81
49
34
Exit C3/ E1, Mong Kok MTR Station/ Exit B, Mong Kok East MTR Station
continue reading
Introduction
由模特兒Angelababy經營的主題西餐廳，主打西、日菜式。
continue reading
Good For
Special Occasion Dining
Casual Drink
Opening Hours
Mon - Sun
12:00 - 23:30
Above information is for reference only. Please check details with the restaurant.
Signature Dishes
Recommended Dishes
今次行朗豪坊, 突然好想食西餐, 所以決定去baby cafe 試ㄧ試.店内佈置: 裝修新穎, 環境挺舒服.menu:二人行點咗兩個主菜, 食物質素不錯.選擇亦多. 香蒜白酒硯肉意粉, 好好味, 硯肉大隻鮮甜, 白酒夠濃夠香, 再加上有少少辣, 滿分滿分.wow, 五成熟肉眼扒, 鮮嫩多汁, 每ㄧ口都係幸福. 好想再食.下次西餐的好選擇.
continue reading
諗住黎食聖誕節餐 貴d都冇所謂啦全部個樣都好靚點知可以咁難食waiter仲漏哂單唔知我地食到邊個菜前菜個配搭好怪想整朵花唔一定要用八爪魚唯一要讚既 加左杯紫薯奶昔幾好飲飲品跟餐半價唔算貴個栗子湯都幾好飲個卷勁難食出面個卷餅係凍既煙火雞胸一d味都冇似食緊雜菜卷主菜選左個二人份海鮮盤有長腳蟹、帶子、魚柳、芝士焗蠔、意大利飯最好食係長腳蟹 但都係買返黎XD魚柳有衣既 咬唔開食栗子蛋糕食到雪榚咁既口感薑餅人曲奇1d都唔脆個草莓啫喱正常啦 好難唔好食掛
continue reading
星期日同朋友行街食飯，朋友想食D華麗D既野，雖然我覺得佢華而不實，仲周圍貼晒ANGELABABY D相唔知仲想點咁，不過我最後都入左去。叫左兩樣野，一人一樣。鵝肝併牛柳伴薯條：鵝肝厚身外脆，但內部有少少楂。牛柳中規中舉。薯條過油。南瓜汁鯖魚意大利飯：比像中好食，個飯杰度OK。鯖魚都OK香口。總括，味道尚可，份量偏少，適合細食及相機食先人士。
continue reading
本身想同我bb食平安夜晚餐,點知伏到hihi重點係 餐牌既野同你現實中出現係你面前既 係天堂同地獄既差距首先尼既係八魚加幾條菜 d菜一食就知吾係高級野 再加d前菜已經廢到吾記得係咩 百佳d菜仲好食過佢主菜1 :威靈頓牛排 咁呀首先個侍應問要5成熟定全熟，好自然就叫5成熟。黎到果陣一切唔係好對路 好鬼硬，望真啲原來全熟黎,無咩味同hai,個廚師well done! 無幾耐隔離台都係同一情況主菜2: 吾知咩咩咩再加意大利飯個飯有怪味 d肉好hai 有chiu口 仲有d脆脆 食完都覺得自己吾知食左咩 究竟個廚師係咪無味蕾同埋連睇火都吾識睇 d肉hai到我口痛如果我係baby 都應該會做下少奶 吾會帶王耀明過尼食飯 點都好 我覺得最好食係甜品舊士多啤梨
continue reading
1881 views
Angelababy因認識「一壽司」的老板而促成誕生這間“baby café”。在2011年開業至今曾經風靡一時, 可是現今只餘下旺角及屯門兩間餐廳。Angelababy 長相標緻, 事業得意, 又揾到過好老公黃曉明, 生活無憂。她的命真好, 令不少女人對她羨慕又嫉妒。每次經過以她為主題的“baby café” 都會被她的超大poster而吸引。相隔4年今晚再次光顧。餐廳以黑白色簡樸的法式設計為為主調, 型格中帶點浪漫味道。貴為Angelababy主題餐廳, 店內當然有少她的屑象。牆上掛上不少電子畫框, 每張都是由香港著名攝影師夏永康親自操刀拍攝的Angelababy照片, 令顧客猶如置身Angelababy的私人畫展攝一樣。餐牌當然又是Angelababy。可惜我不是她的粉絲, 少了一份朝聖的感覺。“baby café”的食物以西餐Crossover日式料理的爲主。價錢在朗豪坊中的西餐廳來作比較, 價錢尚且實惠。這裡食物選擇多, 令人難下決定。最後選了包羅萬有的2人套餐$398。