囍 (Closed)

以前一直都鍾意黎呢道食 覺得佢地d雞幾好每次黎都係因為想食椰子雞今日再次黎到囍Hey 打邊爐突然發現原來而家 B同C餐唔再有得追加雞覺得好失望 以後應該唔會再黎

午餐去食呢間，響宏利金融中心即係碼頭邊。都算行得遠架，不過貪佢多卡位，開揚舒服唔趕客。一貫打工仔都係襯 lunch time叉叉電架啦，所以我一般都會揾間好坐D，俾我可以脫離現實 45 分鐘。佢餐牌有呢D，其實講真响觀塘區唔算貴，仲要係咁既裝修，算實惠，可惜.......我叫左lunch set 海鮮烏冬，有圖有真相。真係見到都嬲！我都唔要求好好味，但唔該都俾D食得既野人地啦！蝦，一望就知唔食得。青囗，好腥。魷魚，霉的。連蟹柳都好似發曬水咁。得烏冬、粟米同芽菜可以食。但望住果D霉曬既海洋生物屍體都已經飽左。真係嬲 ！

之前有食過兩次對上12月食飯果陣$168已經冇左任叫雞啦咁我同我朋友今日打電話問返做緊$148 同$168既任食有冇得任食雞最後果個聽電話講係有可以任食牛雞豬既咁我地就行過黎諗住食飯啦點知去到阿姐話冇 要得返$198先可以任食牛雞豬咁阿姐話個聽電話新黎咁係唔係就唔知啦但你呃左我同我朋友過黎錢唔係冇 但係條氣就唔順囉咁我覺得就係比人欺騙左囉連一句對唔住都冇 阿姐就咁推我地食返$148 元我真係想講你就算有幾好食都好 我都唔係好想再黎了

建議揀火鍋套餐時不要海鮮，海鮮淡而無味 真係蝦冇蝦味，冰鎮鮑魚沒有味，貝類有沙。 炸蝦天婦羅可一試 ，火鍋湯底ok亦多選擇 ，牛肉質素好 菜類亦多，總括叫肉類絕對沒有問題， 要海鮮配套就不用了

星期日，老公觀塘收工 想打邊爐就見到openrice有哩間係附近，就去試新野！其實都離觀塘地鐵站都幾遠。星期日 8點到，兩個人諗住見舖頭無乜人會安排四人卡位，點知被門口男人安排兩人坐位，問佢可唔可以要卡位，佢話要等。。。除左已留位既，有四張卡位都唔比我地，話如果係要再等。。態度真係差。食物是可以的，雞很新鮮好食，我們點了套餐C。牛和豬就一般，雞最好食！到前不多食完 個收銀姐姐就要我地結賬先，放但張單就走左去，原本我地想比信用卡，到佢黎來收張單時，一句“卡機壞左喎！我地得一部卡機嫁咋！” 我都唔知可以比咩反應佢。。最後都比左現金。總括，我係唔會再黎的。

同班同事約埋去食呢間椰子雞任食火鍋一個人只係88加一真係抵到傻左椰子雞湯清甜雞肉嫩即使咁平亦都有好多丸啊腸仔啊同蔬菜任食選擇好多 仲有雪糕機我諗任食黎講真係好難搵到比呢間更平！

如果想追求一個唔迫，環境唔太嘈既地方打邊爐，呢間「囍」絕對岩哂您心水! 星期六晚8點半前到左店舖，唔洗等位，入面又唔多人，雖然我地得2 個人，但店員安排左個4人卡位比我地，個座位亦都十分闊落，就算坐足4個人都唔會迫。個環境好適合朋友聚會，一邊食野一邊吹水。由於朋友想食牛肉，所以就揀左個B餐(每位$148, 計埋加一就$163), 最經濟實惠而又有牛肉既餐，豬牛雞肉都有。望一望啲湯底選擇，由清淡到濃味既選擇都有，本來諗住安全啲揀壽喜燒，不過朋友想試木瓜椰青水，而服務員都推介話木瓜椰青水都多客人選擇。的確呢個湯底好少見到，咁就試下啦！好快服務員就拎左個煲過黎，開到最大火，話等佢滾左就會幫我地落雞肉落去煮。咁係等待既時間我同朋友就一齊出左去睇下有咩配料拎。基本上見到佢啲配料選擇都幾充足，蔬菜種類幾多，竟然連秋葵都有!其他一啲火鍋料都有：丸類，加工肉類（腸，午餐肉），面類。亦都有煮熟左既食物，好似炒飯同壽司。由於實在太肚餓，先食左少少少壽司頂住肚先。返到埋位，啲湯差唔多滾啦，服務員就過左黎幫我地落雞同埋木瓜湯料，原來喺枱面上既沙漏係用黎計住煮雞既時間，等左大約五分鐘左右就食得。食一口既感覺係：

