!