越南咖啡室 (Closed)

又到中午時間，突然想食越南餐，座位又很舒服，所以就走進來。越式無骨海南雞飯$50運氣好有例湯~~清淡的給開胃用~~之後飯來了~~雞肉嫩滑，皮不油膩，但飯就很硬，減分不少。黃咖喱牛腩飯 $55椰汁外加上去，令味道很吸引，少少辣但接受得了。牛肉嫩，牛味足。

推薦 下午茶 豬手飯豬手好味好淋次次去都食呢個但海南雞啲肉好鞋，唔建議叫「豬手海南雞飯」..........................呢排少咗好多人食，唔知點解..........................唔洗排隊..........................秀茂坪商場top 2食店..........................都唔算貴，合理價錢..........................

本身覺得呢到既早餐都5差既，所以早餐大多會揀呢到。但係有一個5好既地方就係員工服務太差，送餐時間太慢。員工黑面為主，問多兩句態度更差，基本服務態度都冇好好提供， 不推介

沙爹牛肉潛艇+火腿奄列蛋+熱狗🌭️，肉和香腸都沒有吃，淨係食左個包皮，有牛油的部分除外。本來想食米紙捲，裡面全部都是蔬菜的那種，但它要11am才開始供應，早餐沒有供應，所以最後去到也不知道吃什麼好，便搭著爸媽叫的餐，隨意吃了幾口。#潛艇堡 #越南 #🇻🇳 #越南美食 #越南餐廳 #沙爹 #牛肉 #奄列#omlette

一向都有光顧尼間餐廳，完完全全地感受到尼間野愈做愈差。本人主要都係食豬扒和雞翼為主，所以其他的食品品質我不太清楚。以前d豬扒好食好多，而家d豬扒嘅梳打粉味超重，沒有了本身的豬肉味，肉質比梳打粉𢲡到過份軟身，毫無質感可言。其次，次次食雞翼都炸唔熟。三隻雞翼每次至少兩隻唔熟，感覺蝕曬錢比佢，每隻都食唔到幾daam。

平時上秀茂商場食吓早餐，除左港式口味想試吓其他，都會去一去依間，依間餐廳除左提供部分港式食品之外，當然亦主打各式越南湯粉及食物。不過個餐牌上面嘅選擇就轉換過幾次，愈轉愈衰，新出果d又無乜人叫來食，之前食開有d幾好嘅都無左。價錢雖然仲算平，但食物質素真係每況愈下.......有次叫個早餐，蒜香雞翼+金邊粉，個餐有3隻雞翼，但3隻都雪到霉霉地，1隻半隻有問題都還可以理解，3隻都係咁就真係難以接受，感覺好差。可能主力唔係做早市啦。

今晚細佬一家四口嚟探阿媽,因唔想麻煩阿媽煮餸,決定出去食。呢間越南餐廳,係細佬一家非常鍾意去的食肆,因個女鍾意食呢度嘅海南雞,話個雞皮好滑,所以係一定點啲餸。無骨海南雞,煮得剛剛好,皮滑,肉軟,加上有兩個可以點嘅醬,薑溶+辣辣哋嘅醬,好夾,好味其實想點個蠔仔煎蛋,但原來無咗這餸,於是點咗個無骨豬手,嗰汁就杰撻撻,冇咩味,麻麻3串雞,3串豬串燒,比較咸,但夾碟邊嘅酸蘿蔔,就減咗啲咸味但個馬拉盞芥蘭,比較咸,同個菜抄到有點過熟個菠蘿炒飯,係啲細路最鍾意嘅飯,以前用菠蘿殼盛飯,所以份量好少,要兩個先夠食,現在用碟來盛飯,等於以前兩個,抵食好多總括嚟講,錢價唔平,都份量都還可以

兩條友都番夜 緊係食番個靚早餐先再開工喇平時呢間淨係食過晚餐今次第一次食breakfast嗌左個大餐🖤手撕雞金邊粉 $38!好大碗呀 我咁大食都食唔哂碗粉😂然後配火腿炒蛋 火腿份量絕對不能少看個多士我加左$4轉奶醬多 呵呵呵😝好出色

