紅椰樹 (Closed)

老闆舉家移民，將舖頭讓比朋友，所以以後無得食依兩個招牌菜啦😭祝福店主移民之後順順利利啦海南雞飯雞肉好滑嫩🐔，份量都唔少，仲比咗超級多飯，加埋食海南雞飯必備的薑蔥同埋 甜辣醬，不知不覺就食晒啦。個餐配咗個湯，裡面大大舊蘿蔔，真材實料窩。而且個湯唔會好鹹，唔會飲完好口渴。海鮮喇沙🦑🦐🍜面底係正宗油麵米粉兩溝，依個組合試過一次真係返唔到轉頭。海鮮喇沙配料好多，有蝦，魷魚，蟹柳等等。兩個餐都大分又抵食，良心價啊！😏外賣仲好貼心咁分開湯同面，就唔怕啲面淋晒啦！另外兩個飲品都好清新😘我最中意就係杯青檸梳打水，好清新！

今日Lunch 經過觀塘東廣場覓食時，同事話不如試Red CoCo 紅椰樹！聽説喇沙好正👍🏻紅椰樹近東廣場正門入口（KFC 隔離），小店內有三張檯，見外賣的人多，我和同事就決定堂食🥶但就聽到老闆說，因為移民，所以只做到這個月底（10/30）😫😫😫好可惜，之後又少咗一間好食又抵食嘅喇沙店了😶紅椰樹是馬來西亞菜式，有泰，印等...招牌海南雞飯，雞和油飯的份量不少，油飯粒粒分明，很香而不會油膩！雞肉全部去骨而且肉質很嫩滑，雞皮又薄不太肥，所以我可以連皮全部KO😝超級喇沙，嘩..很豐富啊⋯⋯有蝦，蟹柳，八爪魚，蜆肉，魚片，魚肉，半隻蛋等！湯底香味濃郁又滑，麵底是油麵和米粉，雙重口感😋😋不經不覺連湯也喝完🙈🙈泰式金柚蝦沙律，酸酸甜甜很惹味開胃，柚子份量也很足而且有2隻大蝦啊！$45 抵👍🏻

今日去觀塘東廣場搵嘢食，見到有間食越南嘢叫紅椰樹，就去試下個下午茶。叫咗扎肉濱海同埋熱雙檸水，個扎肉濱海真係好fresh好有越南嘅特色。濱海係用蝦片做底上面鋪滿扎肉、乾蔥、同埋檬粉再配上特製越南嘅醬汁，一啖一口真係好好味，而且上面又有d花生碎，係我嘅最愛，突出濱海嘅唔同口感，值得推介。而另外個雙檸水真係比起普通簡單一杯檸檬水好飲好多，特別多檸檬嘅味道，而且又甜甜酸酸零舍醒胃。另外臨走order咗豬扒撈檬外賣返屋企食，塊豬扒分量都幾足豬扒大大塊 ，而且炸得好好味。檬粉就冇味精湯底喺入面 ，清清地好有健康嘅感覺，最緊要個檬粉夠爽滑， 外賣攞返屋企食個質素都唔差。

第二次食呢間馬拉菜，今日早收工食個下午茶先😋。.🧄越式濱海 $48呢款係只限堂食嘅越式特式小食。蝦片上有米粉、扎肉粒、蔥碎同炸蒜，口感夠層次。每一個蔥怪都會鐘意呢個小食😚。淋上酸酸辣辣嘅特製醬汁，米粉變得濕潤之餘味道更豐富。.🍞咖央多士 $22多士烘過底，香脆可口。椰漿、班蘭味平衡得好好，清香唔會死甜。仲要有一大片牛油，雖然好邪惡，但同喺馬來西亞食到嘅好似🤤。.☕️熱蘆薈茶 $15紅茶配上大量蘆薈粒。味道溫和得嚟好滋潤。.🌴紅椰樹 (觀塘)觀塘成業街7號東廣場地下G9號舖

3點3⏰係時候食個下午茶relax吓！.紅椰樹主打星馬菜，下午茶都以輕食為主，今次食咗咖央多士同扎肉濱海，值得推介👍🏼.🥢咖央多士多士餡料豐富，咖央醬同鮮牛油各有自己嘅香味，配合埋一齊食又幾夾喎！.🥢扎肉濱海賣相好靚，以蝦片做底，鋪上檬粉、扎肉、乾蔥，配合特製嘅醬汁，酸酸甜甜好醒神！畫龍點睛加上花生碎，口感層次更加豐富！.🥤椰青水呢款泰國進口嘅椰青水，飲落有椰果肉，係幾好飲喎！▪️▫️▪️▫️▪️▫️▪️▫️▪️▫️▪️▫️▪️▫️