已經食過囍好多次，今次同同學聚會，又再揀返呢間火鍋店一路都覺得呢到嘅椰子雞煲好好食，而且價錢都好親民，以下係餐牌：$138一人係有豬同限量嘅雞，$148係豬、牛、雞任食。另外出面仲有好多配料任夾，有蕃茄、金菇、不同款式嘅菜，之前有一次黎食過仲有秋葵添。大約7點都仲未有好多人，之前試過如果唔係好滿座嘅話，係唔會計住要你90分鐘就走，可以食到兩個幾鐘。不過今晚好多人訂枱，所以都係要90分鐘食完餐具等等都非常整潔。因為椰子雞出名，所以一黎就有埋沙薑同埋青檸汁，食嗰時記得落呀！我地嗌左$148一人，試左壽喜燒湯底，但因為太咸，所以要係咁飲野，飲飲下都飽。建議大家如果叫都係叫返木瓜椰青湯底，煮雞真係非常好食！雞件任何一部分都好滑，正！醬汁選擇都非常多，有齊炸蒜，普通蒜，七味粉，蔥，辣椒，麻醬等。呢到仲有好多得意小食，例如呢個就係綠茶麵，其實食落去唔算好有綠茶味，但個樣都幾靚幾得意計埋加一，每人都係食左163蚊，價錢唔算好貴，食物種類亦多。另外如果平日黎基本上都唔洗等位，地方好闊落，完全唔會好逼！

平時去觀塘食飯，好少會行到宏利大廈那邊那麼遠，几乎是碼頭一帶。原來這大廈裡除了是寫字樓，裡面亦有個小商場，有幾間食店，而且環境清靜、人流不密集，較適合跟朋友慢慢地、舒適地聚下。是夜跟友人決定食火鍋，店內空間感大，設有很多寬敞的4人卡位，我們二人都可以坐卡位。餐廳選用深嵌、內嵌式電爐，用餐時感覺會安全些，跟友人或有小朋友在，不怕輕易打翻個鍋爐了。店員會放下一個沙漏，是用作放黃金雞入鍋計時用，店員還細心地講解，另有卡通圖教學，很可愛。黃金雞木瓜椰子湯，要待湯滾後放黃金雞，以一次沙漏時間煮就最滑最彈牙，中途還要改用P3火煮，最後果然按照店員的推介，雞件肉質煮得剛剛好，黃金雞每件大大件，厚肉彈牙，吃完一碟黃金雞以急不及待追點多一半隻。跟友不約而同的說，下次要再跟朋友再來吃，為著黃金雞而來。海鮮乾淨又新鮮，愛吃蠔的友人對肥美桶蠔好評，而我則覺得鮮魷魚是追加物。另外肉類方面都不錯喔，我跟友人特別對豬肉好評，入口即溶，好味到不停追加，吃到飽得不能再吃，加上環境服務讓客人感到舒適，未吃完這餐，已經急不及待再約下次帶其他朋友一起到這裡聚餐。第一次不是配豉油吃火鍋，而是配這個青檸醬料一起吃，青新青檸味更能

今次中午但求醫肚下去幫襯一下，好在冇期望，所以冇太大失望，因爲不是質素之選。明明接近兩點，都冇乜人，阿姐竟然安排撘枱😵？唔理佢，坐另一枱。餐牌選擇多，不過唔係好想在這𥚃生吃刺身(個人問題，與此店無關)，選舉了熟食。來了牛肉烏東，噢😧，塊肉好好好結實，實在到堅不離地城。因為肚餓，就要用牙力咬💪，烏東剛開始吞了幾條，已經知道還有多少條。原來粟米還好像多一點。湯好明顯係味精練出來。當然一分金錢一分貨，$48蚊還可怎樣。但食物始終講求質素哦🤔

自從上次與朋友到過「囍」吃火鍋後，一直想再試試他們的椰子雞湯，所以今次與男朋友到來吃火鍋。「囍」設有自助區讓客人自行取用食物，款式挺多，賣相亦精緻。只是補給的速度不算快，可能愛吃的一款可以先多拿一點，但亦不要浪費食物啊！「囍」亦提供了多個蔬菜品種迎合不同人的口味，有蓮藕、南瓜、通菜、木耳、勝瓜、豆卜和海帶等，每樣都相當新鮮。當中我最愛吃的就是海帶，想不到「囍」也有提供呢！丸類選擇大眾化，一般熱門的貢丸、芝心丸等都有供應。愛飯之人相信對這糯米飯亦感興趣，飯香十足相當誘人飲品除了汽水外，亦有不同的紙包飲品，種類多元化，我最愛的提子汁和綠茶都可以任飲呢喜歡啤一啤的大家，則可以選擇啤酒，絕對清涼透心先來的黃金雞相當肥美，份量十足，雞味亦不錯，肉質亦算嫩滑。把黃金雞放在椰子鍋裡，充分吸收了椰子的清香，更令火鍋湯底提升鮮味。這次我們點了$168的套餐，想試一試海鮮拼盤。當中青口和墨魚都是我較推介的食材，因為都是啖啖肉，肉質爽彈，能夠品嚐到海鮮的鮮味。牛脷亦給予我驚喜，皆因相當彈牙，咬下去時更伴隨著陣陣的牛肉香，沒有肉臊味，可以一試。牛肉仍然是不二之選，只因「囍」的牛肉牛味十足，肥瘦適中，任食牛肉中

