利來小廚

Open Now

Now Closed

小編昨天陪家人進食生日飯，便選了一間馳名的大排檔。這間大排檔看下去平平無奇，本來也沒有多大期望，但其食物原來真的是頂級。 由於人多的關係，我們可以試不同的菜，於是叫了一道芝麻雞，椒鹽九肚魚，以及一個鮮肉湯。 這道芝麻雞不得了，皮脆且香口，而肉質卻是嫩口的，吃下去感覺很有層次，而椒鹽九肚魚更是香口，咬下去先是脆的，咬到魚肉時是軟的，而且味道是香甜夾雜，非常好吃。可惜美中不足是這個湯，以小棠菜煮成，但味道不佳，有點苦澀，而且豬肉亦太肥，不太好吃。 但整體這間店是不錯的，值得推介

因為一早訂左枱,所以唔駛等位就入去坐侍應仲問我地想坐邊張添~咁就揀張已鋪好枱又睇到電視的枱吧自己要拉櫈去坐.....因為好似張張枱D 櫈都唔齊職員好忙碌,要等佢地忙完/跟過先叫得但好快上菜, 都煮得好好味, 全部俾我地清晒呢一度係衛生感覺差D, 但已經俾大排檔好, 因為係室內同有冷氣大部份價錢都合理~~6個人食左$7XX左右(因為不是我埋單, 正確價錢忘掉了)這個價錢, 出邊未必食到~~

我們以前都有去這間食店食晚飯的，以往餐廳食物的質素是可以的，但今晚吃完後真係完全改觀。我們點了小炒皇、鎮江骨、八珍豆腐煲、椒鹽鮮魷。第一味小炒皇，真係從未食過如此差勁的小炒皇，真的如街邊茶餐廳都不如，全冇煱氣，用西芹代九菜都冇問題，但真係成碟好似蒸出黎咁。同佢講佢就笑一笑就轉頭走。我地都冇再問，只希望下一個餸好食D。第二味係鎮江骨，這味鑊仔煲上的，真的OK，絶對收貨。第三味椒鹽鮮魷，我以為係魷魚乾，乾到不得了，真係十年難得一見的差。第四味八珍豆腐煲，又一次的失望，冇味，真係想問佢攞豆辦醬自己落。我唸哩次係我地最後一次黎哩間野食飯，以後都係去返啓業冬茹亭食，求其一間都好食過佢。今次最後悔係冇影相!!

平常在公司不是叫外賣就是到大家樂, 已經吃膩了! 今天決意出去走走, 到利來小廚試試. 一心打算是叫炒粉麵飯之類的, 因為聽聞這裡小炒出色. 但我坐下後看到對面那位人兄吃的炒飯後便退縮了, 所以突然改變主意點盅飯好了.奶茶 - 茶奶不融, 有點澀, 差!窩蛋牛肉盅飯 - 牛肉餅算厚, 有牛肉味, 豉油汁少甜的, 飯粒有嚼頭~ 合我心水的, 還可以啦.我會再來試試它的炒粉麵之類的, 畢竟沒親身試過. 要來嘆奶茶的話則免了.

今天沒有母親大人的愛心飯盒,所以便獨個兒外出吃飯.搭電梯時也不知自己想去那兒開餐. 突然出到公司大廈門口便想宏照道有幾間茶餐廳還未試過. 好,今次就讓我獨個兒去試試了.來到利來小廚,剛巧也有一個位和其他食客share,之後看見食客正在吃著椒鹽金沙骨火腿煎蛋飯很像不錯喎,好,我不看掛在牆上的午市套餐介紹,就直接order了1)椒鹽金沙骨火腿煎蛋飯不用三分鐘,我的椒鹽金沙骨火腿煎蛋飯套餐便來了. 我先咬了一口椒鹽金沙骨. 好好味呀,椒鹽夠味,而且夠哂香脆,金沙骨也很有肉質,特別是有適量的肥肉部份,咬下去超有口感,加上這個醬汁,就算金沙骨吃完,還有醬汁來配飯也是不錯.今天,我真的很喜歡這一個椒鹽金沙骨. 吃的時候,我也再留意望著menu,發覺這利來小廚還有晚市小菜. 中午的椒鹽金沙骨已經不錯,相信晚市也是不錯,期待有一晚和一班朋友來到利來小廚,一起一邊吃著小菜,一邊啤啤.

