439
26
13
Exit B, Mong Kok East MTR Station/ Exit A2, Yau Ma Tei MTR Station
continue reading
Telephone
27808399
Opening Hours
Today
17:00 - 01:00
Mon - Sun
17:00 - 01:00
Above information is for reference only. Please check details with the restaurant.
About
Recommended Dishes
朋友話好耐無食過火鍋放題，然後佢就帶左我黎呢度。餐廳係全層，幾大。湯底有三個可以選擇。第一可選雞煲，然後再加清湯打邊爐。第二可揀鴛鴦湯底，第三就係單一中式湯底，而最後我吔就揀左單一湯底打邊爐。火鍋配料擺放企理，有蓋蓋住，飲品任飲，同樣在外面自取。椰子雞湯底：湯好足料，清甜。有椰子、雪耳、紅棗同杞子等配料。新鮮雞分開上，雞好滑好嫩。就算打邊爐打到最後，雞都係咁滑。牛肉：有五款牛，分別係安格斯牛小排、手切封門柳、和牛肉眼嚴選、牛肩胛同埋極上牛板腱。牛味濃，其中手切封門柳比較厚，有質感。食完之後我哋再encore，牛肉送上同樣都係咁靚。海鮮船：海鮮非常生猛，鮑魚同海蝦識郁架，另外仲有珊瑚蚌、生蠔、北寄貝、大蜆、龍躉同帶子。生蠔同鮑魚勁大隻，熟左都唔會縮。所有海鮮洗得好乾淨，鮮甜，正！是日精選海鮮：有大蜆同海蝦，就算唔係海鮮船嘅海鮮，都唔會馬虎。全部都大大隻，食落都係鮮甜架！刺身：款式真係有好多，切得夠大塊，用冰鎮，好新鮮，慢慢食都得。其他火鍋配料：有d火鍋配料要用qr code落單，我哋叫左手打魚同滑蝦滑。兩款都係新鮮手打，味道重，好彈牙。生菜同皇帝菜洗得乾淨，淥完翠綠爽口。甜品：雪糕有海鹽味同益力多味，香港品牌，香港製造。雪條有榴槤味、椰子味同紫糥米味道，呢個係我鐘意嘅品牌。另外仲有糥米磁同細細件脆皮朱古力批，全部在外面自取，食完滿足晒。
continue reading
今日收工同事又帶我去食好西！同事知我鍾意食海鮮又鍾意食牛，話今次帶我去食個放題火鍋包我滿意！首先位置非常方便喺旺角兆萬中心！上到去門口位雖然好細，但係入面非常多座位亦非常舒適！首先全部都係由同事負責點食物，先嚟過麻辣雞煲！店員會有個鬧鐘計時，時間夠先可以食雞！雞件大細適中，味道都好入味雞肉都好嫩滑！當我哋食到咁上下雞，個海鮮盤已經送上海鮮非常新鮮，隻蝦同個鮑魚都係識郁嘅！隻蝦亦都會掙扎😂，另外生蠔唔會大縮水！鮑魚入口非常彈牙！掙扎嘅蝦唔使講一定係新鮮彈牙🤣再嚟送上指定牛肉！因為牛肉任食係要另加錢嘅，但係質素係值得嘅！當我食緊火鍋之際，店員又為我們送上我哋點嘅刺身！首先刺身比我預期中大件，亦都非常新鮮！同其他放題可以比較！因為太多食物，火鍋配料亦都好多選擇，我哋就點咗雲吞，水餃，魚皮餃，手打墨魚滑，同埋蝦滑！我都推薦！另外出面自助配料區亦都好大好多醬料選擇！醬料區對面就係自助食物區都有啲丸類，其他唔同食物可以自己攞！自助飲品甜品區雖然只有兩個雪櫃，但係飲品種類都有10幾種，另外雪糕都係只有兩個櫃，但係選擇都唔少！最後總結！加埋個刺身任食其實最後甜品我都唔到太多！但係如果大胃王係一個好選擇！其實任食和牛，刺身，仲有個海鮮船的話，整個價錢合理，因為海鮮船真係新鮮，另外刺身亦都質素唔錯！下次可以帶屋企啲大胃王過嚟
continue reading