秀茂坪商場食店唔算多，越南餐廳只得呢間，入邊有好多卡座，如果人數多亦有大圓枱，坐位都算舒適，唔會枱貼枱咁。佢嘅海南雞飯🐔同菠蘿🍍炒飯每次晚飯必選，仲有各款串燒同小食併盤都唔差，價錢一般，唔算太貴。今次就試下呢間嘅早餐，豬扒湯檬粉+火腿蛋奄列+蒜蓉多士連熱飲☕️$36，豬扒都幾鬆軟入味，易咬開，都煎得好香口，多士亦脆口陣陣蒜香👍🏻，呢個價錢係唔錯嘅選擇。

番工經過左呢頭附近，好似都多街坊生意，所以就入左呢間餐廳。🙈平日 lunchtime唔使排隊，即刻有位，坐大枱。meun都係越南野多，又有海南雞飯。午餐都包餐飲，我就叫左個茶餐，包野飲，有omelette with ham 仲有蒜容多士。個豬頸肉湯河不過不失啦，河粉唔算太淋，豬頸肉都係夠味既。omelette反而算係咁多樣入面好食既，好多火腿。而個蒜容多士就夠哂牛油嘞。但唔算平價既，如果下次黎到又唔使排可以去試一次

 香茅豬扒湯檬豬扒香茅味幾出、無雪味；應該係放落油鑊到炸而唔係煎，外表有啲「窿」，碟底都幾油下(好彩有放沙律菜係底濾下油)肉質硬實，但唔韌。 湯檬湯底尚算清，帶少許油檬粉好食！軟得黎帶點兒咬口 越式沙嗲牛肉潛艇超級足料！麵包本身已經好大，大鮮牛肉片起碼有八、九片～牛肉肉質鮮嫩，麵包無烘過但搽左牛油，加埋牛肉汁一齊食，麵包變得濕潤就更正不過略嫌肉汁太多，偏鹹扣分位：潛艇一放落黎我就食，但無論係牛肉定麵包都係凍既之前食過熱既，好味超多 奄列好大個！包住超多火腿絲；蛋整得幾嫩，入面有蛋汁火腿絲就正常。 整體而言，食物質素正常，唔會好驚艷又或者勁難食～其實我係因為佢既沙嗲牛肉潛艇去encore既，可惜今次唔熱 早餐$40包埋餐茶，一個人食完真係飽到食唔落晚餐咁巨型既份量兩個人share都夠

今晚嚟到觀塘搵野食，見到呢間越南咖啡室，有一段時間無食越南野，一於入去試下。入到去見到環境佈置得幾有越南風，屋邨商場嘅餐廳嚟講叫好好嫁啦！叫左兩個無骨海南雞飯，一碗馬拉盞炒通菜，同一杯倒立青檸薄荷梳打特飲。首先海南雞飯嘅飯夠油，食落都有淡淡雞油香，但感覺唔係太新鮮。雞塊其實唔係全部無骨，係大部分，但呢點就算啦，無咩所謂。主角雞完全無雞味，一定要點醬先食到，雞亦唔滑，食落覺得好老。另外，芥蘭菜係就咁水煮，亦係乜味都無。整體嚟講，成個飯，得個醬好食。叫呢個倒立特飲係想試下薄荷加青檸同雪碧嘅味道。倒立除左特別之外，另一用意係避免太多汽水接觸冰，冰溶得太快，一下子溝淡哂。飲落好重薄荷味，同雪碧幾夾，味道好新鮮。但如果怕薄荷果太重嘅朋友應該會覺得太多薄荷味，所以可以成枝汽水倒哂都無問題！馬拉盞炒通菜終於有返驚喜。同平時好食嘅泰國餐館炒嘅通菜好似，味道夠，通菜亦保持爽脆。呢碗菜係成餐飯最好食的！埋單大約一人一百蚊到。

