上海姥姥

Open Now

Now Closed

有時諗唔到食咩，就會屋企人嚟呢度食，醉雞、齋菜、蟹肉魚扒時菜都必叫，醉雞味道濃，雞肉嫩滑，齋菜偏少許甜，入口口感唔錯，幾開胃👍🏻👍🏻而且有份量有分輕盈同標準，可以叫輕盈版當一個開胃菜唔想食炒麵/飯，就叫左個豆腐帶子羹，味道唔錯😋😋銀絲卷/生煎包都不錯😋上菜速度快👍🏻

今日路過見到上海姥姥做緊下午茶餐，好耐冇食過上海嘢，就坐低試吓。下午茶餐有一份主食、一份小食同一杯飲品。價錢就取決於主菜嘅選擇。今次我就試咗姥姥家鄉粗炒+香蒜手工豬肉蒸餃+凍豆漿。姥姥家鄉粗炒比較油膩，餸唔多，味道都香嘅。香蒜手工豬肉蒸餃味道一般，個人覺得過咸餐廳環境都算舒服，員工服務都算唔錯。價錢方面，姥姥家鄉粗炒下午茶餐$78，加一後再加$8茶錢就$93.8 。個人覺得平日下午茶時間呢個價錢，性價比就有啲低啦

今日心思思想食點地道小食，行到上海姥姥，揀咗幾款我覺得好食嘅野。開餐啦，先嚟係皮薄餡美嘅小籠包，一啖一個咬落去，肉汁四射，真係話咁滋味😋，唔係講大話！跟住試嗰個香煎素鵝，外皮香脆裡面又嫩，老實講，個煎功嘅確唔錯。擔擔麵嘅麻麻辣辣好過癮，又唔會太攰，正過六合彩👍！點都少不得嗰個豆沙鍋餅，甜甜地，過口癮就正！生煎鍋貼外酥內嫩，啖啖肉感，相信我，一於一流。今次來食，唔止係填飽肚，仲有種探索美味嘅小確幸😍，每一樣野食都有佢獨特嘅味道。下次有朋友聚會，一定再帶佢哋黎上海姥姥，一齊分享呢啲美味。就算唔飛上海，食味道都可以遊埋一轉，食好西，心情都跟住好起來！🥢🍜🍲

伏……伏……伏……直升機正在降落～快餐質素(上菜速度)、菜館飯店收費。上海X姥幫襯過兩次，食品水平覺得一般般，不過住附近方便又想食上海菜先至幫襯，不過今晚去食發現左一個懷疑情況，上海X姥嘅菜品可能係天意菜(一切都係整定)，事情是咁的……今晚同女朋友去用餐，用手提電話掃QR code落單點左生煎包$41、上海粗炒$82、黑醋排骨$95、醉雞$78另加買一送一西柚茶$26，落完單唔够兩分鐘侍應姐姐就送左一碟上海粗炒上枱，見到碟粗炒蒸氣騰騰咁，但係我就奇怪炒麵點解會咁快炒到出黎，夾左一條食落口，點知條麵個心係唔熱嘅，頂～好明顯令人懷疑(頭盔已戴)係天意菜～然後微波爐叮两分鐘加熱就上枱，真係估唔到洗左$82(未計加一)都懷疑(戴多頂頭盔先)食唔到即炒粗炒，睇住呢碟平時街市收25蚊嘅整定粗炒不期然感慨香港地生意成本高所以所有嘢都應慳則慳，知道左粗炒可能係整定微波爐加熱後，再仔細觀察其他菜品，原來都好令人懷疑係天意菜，所以啲雞口感一般，排骨唔知係唔係即炸，生煎包裡面無乜汁呢啲嘢都係唔洗再講咁多……再上網查返上海X姥原來係「大X樂集團」旗下飲食公司，即時豁然開朗一切都明白曬，完全對得起咁嘅質素咁嘅價

今午,馬鞍山上海姥姥食個午餐.四川松花皮蛋(輕盈)+姥姥手製厚切排骨麵+熱豆漿.四川松花皮蛋(輕盈), 黎咗4隻小鳥蛋.味道都似皮蛋.姥姥手製厚切排骨麵,排骨冇味,可能適合姥姥.麵算正常.豆漿,都是正常.下次,寧可試下其他食店.