這天又要離開了我的港島區，這天到達的地方就是觀塘，這個香港的小舊區。 一般來說我在觀塘這個地方也會選擇前往工廈， 但這天我們找到了這家良心小店。食物方面， 我們點選的當然就是下午茶，印尼炒麵， 內裏包含的配菜有椰菜，甘筍絲和冬菇絲。 味道方面，即叫即炒，鑊氣十足，最重要完全不油膩，味道還真不錯 。雖然無法外出去旅行，但在這裏可以吃到這個充滿特色的印尼炒麵，還算不錯。另外，我們還點選了 香茅豬扒配椰漿飯。 豬扒即叫即製 ，內裏充滿肉汁，但我最期望的就是椰漿飯， 椰漿味極度香濃， 但完全沒有飽飽濟濟的感覺。看到圖中的五個字， 心存感謝。

東廣場食肆林立， 唔同種類嘅菜式都有， 今次食嘅呢間係主打馬來西亞菜式。今日同同事返office食，所以決定叫外賣，店員幫我嘅食物pack得妥妥當當，返到office都冇漏汁。我點左咖哩雞配椰漿飯，＄60， 濃厚咖哩汁配搭椰漿飯， 喺一個絕對唔會錯嘅配搭； 馬拉式嘅食法， 當然要有秘製辣椒醬，魚仔，花生同埋雞蛋， 直接呈現東南亞嘅賣相同風味。跟餐仲有個湯送，非常超值。同事點左咖央多士，＄22， 咖央醬汁絕對落足料， 夾埋嚿牛油食雖然邪惡 ，但絕對唔會後悔。另外加個印尼炒麵，＄38，有d似平時食嘅素菜炒麵，幾易入口。跟餐加＄10轉支裝椰青水，之前去泰國都飲過，是個好東西。

今晚接完女朋友收工，我地係附近簡左間馬來西亞餐廳叫左兩份外賣返歸食飯~經濟高質馬來西亞菜-紅椰樹豬扒撈檬$55有別於市面上肉質較鬆散既口感，佢地用廚家既做法，肉質十分厚實又十分香脆👍另外，佢地提供既酸辣汁十分開胃，撈檬粉食一流😙特色牛腩椰漿飯$65腩汁味道好香濃，撈埋佢個極香濃既椰漿飯一起食，味道好夾bo😳👍牛腩都煮得好入味👍正啊～

有時候忙都好😩都要充充電先🔋就去咗紅椰樹 食個實惠下午茶🥢.札肉濱海🇻🇳脆脆嘅蝦片上皮加上凍檬粉🦐表面灑上乾蔥碎、蔥粒、扎肉粒🐖花生碎🥜然後再淋上秘製酸辣汁🌶香口爽滑🤤.印尼炒麵🇮🇩用咗冬菇、甘荀同椰菜🥕連埋自家製印尼調味醬料加入麵條一齊炒🔥炒得好夠火喉👍🏻食落唔會好乾身😉而且真係同平時食嘅炒麵真係好唔同😋.咖央多士🍞多士每面都搽咗層咖央😗然後再夾住 2 塊牛油🧈香甜嘅咖央配上半溶牛油😈多士又烘到香脆😆好味道.熱蘆薈茶🌱真係第一次飲😳甜甜哋帶少少蘆薈嘅清香☺️仲有好多粒蘆薈.熱雙檸水🍋偏酸但又有種甜平衡一下😌又係同出面嘅檸檬水唔同😬.熱檸茶🥄個人覺得茶較同檸檬融合得好啲🤔飲落比較舒服

東廣場出名多野食，成日都見到呢間舖小小的馬拉餐廳，平日店少少都廢事坐低食，今日終於有機會外賣試試佢。叫左1.特製牛腩配椰漿飯+湯2.家鄉米粉+蘆薈茶1. 椰漿飯係比較小見，但非常出色，食完好有去左旅行既感覺。牛腩入味好淋，仲有紅蘿蔔同薯仔。飯既份量部門男士可能唔夠，唔知有無得加飯。2. 唔好以為係香港特色早餐炒米粉，一打開有香料味，雖然唔記得左係咩香料，但係好夾。服務非常貼心，紙袋會叮好，又包好膠袋，唔會倒瀉。

🔸印尼炒麵 $38🔸香茅豬扒拼香茅雞翼飯 $48-自從開始喺觀塘返工就試咗好多附近嘅餐廳，實在有太多好嘢食了，等我慢慢逐間向大家介紹啦！今次呢間係平靚正之選，仲係良心小店嚟！平時忙得滯唔夠時間坐低慢慢食就會買個飯返去食。午餐只需要$48，大大盒飯配多多餸，今日食咗豬扒拼雞翼飯，塊豬扒大過手掌又有啲菜食吓健康啲，仲送多碗例湯𠻹！有時等到好晏先食飯嘅話，買下午茶就更加抵，$38就有個印尼炒麵，用三種新鮮配菜炒成：冬菇、甘荀同椰菜，仲送埋嘢飲。特別推薦大家飲雙檸茶，激酸開胃消滯，正！

