3
5
2
2-min walk from Exit A, Quarry Bay MTR Station
continue reading
Opening Hours
Mon - Sun
11:00 - 21:00
Above information is for reference only. Please check details with the restaurant.
前排一直話試洪瑞珍，唔係排隊就唔就腳！今日在鰂魚涌收工，見到有，唔使排隊，貨源充足，就入去買來試下，其實呢邊係封條巷仔嘅舖，一個雪櫃一個店員，尚算整齊，入去係買凹蛋糕，五種味道，問店員意見，揀了大路嘅蜂蜜，7吋唔大，要雪藏，再見到有洪瑞珍，揀了3款，店員好好笑容，又Nice，包好就比錢走人！回到家晚餐後，打開蛋糕盒，造型古怪，凹咗好似池塘，貼心地比埋刀叉及紙碟！四人分！唔知係唔係解凍唔夠，所以唔流心，外圍蛋糕較乾，中心蜂蜜餡又實！雖然味道唔錯，但口感一般！三文治做了早餐，獨立包裝，膠紙再包紙，唔會失去水分，所以麵包仲鬆軟！我食原味，同普通火腿治差不多，火腿也不特別，特別嘅醬料，但食落又唔特別到令我驚喜，只係有啲似千島醬，酸酸地幾開胃，唔值$25一份！祈望過大！有少許失望！
continue reading
從鰂魚涌站出去過條馬路，walking distance 5分鐘。分左右舖，右邊賣甜品，左邊賣三文治。到達時，星期六下午二時。看玻璃廚窗，貨源充足。選了三款：原味、滿漢、全麥。原味：包非常薄、火腿和蛋更薄、比紙更薄。重點是個 cream，好甜好 creamy，喜歡的人會好喜歡，相反唔 like的人會覺得好漏。風一樣的包，食左好似無食。全麥：是麥包，比較鞋口，白包感覺比較好。因為內涵真係太薄，其實食唔出有乜分別。重點都係個 cream，好 creamy。整體上：試過了就算。
continue reading
為左洪瑞珍三文治, 我地特登早左5個字起身買~唸左好耐終於買左一個草莓醬三文治~裡面有2層的草莓醬, 中層有一塊芝士, 奶油非常豐富, 不過草莓醬好甜, 令個三文治變成甜中帶咸, 感覺好怪... 奶油雖然CREAMY但有D漏, 麵包亦不見得比普通香港既包包好食, 而且凍冰冰...我都係覺得香港新鮮熱辣辣既三文治比較好呢~
continue reading
數月前，全港唯一一間代售洪瑞珍三文治的零售店－Honey Granny鰂魚涌分店，曾引一陣狂購潮，因為不定時供應，而且限量發售。依然記得，那個時候在公司內某一角，偶然會有喧嘩之聲，就是因為有同事買得到，慷慨分吃。事別多月，上班時遠看店舖，見有大招牌，似乎現在長期發售。今日在好奇心驅使下，終於走到店舖門前，現在不只天天有售，貨源充足，而且尚有連飲料的早餐優惠。三文治每份$25，早安孖寶套餐包龍眼蜜糖水一杯售$28，當然後者更化算。選擇白土司滿漢口味，餡料有火腿、蛋丶芝士丶美乃滋及鮮奶油，我認為是六款中最豐富的。組合是兩份三文治重叠，重叠中層餡料最豐富，見有芝士、蛋及火腿，而本身上下兩份三明治的饀料只有一片蛋。正如所聞，餡料的蛋片丶火腿片及芝士片皆非常薄，估計各只有1mm厚度。中央最豐富，多層餡料合計也許有5mm，而且新鮮奶油就在此。吃一口，麵包軟棉順口，火腿蛋芝士之味輕描淡寫，跟美乃滋及鮮奶油配合融洽，最出衆的是嚐到甜甜之醬味，果然與別不同。早上配合純正龍眼蜜糖水一杯，滋潤甜美，非常合適，美好的開始！意猶未盡，翌日再光顧，試另一口味。仔細閱讀款式，其實差不多，也許果醬味道會有些不同，選了橘子。饀料是簡單的橘子醬丶芝士及鮮奶油。味道方面，不及滿漢豐富，嚐到主要的是甜甜酸酸的橙醬味道，都討好，但跟家中吃的牛油果占三文治好不了多少，只要買一瓶靚果醬，例如是文華酒店的玫瑰醬便可比下去。洪瑞珍三明治並非最好，但確實美味，水準與其他預先包裝的貨式比較，絕對優勝。排隊搶購不值，但可以舒適購買，值得一試！
continue reading
喊面篇: 洪瑞珍三明治之: 經過Honey Granny經常被貼在玻璃窗的超大字告示吸引: "洪瑞珍三明治~~~售罄"...咁巴閉?! 未食過但睇過某雜誌"煲"佢個美乃滋醬好正....搵日有機會試試先. 今日放lunch唔太餓, 急急腳走去睇睇有無緣份? 見到貼著三明治又到了貨, 正所謂手快有手慢無, 一於買份試試先, Let's Go, go go go~ 鋪頭是我第一次幫趁因我不喜咬蜂巢, 咁我無理由用$35元買一杯我不想食的東西為了要試新吧? 所以此店開張至今一直無幫趁; 今日一入店, 年青的妹妹仔店員態度良好的招呼我, 知我想買三明治就向我提供餐牌並告知好幾款例如最受歡迎的Original已售罄, 無問題, 我根本是為麥包而來所, 既然有, 就來一份吧! 盛惠$25元!一見到包裝, 感覺良好, 有點期待, 開餐喇~一打開, 咩都薄薄的, 唔係呀化? 與之前同一條街出晒名啲餡料薄到癲, 成為一時佳話(去年已執笠)的"明記"比, 真是不相伯仲...有些少不安的預感~ hey, 試咗先講啦! 但好可惜...果然不出所料, 咁薄的料真係唔慌好食, 好難有例外! 火腿? 太薄而且食唔出有幾正; 美乃滋醬喎: 唔講我真係唔覺有咩醬, 當然食唔出有幾滋味, 失敗! 面包...真係Sorry, 只可講麥包無麥味, 唔鬆軟就預咗, 失敗中的失敗! 我唔知白麵包original會有幾fluffy, 但個人認為呢份三明治, 名氣大於一切, 事實係差過去海光商場入面任何一間朝早賣果汁的店舖order一份即制三文治, 當然亦差過隔兩個鋪位的東海堂朝早即造的熱辣辣三文治, 因為大家都至少贏在"新鮮熱辣軟熟", 贏晒! 更莫講話我去開"聯發"食Mr Tang 的人氣招牌雞蛋三文治, $18蚊份可能都有人嫌貴但同洪瑞珍$25元比...已經平妳三份一, 人家蛋夠滑份量又夠多夠厚, 麵包好鬆軟正正話到俾人聽咩叫fluffy! 無需那pat薄到食唔出的美乃滋醬去點綴聯發又贏晒! 咁點解仲要羊群心理, 買一份坐過飛機的三明治??! 貪佢有名氣夠貴? 好奇心害屎貓~ 抵我中伏!!! 美乃滋醬喎, 想食的話不如上網找食譜, 很易找到一大堆! 總括而言: 唔抵食唔好食, 無謂浪費quota!注意: 這篇食評的喊面不是俾雪糕的, 而且店員很好, 店舖又裝修骨子幾吸引, 洪瑞珍只是它們的寄賣食品不是Honey Granny自己的問題, 不過賣得, 妳預咗, 要硬食 , Sorry~
continue reading