38
29
10
2-min walk from Exit E2, Mong Kok MTR Station
continue reading
Payment Methods
Above information is for reference only. Please check details with the restaurant.
Recommended Dishes
晏晝食咗太多零食，攪到今晚好夜先食飯，太夜又唔想食咁多，簡簡單單食碗麵就最好喇。經過旺角記起呢間路邊小檔，平日都大排長龍，今晚可能太夜唔駛排隊咁就呢間啦。其實榮園之前我都嚟過，印象最深係佢嘅牛丸同牛腩，周不時經過都同男朋友推介。今日我就嗌咗雙丸河，男朋友就食牛腩河。先講男朋友嘅牛腩河，湯底味濃，牛腩同河粉都一般。而我嘅雙丸河，魚蛋彈牙，反而我最期待嘅牛丸就好差，同以前食嘅已經係兩回事。不過辣椒油係加分嘅，夠香夠辣👍🏻
continue reading
經過「榮園」好多次，每次都係約左朋友食好西，難得今日想簡簡單單食個麵，就黎試一試。店舖係條窄巷，冇咩特別裝修，睇落似8-90年代😌環境坐位不太好，就是要吃懷舊🤣選擇不多，牛腩、淨牛丸、雲吞等...叫左碗牛腩牛丸河，湯底濃郁，河粉幼身，滑滑的。可惜牛腩方面，甘岩俾太瘦既部位我😖有點o鞋，但非常入味。牛丸也不錯，牛味濃郁，彈牙。👍🏼本想多叫一碟油菜，但只有西生菜一款，唔岩口味😆價錢旺角黎講算便宜吧！$38蚊！想簡單快速食碗麵也是不錯的選擇
continue reading
還記得讀中學的時候，每逢星期六、日都會約朋友去旺角網吧打機，打機前或後，都會去榮樂麵家吃個飽飽，十多二十年後的今日，再去這麵檔，點的都是相同的食物－牛根魚片河。味道方面，柱侯腩汁依然是濃郁，簡直令人有種想連湯都飲的衝動，牛根炆得相當夠時間，十分軟腍，連無牙的老人都可以咀嚼，魚片亦相當彈牙。不過，價錢漲了不少，一碗麵雙拼賣三十八元，熱飲加八元，凍飲加十元，埋單落樓合共四十八元，吃一碗粉麵來說，價錢好像有點貴。
continue reading
今晚阿肥話想食粉麵,我問佢去邊間好(?!)佢就話旺角呢度附近有間噏耷舖頭要匿埋喺後巷到食,其實佢一講我都知道係邊間因為我好似有細到大都見到呢間鋪頭嘅存在,只不過係一直以來從來都未試過,咁我就話：「好丫去丫」店舖嘅外觀就肯定係一啲都唔討好㗎喇,招牌又甩晒地方又殘舊,但係呢一切都係香港人辛苦多年經營嘅印記,呢種老情懷亦都愈嚟愈難見......畢竟社會日日都不停咁進步,真係有得試就好試喇。呢度連拎得起手嘅餐牌都欠奉,亦都冇中英對照,只係一塊傳統舊式嘅膠招牌同埋相片搭夠,基本上連個人都未坐低鋪頭嘅阿哥阿姐已經問你要食乜我就叫咗個魚蛋雲吞河粉($38蚊),呢啲傳統麵食通常都係即叫即上,非常快手。河粉白淨幼身,魚蛋白𠽌𠽌,三粒雲吞本身沉底要撈上嚟先見到,湯底本身又好清,成碗野就好似好乾淨咁唔好以為佢哋冇味呀其實個湯清得嚟都會有小小味道,河粉滑溜唔容易斷,可以食到髓髓聲~魚蛋有五粒真心已經算夠多,同埋佢白滑彈牙嘅口感真係好食,平常唔太好鮮蝦雲吞嘅我,覺得呢間店舖嘅雲吞都醃得幾好味,豬肉同蝦肉分明,唔會過咸,冇乜味精。兩樣嘢分別咬開之後都忍唔住影返張相俾大家睇吓阿肥就食咗個牛丸雲吞麵($38蚊),係佢帶我嚟食嘅佢就梗係話正啦
continue reading
成日出街食飯，真係唔知食咩好！我就好鍾意食啲up up dum dum餐廳！因為果個味道真係唔係到到都比到您！呢間我自己成日去食既麵店！係舊啲！但佢夠平夠快！又唔錯！一落單唔夠2分鐘就到啦！真係好快！睇相啦！
continue reading