今日同班朋友黎食lunch. 朋友話鍾意食佢d 小菜。4個人叫左4樣野~1) 吹水墨魚咀: 大大碟, 炸得唔多粉, 大大粒墨魚咀, 好爽, 最岩送啤酒。2) 爆醬芝士蝦丸: 朋友話比以前差左, 因為要咬到好入先見到有芝士標出黎, 不過好味既3) 豆腐班腩煲: 大大煲, 60幾蚊, 抵呀, 送飯一流。4) 黃金蝦: $120有8大隻, 用蛋黃炒,好香, 不過胆固醇一定超晒標 。一人一碗飯, 一支可樂, 爽呀!埋單$39x, 抵既。

搭的士去九龍灣取車，途中非常塞車，原來係今早新聞報導獅子山隨道有載有危險物品貨車翻側影響，司機盡本分解析改行路線原因，不自覺交談起來，我們告知擔心取車後去食晚飯塞車情況持續，因車行關門所以較趕，這個話題令到司機提供咗～先晚飯後取車，車行附近有好餐館，食完仲有時間幔行去車行！的士司機推介～利來小厨，我哋好快揾到餐館，工業區內，無人介紹唔會識嚟！選擇亦不少，看見牆上的報章推介，應嘗風靡一時！足料兼好食，好香好野味！大大煲，加入雞脾菇做食材，燒肉肥瘦平均！我讚好有8粒，而且非常大粒，不過無醬爆芝士口感，而且蝦膠唔彈牙！ 唔太似麻辣味，因為帶酸，好多芽菜及豆卜，雞就普通較細件！上菜時間峽快，店員亦有禮貌，ニ人食完非常飽，要埋單去散步幫助消化！埋單時看見單上～熱茶$10，可樂冰上加$1......餐館收費項目各位注意！謝謝的士司機....方便之選....推介～

沒有預約訂枱下和朋友3人到利來小廚吃晚飯, 我們等了10分鐘後安排入餐廳內座,3人共點了話梅骨, 鼓椒炒聖子, 火腩炒白菜仔 和 墨魚咀共四個家常小菜, 過了30分鐘, 未有餸上枱, 向伙記A追問了, A說"很快, 等等"再過10分鐘, 仍未有餸上枱, 再向另一個伙記B追問, B說"得,幫你追追"又再過了5分鐘, 向之前伙記B追問結果如何, B沒理我們直接走開了其中一人跟了出去追問結果, 伙記A向我們說"不要追, 厨房煮緊"10分鐘後伙記C向我們說"沒有聖子, 要唔要轉其他"等了接近1小時才入單到厨房 !!? 之前追了3次, 完全沒有人跟 !!? 明明無聖子又話厨房煮緊 !!? 煮1小時聖子殼 !!? 結果我們浪費了1小時後離座,如果大家有時間浪費, 又脾氣好的話, 不坊一試 ! 對不起! 這篇食評沒有食物評語謝閱

朋友飯局, 帶左我黎利來食飯位置比較偏, 距離地鐵都幾遠下, 周圍係工廠大廈, 朋友唔講唔知呢到有好野食。因為佢位置偏遠, 所以老世有車可以接送d人客嫁。雖然位置比較遠, 但今晚都爆晒場, 好鬼旺。我地4個人叫左….1)吹水墨魚咀: 炸得好香口, 薄薄一層炸粉, 墨魚咀滑lu lu‧2)蠔仔粥, 細碗已經足夠4個人食啦, 一人食2碗都仲得呀, 蠔仔好新鮮。3)黃金蝦, 全身佈滿蛋黃, 好香, 蝦肉好爽, 食完一碟一定膽固醇超標。4)蒜容粉絲蒸勝瓜, 勁多蒜容, 好香, 粉絲同勝瓜吸晒d汁, 好入味,正。5)啫啫田雞煲, 田雞爆得好香, 不過好油。雖然係遠d, 但d野真係抵食夾大件。