<藜麥海鮮雜菜沙律> 最近被聯合國認定為唯一的完美全營養食品，它含豐富蛋白質、氨基酸、鐵質、維他命B、鎂及纖維等。此外，藜麥與三文魚同樣擁有豐富奧米加3，可降低血壓和膽固醇，對維持心血管和心臟的健康很有幫助。最近不少餐廳都加入藜麥在菜餚中。這個沙律同樣加入了藜麥, 藜麥其實是種子因此在這沙律中不容易被發現。藜麥口感像芝麻，帶淡淡堅果味, 混入沙律中完全感受不到。這個沙律份量多, 裏面有不同的鬼佬菜, 顏色翠綠新鮮多汁。選用醋汁, 味道酸味味真令胃口大開。另外沙律內有些海鮮: 蝦、青口及墨魚仔。可惜這海鮮完全沒有味道, 把原來健康又清新的藜麥雜菜沙律破壞了。<酥皮焗松露磨菇湯> 酥皮焗得金黃, 外形似粒磨菇。輕輕地叉開酥皮, 松露的香味湧出來。雖然只在湯面上放了少許的松露, 但它的香味認真厲害。磨菇湯味道中規中矩, 可能不是我喜愛的磨至粒狀的口感。幸好湯夠熱, 已經不錯。<黃金焗生蠔> 以為2人餐只有2隻生蠔, 竟然有4隻送上, 而且幾大隻, 真有驚喜! 表面芝士焗至金黄, 生蠔大隻咬下去厚身而且幾juicy。芝士下的blue cheese酸味味, 令這個焗生蠔生色不少。<鵝肝伴牛柳> $398的2人餐竟然有鵝肝及牛枊, 真是抵食! 雖然平價套餐, 但食材絶不馬虎。這個鵝肝多士, 鵝肝厚身又大件, 兩面煎得香口, 咬下去未至於鵝肝油滿溢及入口即溶, 但鵝肝味尚且香濃, 絶對對辨。牛柳厚身, 肉紋清晰可見, 賣相對辨。切下去沒有難度, 咬下去肉質尚且嫩滑又不嚡口。比較剛剛在“metal steak”食過2百多元的安格斯西冷扒相比, 令人意外的“baby cafe”這平價牛柳的牛肉味更濃厚。另外每款主菜都有翠肉瓜、黄瓜、黄胡瓜及菇, 又大件又厚身。表面輕輕的烤過, 味道惹味又健康, 食完,牛柳及鵝肝後再食這四瓜菜可以消消口中的油膩感, 店方真細心。<法式野雞仔配海膽意大利飯>法式野雞仔配海膽意大利飯。餐廳的一貫作風，菜式的擺設非常漂亮，拍得住高級餐廳。再次印證了baby cafe 的宗旨，必須配合老闆之一 Angelababy 一貫的漂亮優雅。除了賣相之外，其實菜式配搭非常平均，有肉、有飯、有蔬菜。蔬菜是三片三色瓜加一片菇，和另一道主菜鵝肝伴牛柳一樣。不清楚為什麼稱為法式野雞，如果真正採用法國入口的冰鮮有機穀飼雞，整個套餐的價錢應該只能夠order這一道主菜。但的確只是一隻雞仔，剛好滿足一個人的食量。整隻雞烤得表皮金黃，但雞皮表面卻看不到有任何香草，估計味道會較為清淡。用刀叉將雞仔一分為二，基本上沒有難度，可見雞肉及雞骨相當嫰滑。之後再用手撕開進食，雞皮香脆、雞髀肉軟滑，但雞胸肉則較嚡口。雞肉肉汁稍欠豐腴，可能烤焗時間過久，引致肉汁流失。海膽意大利飯可說最有驚喜。意大利飯的烹煮時間控制得相當不錯，而且飯味濃郁，用了足料上湯烹煮。飯內也混和了許多橙色的海膽碎，用料相當豐富，但這種烹調方法其實浪費了海膽，海膽的獨特鮮味經過烹調煮熟之後，通常都會蘯然無存。這碗意大利飯即使味道上佳，也無法擺脫這個問題，如果直接用生海膽與煮熟的意大利混和，效果可能更好。Baby 三重奏 (+$19)在 Baby cafe，當然要飲杯「Baby三重奏」。單看賣相，絕對值五粒星100分。以綠色為主的飲品，外觀極其漂亮。白色的底層是奶凍、中間深綠色的是抹茶咖啡、頂層是淺綠色的牛奶抹茶咖啡，最上層則是一大抹鮮忌廉。咖啡味道雖淡，但同時又有淡淡的抹茶香味；咖啡與抹茶兩種不同的苦澀味混和在一起，極有特色。至於最底層的奶凍，並不是超甜的意式或法式口味，甜度適中，迎合大部分香港的口味。慢磨萍果汁 (+$19) 最近新興慢磨水果汁, 因為輕輕的壓榨提取出的蔬果汁可以保留水果的原色及百分之百的營養。在The One 見到有間果汁店賣慢磨水果汁, 可是要六、七十元一杯, 太貴。今日在baby café只要多付$19便可以品嚐我人生第一口的慢磨水果汁總算值回票價。等了十五分鐘終於呈上, 嘩嘩嘩! 賣相靚到難以置信, 比五星級酒店更加出色。簡單的慢磨萍果汁, 但旁邊細心的放了杯冰粒, 再加上一件迷你鮮果撻。單靠這出色又細心的賣相, 我已經給它99分!各款菜式皆經過精心的選材及設計，食物的味道不是完美, 但賣相別緻而且份量充足，加上優惠的價錢, 不論是否 Angelababy的fans都值得一試。
continue reading