官塘工商廈真係越黎越多野食, 約埋朋友黎偉業街商廈打日式邊爐, 仲要任食.餐廳環境夠大, 卡位夠多, 乾淨冷氣夠, 感覺唔錯.點好湯底同咩餐後, 其他食物自由選擇, 到餐廳前隨意拎.除左生既丸類, 蔬菜類, 仲有少許熟食, 如壽司, 茶葉蛋, 關東煮之類.自調既醬料亦唔少, 樣樣都乾淨衛生.個邊爐鍋全金屬, 所以令食物好快滾, 唔洗有排等. 138既餐有牛肉, 豚肉同雞肉, 第一轉2人份量, 唔夠可以添加.牛肉厚度適中, 肥瘦亦平均, 滾一滾就食得, 口感彈牙嫩滑.豚肉較薄, 不過快熟一點, 口感亦軟嫩, 唔韌無渣, 富肉鮮味.雞肉滾既時間耐少少, 不過肉質亦保拎嫩滑, 肉厚唔肥.任食限時90分鐘, 好彩個爐夠快, 所以亦滾得快, 食得夠多, 好飽.

趕完貨非常餓, 同同事一落樓下就去左呢間打邊爐, 平時午市少機會食, 今次終於有機會.想豐富D要個$168餐, 有海鮮拼盤, 牛, 豬, 雞等.海鮮有魷魚, 好大隻圓碌碌, 夠爽口唔韌, 有嚼頭. 蠔同青口亦夠大隻, 新鮮無沙, 煙韌彈牙. 牛肉肥瘦均勻, 特別彈牙, 肉夠軟嫩, 肉味夠濃.牛脷亦非常爽口, 唔會太韌, 肉味濃. 平時牛脷多數做燒物, 今次打邊爐食原來都好好味.仲有豚肉片, 肉質都好嫩滑, 唔會太老, 肉味都好濃, 口感唔錯.其他仲有好多配菜可以任拎, 食到非常之飽, 好豐富.

無論係冬天定夏天都好，打邊爐一向都係好選擇😆😆今日我就同朋友過咗嚟觀塘呢度食晚飯，試下呢間喜鍋我哋叫咗鴛鴦鍋，一邊係椰子雞湯，另一邊係番茄湯😸😸椰子雞湯嘅雞好嫩滑😆😆湯料變咗主角，哈哈豉油既調味配料都有好多可以選擇💗🎶除左叫嘢食既之外出面嘅自助吧都仲有好多其他唔同選擇😁😁我自己覺得最有特色嘅就係呢個四川擔擔麵同埋綠茶麵😆因為通常都係得烏冬或者公仔麵另外仲有2、30款唔同嘅蔬菜同埋配料俾你揀😻😻真係成張枱都係嘢食啊！我哋叫咗海鮮有魷魚青口同埋生蠔，應該係美國桶蠔，好鬼大隻😸😸肉方面有肥牛、豚肉同埋牛舌，呢個畫面好震撼😆😆大胃王見到會好開心😚佢呢到嘅豚肉食落都唔錯，唔會好「鞋」，比肥佬食落更有驚喜☺️☺️食得好飽好滿足啊今餐😽😽

良朋相聚，人生樂事，一班朋友，每個月都會聚一聚，吃吃喝喝！就一於打下邊爐，盡快食一番！見有人介紹鴛鴦鍋！於是試試！陣陣椰子香味，簡直令人口水直流！窩另一半是四川麻辣，也散發出一陣陣麻辣味道！而$168已經已包括多款食物，大雪肥牛～片片雪花落在肥牛上，放入口腔，陣陣牛味，絕不粗鄙！簡直有入口容化的感覺！還有個黃金雞，肉質嫩滑多汁！店舖有計時器，體貼又窩心！門口自助吧枱更有多款小食供人選擇～當中枝豆，味道鮮甜，咸味亦相當入味！如果去日本餐廳食就很貴！但是在這裡全都是任食，所以小女不段encore！邊爐後當然不能小得一杯乳酪雪糕味！這一餐真是超值的享受！