7
1
0
4-min walk from Exit A2, Kwun Tong MTR Station
continue reading
Opening Hours
Mon - Sat
11:30 - 22:00
Sun
Closed
Above information is for reference only. Please check details with the restaurant.
去觀塘睇婚紗, 所以是晚走了去觀塘開餐! 朋友介紹我去這間在apm 旁, 交通很方便的餐廳食西餐可能是星期一晚, 餐廳不多人, 但享受到私人空間看得出餐廳負責人的心思, 餐廳用的佈置很有台灣民宿的感覺, 有點少少的擺設及旅行的資訊, 忽然覺得想去旅行了, HAHA!!這不是朋友第一次來, 她說這裡的食材很新鮮而且價值是很便宜!! 點了餐, 開始進食就明了!牛角包是很酥皮熱上的邪惡牛角包! 配上牛油不得了! 香煎帶子蝦雜菜柚子沙律($88)食這個就明什麼是性價比很高了, 帶子的SIZE 很大! 而且香煎得沒有全熟, 吃下時就依然覺得很juicy!! 而且沙律菜用上很新鮮的食材, 加上柚子醬微甜, 很開胃! 香煎三文魚扒(有機)配一口著仔,香草忌廉汁($128)來到時差點以為睇錯價了, 有機的三文魚扒竟是大大塊!! 他們.....賺什麼?! 質素比很多高級的餐廳還要好別呢, 肉質很滑, 而且意大利麵煮得剛好, 只有95%熟, 吃的時候仍有口感, 不會太淋! 只能說老闆的定價太親民了! 希望老闆能本著熱誠繼續煮出人間美味! 是晚大滿足!!!
continue reading
之前喺食過佢嘅lunch成80蚊位,覺得有少少貴,不過真係幾好食,所以早幾日拍拖紀念日就book番base cafe食dinner,本身都諗住預咗200幾一位,畢竟lunch都成舊水,估唔到每人150蚊內就落到樓!上次食過個牛柳意大利飯覺得好食,所以決定encore,另外叫多個羊扒配三文魚扒。叫完之後就上面包同湯,湯就無得畀人揀,不過個紅湯都唔錯,幾好飲。個牛角包都好食,不過真係勁油,油到我要即刻洗手。蒜香牛柳黑松露菌意大利飯個意大利飯同上次食一樣咁好食,好creamy,好香。不過個牛柳就煎得太熟,有少少難咬,啲菇都唔錯,100蚊真係幾抵食。澳洲羊扒併挪威三文魚配一口薯仔.黑松露菌汁呢個真係大件夾抵食!本身以為每樣得少少,但原來唔係。三文魚煎得好香,雖然熟晒,但都唔「鞋」,個羊扒都唔錯,唔羶,不過可能食慣香草羊扒,配黑松露菌汁梗係覺得有少少唔夾,好似食緊牛咁。最後兩杯特飲,寒天青檸冰,每杯要加8蚊,不過不失啦,但青檸味有啲假,好甜。雖然觀塘有好多好嘢食,但唔少工廈cafe都唔平,食晚餐閒閒地都每人200蚊先落到樓,食過幾間,都係base cafe性價比最高。總括嚟計,下次都係再去,意大利飯會再encore!
continue reading
同男朋友上網搵到依間餐廳 我去既時候係晏就三點幾 所以無人 店員拖緊地 一見到我地入去都叫我地小心地滑!仲全程都好有禮貌☺️☺️!我地叫左兩個set lunch。有雜菜湯同包,個包好好味,係類似牛角包咁既,沙律另外+$8,係芝麻醬雜菜沙律!到主菜,我既雞扒蟹肉飯,唔錯吧!但好大份,細食既朋友可以要小飯,咁就唔會浪費啦!男朋友食三文魚扒意粉,都唔錯,但認為三文魚扒可以再熟啲😁!到飲品,嗌左杯咖啡珍珠,愛玉青檸冰,都好甜😣😣😣😣😣都係下次嗌小甜!
continue reading
Base cafe@#foodki觀塘鷄肉菠菜幼意粉配黑松露菌忌廉汁(8/10)($88)呢間係觀塘既隱世餐廳,真係好高質素。意粉係幼意粉,超彈牙。忌廉汁好香,奶味濃配上黑松露,真係正到阿媽都唔認得。磨菇菠菜好新鮮,配上忌廉汁好好食,特別磨菇好好味。鷄肉就普通啦。菠菜意粉係foodki既最愛,真係真係好正!。Base cafe@#foodki觀塘軟殼蟹蟹肉軟飯(8/10)($108)base cafe真係好唔錯,呢個意大利飯都非常好食。意大利飯唔會煮到軟,會有意大利飯應有既煙韌質感,飯加上上湯做成忌廉口感,飯本身配上雞肉加白汁同蘑菇,啖啖好味。最正最正係飯上面兩舊軟殼蟹,炸得超脆,蟹肉好好味。整體黎講,呢間質素真係算幾抵食。
continue reading
每次同事生日飯,都係係我地試新餐廳嘅時間!由APM 後門出,就會見到係港貿中心地下大大個banner 上嘅HEA 字,打工仔,邊個唔比呢個字吸引丫!餐廳地方唔大,但室外就有大大個平台,內面裝修得舒服靚靚,外面地方闊,兩種唔同感覺!而我就喜觀室內,真係幾Hea!Menu 如此,都係觀塘 Cafe 嘅 Lunch 價架,埋單加一至小$70up,但食過BaseCafe,就知呢個價係物超所值架!有Green Menu 架,正!!Drinks 都有好多好多選擇~前菜來了,粟米忌廉湯,原粒粟米blend 成嘅湯,唔係Can Soup 黎架,味道好鮮好清,一黎已經有個大好感!好少餐包會serve 牛角包,Homemade 牛角包唔油膩wor,連我平日好怕食牛角包嘅,都隊晒成個!主菜時間,本身我心大心細,點咗Salad ,又改飯,煩到廚房亂晒,不過佢地都好耐心咁幫我整過。我點咗新菜單 南瓜菠菜意大利飯,個risotto 好好食,望上去唔似有太多忌廉,但口感非常Creamy,食左又唔膩,而且仲要好大碟,男同事們更開心,因為平時去Cafe d 分量對佢地黎講實在唔夠,呢份佢地就夠滿足啦!建議可以再改良一下個南瓜,腍多少少,半南瓜茸咁就會再開心d 啦!以下係同事嘅lunch,黑松牛柳意大利飯,松露味香到陣,飯都係好Creamy,真係好想請教下大廚,點可以做到唔膩又咁Creamy 嘅意大利飯,真係好好味!!另一個好吸引嘅就係洋蔥豬扒石頭飯,同事邊叫好味好飽,邊將美食放入口,真係有咁大魔力嗎??? 攪到我好想試添!餐飲點咗花果茶,暖笠笠好好味,但就真係甜咗d。同埋我地太飽,Cafe 又冇外賣杯,下次再黎要自備水壺先,咁下晝就可以慢慢嘆花果茶啦!呢度,真係好好Hea!!下次要再黎!!!
continue reading