餐廳：越南咖啡室 (觀塘)地址：觀塘秀明道101號秀茂坪邨秀茂坪商場1樓114號舖越南餐廳一向俾人嘅感覺都係比較貴，但係喺小區秀茂坪商場一樓就有一間越南咖啡室，入邊食物嘅水準ok之餘價錢亦都好平民化，尤其喺秀茂坪呢啲貧窮、新移民同長者聚居嘅地方，真係幾吸引人嚟幫襯。2點幾下午茶時間嚟到呢間餐廳，雖然佢已經出咗下午茶套餐，但係午餐嘅優惠原來3點鐘先開始，不過唔緊要啦，冇理由等45分鐘為咗平果幾蚊嘅😂。呢個時候唔算太多人，唔使等位就有卡位坐，上菜嘅時間亦相對較短，唔知係咪因為少人嘅關係，職員嘅態度都好友善同好客☺️呢度嘅午餐四十幾至五十幾蚊不等，由於兩點幾未食午餐都幾肚餓，決定叫個飯嚟食，所以就叫咗個越式無骨海南雞飯，$50送例湯仲要送熱飲，都真係幾抵😍海南雞飯嚟到，第一個比我嘅感覺就係「又話無骨嘅，點解好似普通嘅切雞咁有骨，仲要幾多添😅」，不過算啦我又唔係無牙，學朱咪咪話齋比多少少牙力去食就搞掂🤓雞嘅份量唔少，大大小小都有十舊八舊，而飯好明顯都真係雞油飯黎，都幾吸引🤤仲有唔少蔬菜伴碟，真係唔話得。雞都幾嫩口，都有鮮雞味，不過就凍凍地🙈飯都唔暖嘅，有少少感覺好似放左一段時間先拎出黎咁，不過就

行過附近搵食，朋友見呢間裝修都可以，都幾好坐，就入咗去，我叫咗個越南咖哩雞飯，嚟到個賣相都可以，點知再睇啲雞就知中伏，佢係用啲煲完湯嘅雞殼，一啲雞皮都冇，完全冇味，極度之嚡口，size仲係個雞殼一開四，都唔做樣斬細件啲俾你，我平時煲湯都唔會食湯渣雞殼，我習慣就算食物質素差啲我都唔會嘥嘢食晒佢，但係我今次真係一嚿都食唔落，最後只係用咖哩汁再加幾塊菜餸飯，佢成個餐都收成$60幾蚊，仲衰過啲連鎖快餐店，其實用雪藏雞翼雞脾成本都好平，唔洗做到咁盡掛，以後都唔會再去

今天因工作關係去到秀茂坪商場,通常做了整天工作,我都唔會去連鎖店用餐,因為太累,唔想自己排隊,叫餐,等餐,捧餐,搵位等.周遊整個商場,選擇不多,但到處都很多人,要等位排長龍.為了方便,所以去了越南咖啡室,可以按機取票,等一會兒入得.坐低望望餐牌,一個人都是吃碟頭飯,或河粉比較合適.河粉有套餐,連飲品,價錢不算貴.但是,工作累人肚餓,所以叫了越式鮮蝦炒金邊粉,再加一杯椰汁冰.金邊粉到了,蝦尚算多,鮮不鮮,則可討論.碟粉沒有花生碎,少了種脆口,稍為可惜.粉有點辣,但不算好辣,可以入口.不過,最奇怪是配少少菜,當做沙律?為了"有營"?我通常不吃這些配菜,很怕它放了整天,不知衛生不衛生.為此,建議餐廳不如用花生碎換走這少量菜更好吧.椰汁冰,是汁不是沙冰,普通,不值一提.值得一提的是餐廳的裝修,油紙傘,草帽,再加上一輪單車.可能老闆認為這是越南特色:三輪車夫嘛,梁朝偉都拍過的戲.然而,真的嗎?若單車換上鳯凰牌,立即變成中國特色啦,是我想像力豐富了.埋單$114,食物普通,但買過想像,當睇了齣戲,略算合格(不過我會曲線比佢環境5星滿分既!!!!)