Mimosa Patisserie

Open Now

Now Closed

買咗芒果拿破侖@$45及朱古力拿破侖@$51, 都算貴架，講到味道，唔太甜，可以接受，但個餅底就硬咗啲，最後坐定定食，千祈唔好隨便企喺街度食，一咬落去d餡就唧晒出嚟，食到都幾le hea。舖面一個店員招呼，一入到去就機械人式問你：「要咩呀？」電死面，語氣差，講嘢無尾音，好似好唔耐煩，礙住佢咁。攞住杯外賣飲品，另一個店員即喝止：「呢度唔俾飲嘢！」，使唔使咁呀，我好似入咗禁區咁😡😡😡今時今日，唔係淨係你先整到好食嘅蛋糕，今次都係有朋友介紹，先嚟幫襯，間舖仲要喺大廈入面先搵到，俾$多謝都無聲，咁樣嘅服務質素，搵鬼同你買呀😡咪使旨意再幫襯，可以bad list

事緣好耐之前已經聽人哋講佢既拿破崙好出名所以之前已經買過一次，但係食完覺得超級普通個餅好硬好厚香港好食過佢嘅餅店大把嗰次買已經好好奇點解入面兩個職員都黑口黑面上星期 諗住再入去試吓其他蛋糕，係咪真係咁特別今次買咗一款$42嘅蛋糕當日我好清楚睇到銀包冇$2，所以就俾咗$105佢結果只係找返$60跟住同佢講返我係俾咗$105佢入面個男人仲要喺度同我坳，話「你係俾$2我！如果收$5我會放喺嗰度！」大佬丫 你放邊度我點知你 態度仲要勁差 黑口黑面我就問佢不如攞CCTV出嚟睇，個女人仲要話我哋呢度冇CCTV最後只能口同鼻拗為咗$3喺度嘈，真係好無謂但係就係條氣好唔順 咁嘅態度 咁嘅質素 我一定唔會再去食亦都希望大家唔好再去 比呢啲態度咁差嘅店舖經營落去！！！

想買蛋糕同屋企人分享，但去到成肚氣。一入去，女員工（似老闆）問想食咩，我話要睇下咩款先，佢就一句串話乜你5知我地出名咩蛋糕咩。請問客人要諗買咩款有乜問題？過左陣，想叫佢過黎同佢講我想買咩蛋糕，又講 頭先叫你落單又5落，5知以為你系聾。 你d野幾出名，人品差都冇得補救！

.拿破崙專賣店 之 #mimosapatisserie （天后）‼️抱歉.. post打錯🥹.因為聖誕party有幸見到呢間大家話出名 & 唔容易買嘅「拿破崙」專門店！！同大家試試佢！！好味與否？卡路里資訊又係如何呢？.芒果拿破崙 $41.首先個賣相真係無得輸..就咁睇你都feel到內餡好澎湃.. 毫不馬虎..吉士醬嘅厚度.. 再加埋外層餡仲有好多酥皮碎粒..佢哋都同d芒果粒粒融為一體..真係足料and爽皮..一定要分開layer去食..親測.. 一啖一定會漏口🤣🤣🤣🤣.酥皮高質 吉士好味.. 可細係芒果唔算甜所以營造到酸酸甜甜嘅感覺 可能有人會鍾意..但我個人如果係食芒果口味會prefer甜芒多啲.2.朱古力拿破崙 $48.哇係.. 呢個真係無得輸..無咗「芒果」酸嘅問題.. 保持佢嘅口感 & 豐富layering..再加埋朱古力吉士 可可濃郁度高..完全係一個.. 食一啖就會心情好好嘅夢幻甜品..雖然食完嗰口一定污糟..但放心.. 心情唔會污糟..🤣🤣🤣.希望資訊幫到大家 聽講草莓都好好味..但我唔好意思食人哋咁多件..我嘅「卡路里quota」都過意唔去..如果好味 歡迎大家分享評價

味道是好的但是態度非常非常差。 特別是長頭髮 中年女士， 她的態度唔憂做， 好似趕客咁。 除咗芒果拿破崙 之外其他蛋糕都是非常一般。 環境也是一般，每一次入去只能夠容許2位客人。 唔小心開住咗道門會畀人鬧， 入多咗一個人都會畀人鬧。 真係確實唔知點解要咁樣對客人

幫襯之前已經知道態度麻麻，入到去已經直接畀錢買兩件拿破崙蛋糕， 然後先問櫃裏面蛋糕係朱古力定咖啡， 位女士 已聲音大大鬧人嘅語氣回話。幾好食都係假，一定唔會再有下次。

📍天后人會懂的經典拿破崙上星期品嚐的了難忘想𝑬𝒏𝒄𝒐𝒓𝒆的甜品🧡朋友話呢款喺港島區頗有名氣的確冇介紹錯😌拿破崙質素媲美五星酒店同款啊試左士多啤梨拿破崙⬇️酥皮鬆脆/牛油味香三層拿破崙分明/厚身揭開每一層有頗多士多啤梨🍓配埋吉士醬 口感豐富🤤📌呢款拿破崙是在港品嚐過的Top3 網上評論指店主態度普通但今次我就無從判斷啦😌之後請返今次送cake的朋友食時實測一下～期待下次見時bb都可以喺旁邊望住蛋糕嚕👶🏻加油啊𝑴𝒐𝒎 𝒕𝒐 𝒃𝒆🤎

