PizzaExpress (Closed)

大年初五，相信有部分打工仔已經要開工，小妹都係其中之一。放工後同兩個fd 食飯，揀左大家都方便既九龍塘又一城。呢間連鎖pizza 店已經食過幾次，不過又一城分店又真係第一次尼，相比起沙田分店，已經唔算多人等，可能間舖面本身唔大。員工話會有張坐得舒服D，比左後面兩枱兩個客入左先到我地入，都有事先問過我地，係OK既。3個女仔食得唔太多野，所以我地淨係揀左3樣野食。雞胸肉Ceasar Salad(S)份量真係超細，加埋都冇1棵菜，食完都唔知去左邊。Hawaiian PizzaPizza 切完等於冇切，要自己落手逐塊切返。Spinach RavioliRavioli 好味，煮得岩岩好。3個都飲既Apple Cider對比起之前去過既分店(沙田, 機場)，呢間服務真係麻麻，入到去冇比水樽，落單同埋單舉左手勁耐都冇人理，明明間舖唔係大，其他分店既staff 就算忙，服務態度都勁好。下次要食pizza express，我唔會揀又一城分店。

我一直好仲意食Pizza, 但要揾真係好味的真係好艱難。我試過好多間pizza 店但結果都係失望而回。後來朋友話我知又一城有一間pizza店好好味，就決定去試一試。我去到order 左2款Pizza, 佢地的pizza的皮好脆好香口，topping材料非常新鮮，芝士好厚好濃醇，食落去口感一流，係我好久沒有食過的美味Pizza, 而且佢地仲有不少pizza以外的美食潻。

晚上我同一班好朋友一齊去又一城睇戲，但因為時間緊迫所以根本嚟唔切食飯，本身睇完戲已經好夜，所以諗住冇乜嘢可以食，點知朋友介紹原來有間食pizza嘅店開到好夜，啲Pizza仲好好味添.去到嗰度梗係唔少得點Pizza啦, 我重點左一個好特色嘅冷麵佢好似西式咁煮D海鮮，放係日式冷麵上面， 賣相唔錯，估唔到食落去竟然好搭配。好好味。Pizza 又薄又脆好香口，材料新鮮。佢地仲有好多唔同一般Pizza 店的菜式，真係好介紹。

中午時間黎到，人流未算多，即刻就入座，都仲算安靜，而且有充足陽光，坐落都幾舒服。見佢個賣相覺得幾得意呀，一粒粒波咁，同平時食既唔同，比佢個賣相吸引左，食落都好好食既，佢整得幾脆口，咸咸地，同個配料亦都好夾呀。再黎諗住健康dd就叫個沙律食d菜，菜幾新鮮都唔錯，個醬汁酸酸甜甜幾好味，而我本身好鐘意食雞，佢既雞整得剛剛好，煎左但食起黎唔會感覺好油膩，反而係好香，啖啖肉我好鐘意呀！雞唔係滑雞呀有少少鞋既不過我就接受到。

久唔久就會去食pizza express，貪佢易搵位，水準穩定，又係我最愛嘅澱粉質類。今晚收工黎到又一城，諗唔到食咩決定又去pizza express。由於好肚餓嘅關係，睇完個set dinner 二人餐已打消念頭。佢只有一個starter, salad加pizza or pasta，一定唔夠飽啦。商量後決定要兩個主菜一個雞翼！菜上得好快，先黎個雞翼配蜜糖芥辣dip。個dip幾好，平日唔食芥辣嘅我都大啖大啖點。再黎白油蟹肉意粉，呢個有少少辣，不過依然好香蟹味，好鮮。呢個蜜糖雞肉薄餅好驚喜！第一次叫，食落咸咸甜甜，加埋蕃茄仔，十分清新！唔覺意食左4大塊！

又一城於兩鐵上，位置方便，本是約朋友聚會的好地方；但是，｢個場太旺｣，食肆不愁客源，員工的服務態度，往往就…我在又一城看過員工｢臉色｣的食肆不便説了，正因有對比，想在此讚一讚此分店的員工服務態度。之前已有兩三次在別的食肆｢碰壁｣而｢轉投｣Pizza Express的經驗，所以今天跟男朋友到又一城下午茶，就不作他想，就到Pizza Express。剛剛5:30pm，員工正收起下午茶牌，我們剛到，侍應還禮貌地招呼！我們點了烘麵色配朱古力醬和松露薄餅。麵包粒熱烘烘的，配朱古力醬，好味！松露薄餅(忘了拍照)，豐富的芝士，有蔬菜沙律配之，解膩而清新。Honey 點Flat White，我點 Cuppucino，兩杯咖啡都香濃！論食物味道，Pizza Express當然不算很好。但是，假若員工的態度傲慢或惡劣，即使多少粒米芝蓮星星，味蕾也不會享受。