下晝點零鐘食午飯，入到餐廳有陣煙味，覺得奇怪，坐落先知樓面同廚房都擔住口煙。食物(話梅骨、燒汁班塊、海蜇)幾多味精，偏鹹。午飯時間d例湯同白飯都祇係微溫，有點那個。

昨日一家大細行完MEGABOX,諗食咩好,爸爸揸架車在九龍灣周圍兜,見到呢間小廚門外可以泊車,爸媽就決定入去試下,因為6點就坐下食飯,所以唔係多人,不過就越晚越多人,食都尾有點趕,因為門外已有人排隊.見牆上貼有風沙長腳蟹照片,媽媽又愛吃長腳蟹就叫一牒試試啦,好好味喎,好香好香.媽媽最愛香口嘢,又試下個墨魚咀,都好正,係個菜油咗d d 啦,因為我唔食酒煮的東西,所以唔知咩味.話梅骨甜酸適中,好味

放工一行4人,仲要揸住架車,唔知去得邊,捻住去九龍城，點知冇位泊，同事話九龍灣有好嘢食，雖然地方唔太方便，但係門口可以泊車，食物有D鑊氣。去到有位坐，大致上跟正常的大排檔一樣，比較靚D，眼見其他檯的人多數都是點家常小菜，侍應介紹有新菜色，叫風沙長腳蟹wor,同事話試吓，同時介紹墨魚咀和一般小菜，碟蟹上菜後，立刻試試先，咬的時候，比想像中好咬感，味道ok。同樣墨魚咀一樣，唔錯！！！ 其他小菜都入味。最估唔到d蟹殼比其他蟹薄，最啱我地d懶人唔想剝殼和洗手，可以食得，so funny.....

兩星期前, 一行十數人到金利來, 朋友告知此店從前在牛下, 如今遷到工業區, 位置是有點不方便, 但食過之後, 你一定會嚟多次!當晚點了極多餸, 蒸蟶子, 炒蜆, 避風塘茄子, 芝士焗帶子, 佛跳牆等。天啊! 樣樣都好好味!最欣賞蟶子, 好鮮甜, 好肥美!避風塘茄子外脆內軟!芝士焗帶子隻隻帶子都好大隻, 芝士味濃!佛跳牆湯料勁足, 又大盅!愈夜愈多人, 生意真係好好!

一班同學去食飯 ,, 梗係去d坐得耐又抵食既地方食因之前食開牛頭角下村間金利來 ,, 今次試下去4mega box附近呢間 避風塘茄子 - 幾好食 ,, 特別菜色 ,, 可以一試 豉椒炒蜆 - 正 =] 我只愛 !!鎮江骨 & 生炒骨 - d肉唔會整到好硬 , 好食椒鹽鮮尤 - 又係"賣飛佛" 老闆娘又好人 ,, 又抵食 ,, 岩晒一大班人食飯

真係街坊價，高水準！朋友誠意推薦哩間食晚飯，真係冇介紹錯！要左煎蠔餅炸乳鴿魚香茄子煲金銀旦浸yin菜煎蠔餅－－如果你覺得廟街d蠔餅已經好好食的話，咁你嘅要求未免太低了，哩度係好食十倍。首先佢非常足料，又平均，gap親一塊都食到好幾舊蠔仔。非常香脆囉！（裏面有莞茜，唔食要事先講走莞茜）炸乳鴿－－都唔唔細隻架，炸到金金黃，好脆呀塊皮！！！魚香茄子煲－－好味到撈左兩碗飯，夠咸香，下次都會食哩個。金銀旦浸yin菜－－都幾多皮旦，都好夠味，唔會淡maumau。喺德福行過黎，大約十分中，真係行廿分中都值呀！