都唔明老闆老闆娘甘唔鐘意自已d顧客，做乜仲要做蛋糕賣？買個蛋糕為開心，喜悦，分享或祝福。但見到老闆兩公婆的臉口，點買得落。好食到飛天都甘話拉。不過見到個蛋糕，再浮現黑面，多谢哂

咁多人都話此店員態度有問題。其實本人之前都幫襯咗好幾次，態度係一般，但我都接受。我真係第一次遇到咁差啲服務態度，重要cut人線。所以忍唔住第一次響度評價。因為突然病了，所以打電話要求已經訂好嘅蛋糕遲些先拿。點知女店員－聽電話又冇禮貌又cut線！我同女店員講要改期，跟住我話…‘我想問’，我未講完，佢就好惡咁話我不准問，只可聽佢講。佢講完之後就cut我線！我連問問題都冇機會問！自問態度好好！女店員如果咁唔想做生意不如唔好做。又或者唔好show電話號碼俾客人打去查詢。蛋糕有幾好食都係假！俾錢重要受你氣。老實講好食過你的蛋糕多的是! 永遠不會再幫襯！

因為朋友介紹好食，所以趁放假經過附近就同另一個朋友去買黎食。點知圍住金殿大廈行左兩個圈都見唔到間嘢，最後問人先知道原來位於金殿大廈內，入到去見到雪櫃空空的，禮貌上問一句有冇拿破崙賣，同埋有咩味？跟住個阿叔就話有，味道自己睇牌。咁我哋理解錯佢塊牌上面全部味道都係拿破崙，就話要芝士拿破崙，點知個女人一聽就話：冇芝士味呀！未見過啲人咁好笑。我同朋友已經唔理佢，最後一共買左6件走，臨出門口個女人仲要補多句：開鋪15年，未見過有人咁好笑。其實我唔係好明有咩咁好笑，係我哋買得太少好笑？定係你哋覺得所有新客都好笑？我都覺得個女人好好笑，唔想做生意不如執左佢？我比錢幫襯你，仲要受你氣？仲要比你笑？呢間嘢真係冇下次👋

未遇過如此冇禮對待，女店員只有佢講，吾俾客人發言，還cut客人電話，極之冇品又冇禮貌。以後不會再幫襯！再好食都假，買蛋糕要受員工不 禮貌對待, 我和我的朋友們以後都不會再幫襯

今天剛去找了一輪才找到在天后站附近一座大厦內地下一層有兩旁小商舖的西餅店，因為聽說有拿破倫餅不錯，但一試之下卻絕對沒有聽聞咁好。$42一件甚為不值。服務員態度也欠佳，因為想先買一件試下，服務員就馬上就一臉不屑話”一件呀‘’。不會再買。

隔咗一排無食，今次買左芒果拿破崙，真係大失所望。芒果酸都算，酥皮口感好似餅乾，又乾又硬又無牛油香味，奶黃食唔到雲呢拿香，質地又唔夠滑，好似中式奶黃餡，依家仲賣到$47/件。以前無咁多連鎖餅店以外嘅選擇，所以佢哋態度差都照幫襯，點知今時今日都仲係咁，黑面依舊完全無變。依家無論味道、賣相、服務同價錢都唔掂。如果諗住食老本唔知可以再捱幾耐，拿破崙係佢哋嘅招牌都可以咁差，雖然前前後後都幫襯左10幾年，我估我應該唔會再試。

純粹路經，朋友話有間隱世餅店，又去試吓。叫咗佢個70度朱古力卷同埋拿破崙餅。老實，合格嘅，但未至於 wow 一聲，亦都唔會想買第二次。70度咖啡卷，我覺得味道可以，但係好似有少少放得耐咗。拿破崙比帝苑淘爭好遠，態度一般，有啲招積，唔知點解？難道真係佢覺得自己隱世所以好勁？ 😝

Mimosa Patisserie🌿餐廳位於天后街坊商場，如果唔係專程去買蛋糕，一定唔會留意到呢個半死商場😂 不過就非常近地鐵站🚉十幾年前，拿破崙係香港未係好普及嘅時候，呢間餅店已經做緊💾 主打3款口味嘅拿破崙，包括芒果、士多啤梨同朱古力；另有多款芝士蛋糕、慕絲同埋蝴蝶酥、曲奇餅🍪芒果拿破崙🥭草莓拿破崙🍓70%朱古力拿破崙🍫買左當日即食，酥皮好脆，吉士醬份量都充足，不過可能因為吉士醬偏甜，對比之下芒果就比較酸😖另外就係店員嘅態度就麻麻地，一推門入到餅店，已經俾店員一句「要乜？講啦！」嚇親，不過見到網上咁多人讚個拿破崙好食就俾次機會啦🧐 可能的確經營左一段長時間，蛋糕吸引左一班熟客，唔太憂做掛🙈雖然買滿$50可以扱一個印花，10個印花就可以當$20用，不過都未必有下次了🤧