52
7
4
5-min walk from Exit B2, Kwun Tong MTR Station
continue reading
Additional Information
脆皮糯米雞及冰醉瀨尿蝦需要早三天預訂
Opening Hours
Mon - Sun
12:00 - 21:00
Above information is for reference only. Please check details with the restaurant.
夠火喉嘅嘢先至好食，始終陣味係正好多。好似炒菜甘，雖然油，但係味道十足。自己屋企整係永遠炒不了。涼瓜炒牛肉--涼瓜我好喜歡食，呢到嘅涼瓜不是太苦，有點甘。而且炒到好爽口，岩岩好。牛肉就係經梳打粉整理過，質感係唔同左。但一般出面食都難以避免，我明嘅。豬潤浸時蔬--經個朋友先知道原來呢個菜係上一輩嘅人好中意點嘅菜，但依家已經好小出現。味道清清甜甜，豬潤爽口。菜脯豆角炒蛋--本身想食芙蓉蛋，但係無，食番呢個家鄉炒蛋，味道都幾好。加左個菜脯，好有口感，又有d咸香味。唔錯。一個小菜55蚊，仲有例湯同埋白飯，份量都好夠。而且味道好，十分抵食。
continue reading
早幾天剛打了一篇三送飯嘅食評，令我想起這家食堂。雖然一年不是來過很多次，但印象卻好。不常來的原因不是這裡的味道，是因爲公司的人都變了。有點慨嘆，早兩，三年過來的時間，公司吃飯的人總是一伙的。沒有紛期，沒有隔閡，吃飯總是開心，談天說地。今天與我來的都是好同事，但除了我以外，旁邊的人都人去樓空。一大班人吃飯的好處當然是可以多叫幾個小菜，多吃幾個味道。蜆介雞煲--今天最好的發現。平常吃的蜆介都是鯪魚球，而且只是用來沾。今天用來煮雞，而且是用來整小鍋，夠火喉。那種咸香味比起蝦醬更加惹味。啫啫芥蘭煲--覺得更像蝦醬芥蘭。蝦醬味道濃烈。芥蘭質感爽口，有甜味。豆腐斑腩煲--男人的最愛。有幾個男人指明要這個菜，不可不叫。但這味全比其他略為遜色。頭腐味道不是太夠，但斑腩嘅味道不錯，外面有炸漿，內面嫩。咕嚕肉--夠酸，夠甜，入口開胃。肉切成顆狀，外邊微脆，咬落多肉。其實還有一味，金菇肥牛煲，但奈何幾個煲煮出來都十分熱辣。影相的時候都被煙蓋住。而我又想避免成為同事心目中的港女，還是不影吧，哈哈。還不得不提一點，午市套餐，包飯，例湯同一個送，價錢劃一55蚊。白飯仲要係任裝，十分化算。
continue reading
喺觀塘返工, 同事話想搵晚一齊飯局吹水, 有人提議食呢間, 但就要n年前book定位同落定單食乜野, 聽落都幾巴閉!!!我地一行十人，食左好多款招牌菜，包括冰醉瀨尿蝦, 蒜蓉粉絲蒸扇貝, 蟶子, 雞蛋焗魚腸, 招牌三寶(叉燒,鵝腸, 肉餅), 糯米釀雞翼, 八寶鴨等等, 令我最深印象同覺得最值得食嘅, 係冰醉瀨尿蝦, 因為真係好大隻同肉質彈牙, 令人好想食多一隻~其他食物唔係唔好, 而係未至於值得到要登特提早book位同落order食囉, 而且價錢亦唔算抵, 大家食完結論係：唔洗食第二次~
continue reading
來左公司三年幾都未食過呢間野，真係有點兒過份丫。不過覺得要多人來先開心，所以一直無機會。今日6人行，跟同事來試下。原來有午市套餐，都好多款揀。我地一早就book定位同落定order! 唔使驚等位同無得食 同事訂左個咸魚煎肉餅，話係必食。去到，原來得4張枱，3大1小。靚姐拎左湯同飯俾我地，今日係白菜煲雞。湯睇落好清，但都夠火喉。第一個菜，枝竹斑腩煲，個煲上枱熱辣辣的。都幾足料，味道啱啱好。第二個係雞煲，內有豬肝。幾和味 咸魚煎肉餅上場，又係熱辣辣的。唔會太咸，同事仲話食到有甜果添！鮮魷炒西蘭花，無得唔好食啦！沙拉骨，呢個就真係麻麻。太多沙律醬喇！最後係蒜蓉炒雜菜，好大碟，抵食，無炒過龍，好爽脆！
continue reading
同事帶路嚟到觀塘工廈中嘅私房菜，提早好多BOOK位，當晚亦都FULL HOUSE。成班同事擦餐勁，成枱都係餸。不得不提係糯米釀全雞，成隻雞嘅外皮整到卜卜脆，再將糯米釀喺入面。脆雞皮同糯米一齊食，雖然口感好油膩，但非常滿足！黃金蝦炸得香脆，蛋黃味十足，不過人頭一隻唔夠喉。羊腩煲好足料，每件都炆得好淋好入味。
continue reading