PizzaExpress既服務好到我要寫呢篇處女食評。話說個侍應送錯個pizza，我係食素既（食左肉都唔會死既），咁食落去唔對路，扮肉都唔會似成咁，咁我朋友就同侍應講，個侍應唔單止即刻道歉換返個pizza，仲好內疚咁話令到我食左肉好對唔住，送錯pizza果位侍應都再親自同我地道歉，佢個樣內疚到我都有D唔好意思。我同朋友都覺得佢處理得好好，點知突然間侍應問我地趕唔趕時間，話想再請我地食甜品，然後再三道歉，佢既真誠完全打動左我地。除此之外，PizzaExpress响連鎖餐廳黎講算係好多素食選，侍應個個都好細心，好多野唔使我地出聲已經會自動自覺提供，見到我地自拍就好快會問使唔使幫手。成餐飯都好舒服。上一次同一個失明既朋友食飯，佢帶住導盲犬，PizzaExpress都係少有地歡迎，過程都係好helpful，但又唔會令人覺得太殷勤，真係好舒服好貼心。講返野食，都係好好食的，坐位又舒服，又無限時，價錢相宜，香港已經好少有。

去過K11及海港城分店，特別覺得又一城這間分店的食物份量很少。今次兩個人食，叫了兩款主菜:肉醬長通粉-因為價錢係$138，心諗會係厚厚的肉醬配長通粉，未必係二人份量，但不會連一人份量都不如，食完好似無食過甘而且長通粉好似未煮熟，有d硬。新加坡辣蟹pizza-一心以為會焗到好乾脆，再配有少少烤焦的辣蟹肉，一定好野味香口，點知唔係，真的有少少失望。Pizza餅底超薄，兩個人食完13吋pizza再加長通粉都係得5成飽，之後，仲要去food court食碗粉，但之前去k11或海港城都係食到好滿足的，有時食唔晒到打包，所以比較之下，呢度整的份量太少了。而且因為無預水牛芝士係凍的，所以這個pizza的餅底係暖，餡料偏凍，並不是熱食，有d怪，而且唔辣，有d失望。

最近PizzaExpress 做緊生日優惠只要向PizzaExpress 說一句 為慶祝周年紀念，由現在至11月30日逢星期一至五，八時後入座並向餐廳#接待處職員說 ，即可獲享單點菜式 "七折優惠"。 同時若果你的生日月份為十月或十一月更可多享焗麵包球乙客。🤗 咁岩我又係十一月生日 😏所以即日上網訂左枱去試下八點正去到 門口有幾個walkin客 好彩有訂位 👏🏻👏🏻佢地安排左一張梳化兩人位俾我地好舒服👍🏻叫左一客雞翼 價錢偏貴 但味道不錯仲有送左個焗麵包球外表一般但真心好好食配埋青醬同牛油味道一流仲有叫左個Pizza 不過唔記得叫咩名😂😂第一次覺得薄批係好食埋單都係250蚊 好抵食

星期六晚餐，一向是家庭樂！今天選了pizza express. 點了一個超值2人餐，有頭盤、沙津、pizza 或 意粉、再加二支大樽裝可口可樂，也只是$289。每個組別，也有數款 options, pizza 最多，有10款，果然是pizza express. 為了盡享套餐 優惠，每個組別，我們也點了大餐牌售價最貴的一款，😬😬！ 頭盤：意式焗肉丸沙律：主廚精選沙津Pizza: 蜜糖雞肉pizza （今天精選pizza)飲品：2支可樂正常售價：$420 （即套餐大約7折）😬意式焗肉丸，原來有焗麵包球跟😃，肉醬不錯，但肉丸太乾。沙津，菜新鮮、雞肉、火腿也好味，但沙津醬可多少少。最好味是個蜜糖雞肉pizza, 蜜糖甜甜地，配合雞肉，加上車里茄。好味😋食下、傾下又一晚！店員非常有禮貌，下單時，更預先告訴我們今晚多人，order 需要多少少時間。