下午茶份量雖然唔多，$68蚊呢個價位我以為味道應該有d水準？但好失望，味道真係普通到懷疑人生，唔難食，但絕對唔值呢個價錢。埋單收我茶位錢，再加10%服務費，但張檯你搵紙巾都冇，叫店員拎，佢勁冇禮貌咁拎左一張比我，你冇睇錯，係一張...m記閒閒地都比一疊比你啦...加加埋埋d茶位服務費埋單$80真係笑左，唔講以為自己食左個晚餐

整完牙想食埋晚餐才回家， 即興到上海姥姥，位於馬鞍山西沙路608號馬鞍山廣場2樓269-271B號舖。 餐廳主打上海菜，但種類不算多，點了招牌小籠包$43、 爆汁鮮肉鍋貼$41、 蔥油餅$43、 紅油五香牛肉拌麵配菜肉雲吞湯$72、 家鄉回鍋肉$88、 凍豆漿$19和熱豆漿$19。🥢▫️🥢▫️ ▫️招牌小籠包🫓 ～ 賣相唔算好飽滿，但即叫即蒸，湯汁豐富，幾新鮮。 ▫️爆汁鮮肉鍋貼🥟 ～ 鍋貼的底部好燶，外皮好硬。 ▫️蔥油餅🥠 ～ 香酥美味，做得好清爽。 ▫️紅油五香牛肉拌麵配菜肉雲吞湯🍜 ～ 拌麵都幾辣， 五香牛肉薄切份量多， 配上兩粒菜肉雲吞， 可以中和拌麵的辣度。 ▫️家鄉回鍋肉🥘 ～ 回鍋肉發揮得中規中矩， 唔夠惹味。 ▫️凍豆漿和熱豆漿🥛 ～ 豆漿味道正常。 整體味道普通，但價錢親民😉。 🏷️溫馨提示～ 整個用餐體驗均屬個人分享意見， 只作參考😊。

係馬鞍山附近行完街想食個下午茶，經過見到佢個tea set 幾抵食就入咗去試吓，叫左個排骨拉麵同酸辣湯麵。兩款拉麵都好失望，排骨雖然好大塊但食得出落左好多肉鬆粉；酸辣湯又唔酸又唔辣，只係覺得好油膩唔記得影埋個酸梅湯，酸梅湯都超難飲，真係好失望，完全唔會有下次

前菜- 海蜇：麻油味香濃，件狀比條狀更滿足👍紅油抽手- 肉餃結實多汁；餃皮無鹼水味；紅油雖然唔夠香辣，但慶幸佢無千年油嘅益味🙂豬扒擔擔麵- 豬扒嘅炸粉調味剛剛好：香口唔太鹹，脆口唔油膩😋雖然鬆肉粉拿到肉質有啲淋，但慶幸尚存少少豬肉味🙂紅豆桂花凍- 啫喱凍算係比較硬身，動L動L，切件share都得😁桂花、紅豆味足，分兩層可以一次過滿足三個願望😝作為一餐之結，認真完美😌

烏溪沙一天遊，然後去了個商場，老媽喜歡飲茶， 我去了這裏， 下午茶時間都算抵吃， 一份套餐主食有麵、小食、飲品。都係80元左右， 我們點了酸辣湯麵、 擔擔麵， 嫩雞拉麵 。酸辣湯麵酸辣度適中，這個湯很好飲，擔擔麵辣油另上，麵條又彈牙， 服務員知道我們很口渴， 過嚟加左好多次水。飲品有菊花蜜汽水酸梅湯供應， 一家人吃得飽飽的。