呢排堂食都有小小擔心，所以lunch hour都係外賣返公司食，今日係公司附近搵左間東南亞餐廳，疫情下冇得執旅行，唯有食下港版頂住當先啦。去到睇店舖雖然唔係好大間，而家又淨係做外賣，不過味道真係幾唔錯嫁。咖喱雞配椰漿飯 $60 (送中式靚湯)雞件比又濃又香既咖哩浸住，椰漿飯加埋秘製辣椒醬同D配料一齊食，真係好好食。飯入面仲有埋蕃茄、青瓜、蛋，食食下濃味既咖哩雞再食下D fresh D既配菜，真係幾唔錯。中式靚湯就跟餐送，好足料。札肉撈檬 $55扎肉絲好厚好足料，加埋D配料，青瓜絲、蘿蔔絲等等，酸甜汁用紙杯分開左裝，食既時候倒落檬粉到一齊撈，再加少少青檸汁落去，清新得黎又開胃味道都唔錯。 咖央多士特別推薦，超級好食。椰青水(枝裝) (跟餐+$10/枝)好重既椰青味，仲有粒粒椰子蓉，好飲。Overall黎講，都幾抵食份量都唔錯，久唔久食下東南亞菜止下癮。同埋外賣拎到返office都唔會難食左。Very Good!

天氣又悶又熱，諗落極似東南亞，不過疫情搞到出唔到埠，想食返正宗椰漿飯，唔通真係無計？好在朋友知道係觀塘東廣場有間紅椰樹，做椰漿飯好出色，晚餐就特登來食呢個。原來呢度係一間小店，本來諗住坐低慢慢揀，但因為無堂食只可外賣，店員禮貌解釋，而且好有耐性介紹食物，最後點左以下三樣：特色牛腩椰漿飯咖央多士印尼炒麵特色牛腩椰漿飯材料十分豐富，配料花生小魚充足，配著飯就正宗一流，而且飯有淡淡椰漿味，又滑又棉，而牛腩燉得好腍，而且都好多塊，足夠餸哂成個飯。另外印尼炒麵及咖央多士都係下午茶餐，印尼炒麵以素菜為主，有椰菜、冬菇、甘筍等等作配料配油麵，岩曬食素的朋友，而熱辣辣炒得好夠火喉。咖央多士就外皮旱得又脆又香，餡都厚厚的，真係如同一塊厚多士，邪惡得來又忍唔住食。呢個馬來西亞餐都算正宗，下次限聚令放寬d,真係會再來堂食慢慢試埋其他美食。

觀塘既東廣場有好多美食小店，今次就去左其中一間小店紅椰樹買野食la😋店舖雖然細細，宜家只做外賣，但係味道仲係好掂😘為食餐單: 扎肉撈檬🥗 $55好多厚切既扎肉絲🥰加埋青瓜絲、蘿蔔絲、香蔥、花生碎、肉碎、酸菜等😍酸酸甜甜上湯用紙杯分開裝，食既時候先倒落撈檬一齊撈，再吱少少青檸落去，好清新開胃又好味，我最愛食撈檬了🥰咖哩雞配椰漿飯🍛 $60(送中式靚湯🥣)咖哩雞有好濃郁又香既咖哩覆蓋住🤩椰漿飯配上秘製辣椒醬、花生、魚仔一齊食，係最正既椰漿飯食法😝仲附有新鮮蕃茄、青瓜、蛋，食下濃味咖哩雞再食下fresh既配菜，好襯🥰中式靚湯隨餐附送，飲落無添加味精，係老火靚湯，仲有粟米、蘿蔔等湯料俾你咬下添🥰椰青水(枝裝)🥤 (跟餐+$10/枝)Thai Teh Coconut Juice係香港好少有得買既椰青水，依度竟然有啊😍好香好香既椰青味，仲有粒粒椰子粒，清甜又有粒粒咬下😘

🤗又係lunch 時間揾食，原來東廣場有一間馬來西亞餐廳，未試過梗係去試下先🤗💛扎肉撈檬 扎肉撈檬係夏天食本身已經加分，加埋魚露，清瓜等配料，係咁熱嘅天氣食會令人特別開胃💛牛腩椰漿飯 第一次試椰漿飯配搭牛腩 感覺好新奇 ，估唔到都可以match 到 ，牛腩整得好彈牙 唔會難咬 呢方真係加分 另外又送一碗湯 椰青水 雖然只可以外賣 但佢係即叫即整 拎到翻公司都唔會凍曬 絕對值得返轉頭食紅椰樹 (觀塘)觀塘成業街7號東廣場地下G9號舖