今晚放工約左朋友去旺角食飯，去左位於兆萬中心的壹火鍋。🐥雞煲火鍋火題|🍢任食火鍋配料🥩送極上和牛拼盤｜🐟無限追加新鮮刺身｜🥄DIY醬料區｜🍹多款飲品選擇｜🍦雪糕⋄🛶加💲50鮑魚海鮮船（海鮮市場直送）🤎鮮鮑魚、🦪生蠔、🐚扇貝、🦐虎蝦、海蜆、💛蟶子、🧡珊瑚蚌⋄⋄====—====—====—====—餐廳環境舒適，服務態度也非常友好和周到，賓至如歸的感覺🥰⋄🍲招牌菜的雞煲田雞火鍋，讓人口水直流的美味😍 雞煲田雞煲炒得非常香，調味得直，香辣可口，肉質鮮嫩。加湯後成為火鍋底料，香辣濃郁，配搭多款火鍋配料超正🤤極上和牛拼盤種類繁多，新鮮美味，高品質👍🏻⋄加$50的海鮮拼盤絕對不能錯過，入面有齊多款新鮮海鮮，肥美肉厚，新鮮又好吃，絕對值回票價😜⋄DIY醬料區可以根據自己的口味調配出獨特的醬料，增添火鍋的風味😍⋄🧃多款飲品供選擇，還有雪糕供應，為飯後帶來一絲清涼和甜蜜💕⋄1700-1800 💲189｜1800-1830💲199｜1830-2100💲209｜2100-2200💲199｜2200-2300💲189｜2300後💲179｜小童💲148*入座計2.5小時，星期五六公眾假期前夕每位加$10，加一服務費====—====—====—====—.📌店名：壹火鍋‘📍地址：旺角西洋菜南街1N號兆萬中心16樓
continue reading
難得星期一放假，適蓬有個寒風襲港，最啱打邊爐烚下烚下~~🤓 旺角火鍋放題真係好多選擇，由於唔想食D已經食過嘅餐廳，所以挑選之後，BOOK左呢間位於兆萬嘅壹火鍋。我地食最早時段$189/位，可以食2.5小時。餐廳玩法係客人可以揀1雞煲之後加清湯、2免費鴛鴦中式普通湯底、3一款特式湯底、4加$50百里香牛骨鍋/麻辣牛骨鍋(呢個連埋精選靚牛任食)；除左火鍋外，仲可以加$50任食刺身，又可以加$50食一次性海鮮拼盤，豐儉由人。而我同男朋友都唔餓，所以乜都無加，湯底就揀左沙嗲拼冬陰功。沙嗲湯底少少甜、有花生香，但整體偏淡；冬陰功偏酸，但越食越辣。餐廳提供嘅醬料除左一D常見款外，仲有XO醬、桂林辣醬、皇后同皇帝醬😮入座後職員送上精選和牛拼盤，如果覺得啱食，客人可以加$50/位任點，不過我地覺得無呢個需要，所以無加。呢個和牛拼盤最好味係極上牛板腱，肉質柔軟，有牛香!!😋手切封門柳肉質較實，帶點牛內臟味；至於我自己最期待嘅SRF同安格斯牛小排表現就令人失望😥，前者肉質唔夠嫩滑，後者切到一條條、碎濕濕。部分火鍋配料可以自取，部分就要用QR落單。我個人推介甚少見嘅豬肝，煮完依然帶點爽🤤；洗得乾淨嘅長爽脆鵝腸🤤；唔會好肥嘅基本牛板腱🤤，我叫左兩輪，雖然帶點瘀紅色，不過以$189呢個價我收貨；牛展濃牛內臟味；薄牛舌嫩滑爽脆。是日海鮮係幾大隻下嘅蜆，不過限量供應，我點左4次，但只嚟左2次，共14隻😂。基圍蝦雖然細隻，但肉幾甜。蝦滑同墨魚滑都唔錯，前者食到有好多蝦仁；飲品無而家大熱嘅自家製冷泡茶，不過有啤酒提供，凍櫃、暖櫃同常溫三個溫度供選擇；甜品選擇唔多雪糕係本地品牌COCOBERRY、韓式雪條、仲有雪米糍。整體用餐體驗唔差，食物種類、質素同價錢成正比，無野可以投訴😏。
continue reading
天氣寒冷又是時候吃火鍋了！這裡除了地點方便、有刺身供應之外賣點之一是既可選雞煲 又可以選火鍋 (可選中式湯底、中日鴛鴦鍋或雞煲)而這次我們選了中日鴛鴦鍋 (鮮番茄湯+骨膠豚骨湯)就算選鴛鴦鍋都不用額外加錢👍🏻這裡用QR Code下單很方便而醬料、飲品、雪糕、某些蔬菜和丸類放在自取區域任取餐廳面積其實不大但間隔設計得不錯有部分是卡位坐得更舒服🤩建議大家預約時問問看能不能留座吧海鮮船裡面有鮑魚、生蠔、扇貝、虎蝦、海蜆、龍躉肉、珊瑚蚌和帶子送上來時海鮮還在動 很新鮮而和牛拼拼盤有手切封門柳、安格斯牛小排、極上牛板腱、牛肩胛、SRF和牛非常豐富😋刺身方面選擇比我想像中多有三文魚、甜蝦、八爪魚、墨魚片、鮑魚片、油甘魚、馬刀貝、鯛魚、榮螺片、希靈魚、玉子和蟹棒這間火鍋店綜合來說真的不錯價格不太貴 火鍋配料種類也很多就算大一群朋友一起來也能找到想吃的飲品、雪糕和雪條任食 而且我很喜歡啤酒也可以任飲🍺星期日至四晚上時段$209一人任食雞煲及火鍋加$50可享海鮮船再加$50更可任食靚牛或刺身
continue reading