上海姥姥排隊不用取票，直接在餐廳右邊排隊入座雖然隊伍比較長，但都排得快今日超肚餓，所以無等所有食物到齊先影相 🙉招牌小籠包侍應將一籠小籠包放下時，見到湯汁仍然在包皮裏面盪漾所以取出小籠包時，要輕輕用力，以免穿左皮未算最薄，口感 okay，只是肉餡食到最後有少少乾身醉雞醉雞有酒香，但入口不會有好強烈的酒精味雞好滑，少肥，有肉食，有少少鹹味調味斬件斬得好，無碎骨和血塊漏出雞無腥味先係重點鎮店酸菜深海鱸魚menu 寫有一隻辣椒仔的辣度 🌶️但完全不辣，有酸味和少少麻味以這種辣度，下次可以食水煮系列 😎主角魚片，無骨，滑溜隨手筆一羹，全部都係料有薯粉、蓮藕片、豆腐皮、金菇薯粉夠 2 人食豆腐皮偏硬，應該要再煮耐少少(？)金菇的份量都比較少，切得有點碎最後，要了杯凍豆漿始終有豆漿，先有食上海菜的感覺 😌

在網上外賣平台落單時商品寫明是松子桂花魚，送來變左黃花魚，英文單據都係桂花魚。同網上外賣平台理論， 佢話我買的時候係黃花魚，根本就係私自改，黃花魚細桂花魚很多，如果寫明係黃花魚，根本我就唔會order, 根本就係欺騙! 之後佢即時下架，但OpenRice 的圖仍有🥲條魚應該話舊魚橫睇掂睇都冇忽似松子魚，頂多一舊炸魚，冇可能值舊幾水！唔知點解可以賣比人，希望佢真係要認真處理下，希望大家睇左唔好再被騙！

假期與家人在馬鞍山商場閒逛後，👀呢間「上海姥姥」，餐牌內都算幾多款式望落幾吸引。可能係假期關係，所以比較人多，都要等下先有位。👆🏻“嫩雞煨麵”～煨麵不過不失啦…湯就咸咗啲啲，但餸料實在太少喇，好似食齋麵咁！👆🏻“雪菜魚湯拉麵”～湯就比較咸、可能有雪菜關係，餸就多番啲啲啦…都有幾舊“細”炸魚，但係淋嘅冇咩魚味！😬👆🏻“炸排骨”～頗失望，炸粉太多兼外層已淋晒唔脆，完全冇酥炸感覺！👆🏻“古法香蔥芝麻餅”～仲失望、與圖片差好遠，嚟到已經散晒，都係淋晒冇鬆脆，一啲都唔香！總括而言，價錢與食物質素不相稱，又冇咩services (可能人多啦…或者平日唔係咁掛)，都算係頗失望嘅一餐！😐

太太說初一開始在馬鞍山廣場返工～我就過來同她食晏～她說今日要食素～行晒整個廣場～要有位坐又有素食～就來了～我看了餐牌見有素食～得好少款～唔緊要～有得食就得～素菜餃～素菜包～個餡系一樣～味道幾好～陽春麵～素麵一碗～無乜特別～香煎素鵝（輕盈）～外層系脆卜卜腐皮，包住素菜餡料，食落爽脆層次分明~

從來未試過咁頹嘅菜 價錢唔合埋第一 小籠包點解皮咁厚第二 醋一點都唔香 應該用鎮江香醋 起碼味道啱第三 落單時反復同職員確認 蔥油係炸蔥油 亦唔係燒味蔥油 職員確定 但最終發現依然係普通蔥油 唔係成條䓤落去炸 味道極度難吃 加埋豬扒好硬 牙齿差點搞唔掂 第四 標榜自己係上海菜 餐牌出現一堆香港特色菜 幾乎好少上海菜 如果做唔到就 唔好用上海呢個名 關鋪大吉總之 咁貴價錢食到咁屎嘢 極度唔抵 上左自己黑名單 絕世唔會幫襯