假日食慾不佳去了pizza express環境還不錯由於商場使用了天然採光所以餐廳很光讓我很精神呢點了一客新款的辣pizzapizza的辣味好似雲南米線的辣味好衝突呢 但也好味青瓜上面的辣醬就是了我覺得都幾辣所以撇走了唔食另外點了一客燒蘑菇還可以呢芝士味不錯最好味係蘑菇上面的芝士好味最後用優惠redeem了一客包好好味包味濃但pizza express 就不讓我們用$50 優惠券😓total 埋單：$250.80

前排係又一城食PizzaExpress既午市，感覺幾抵食，咁岩呢日又去開又一城，係吾知食咩既情況下就走去食PizzaExpress啦😳點知佢既午市已經同上一個星期既大大不同，雖然餐牌寫明輕盈份量，如果要變做正常size就要加$35，但係又吾知正常同輕盈既份量實質會相差幾多，所以照叫左呢兩個lunch🤔👁‍🗨 羅勒香草醬意粉（午市套餐）💲98碟粉一離到，真係嚇親，份量少到一個點，果日仲要頗為肚餓既我地，食完碟粉都好似冇咩點食過野咁🤤而且味道亦都冇我地之前係其他分店食既咁香，香草味吾夠濃，仲有少少乾既感覺(吾知係咁岩呢日佢整得吾好，定係分店問題🤦🏻‍♀️)總之就係失望啦🙁👁‍🗨 瑪嘉麗塔皇后薄餅（午市套餐）💲78除左意粉係勁細碟之外，連pizza都唔例外😞其實佢唔係比成個我哋都唔緊要，比半個都得掛，點都無諗過最後會係比呢塊薄過張紙既細長方形pizza我地😭佢係以番茄同埋芝士為主，番茄味比較淡，而芝士味就比較濃🧀其實Pizza Express啲pizza既味道一向都不過不失，不過我哋唔駛幾分鐘就已經食完，完全唔夠喉🙁🔛 整體評分（6.5/10）

准媽咪話想去又一城睇BB嘢同食Pizza,作為朋友嘅我當然唔會say No 啦！🙊行完頂樓童裝之後我哋就去PizzaExpress。坐低之後即刻叫野食，因懷孕中的女人唔餓得😂首先叫左個主廚精選沙律食住先猪肘肉，雞蛋，車厘茄，酸豆，橄欖，芝士..……沙律菜好新鮮，加上佢哋自家沙律醬，好味👍🏻海鮮Pizza略乾左少少最後係個主食，白酒蜆肉意粉，蜆肉份量足，意粉硬度啱啱好😋朋友少有哋安靜落嚟專心食嘢😉

一大班朋友聚舊吹水，今次有朋友提議食pizza,我地成10個人，就一早訂左枱，去到就有位啦！最鍾意人多食野，可以叫好多好多野食叫左檸檬薑荔枝茶，好香又唔太甜，飲左之後喉嚨好舒服！先黎凍拼盤，好豐富，乜都有d , 南瓜蓉配麵包條，好夾好正！廚師精選沙律，好豐富，好有咬口，有雞肉，火退，雞蛋配沙律菜，好味道！必叫！輕鬆清淡沙律，有牛油果，紅菜頭，南瓜，出乎意料之外既好味，紅菜頭好甜：牛油果勁香！香烤雞翼，奄得好好，配埋肉碎汁，好夾兼好味！黑松露pizza, 一落枱香到震，加埋磨菇配蕃茄，整速清碟！秘制肉丸，香濃蕃茄配牛肉丸，佢週邊個包包先係主角！香軟到暈！呢個帕爾熙pizza又好正，蝦仲係彈牙，芝士味濃郁！但餐廳服務人員欠佳，食物ok 但服務真係要好好改善！

朋友係要見既！今次gathering去PizzaExpress食晚飯。餐廳一向中規中矩，店內向來環境舒適，最啱一班人聚會！材料有肉、青口、魷魚、蜆肉、酸豆、橄欖、 焗麵包碎、蒜蓉、蕃茜、檸檬、白汁的利古里亞海鮮薄餅，食到海鮮雪味，不過有香濃蒜蓉及橄欖蓋了一下，味道沒什麼特別蜆明顯很多，青口、魷魚、蝦小到冇的白酒海鮮意粉，味道是可以的，忌廉味也夠，但份量太少了⋯⋯完全不夠有火箭菜，生菜，豬肘肉，雞蛋，芝士，蕃茄與肉的精選沙律，普通沙律沒有特別今次失準