17
4
1
Additional Information
餐廳嚴禁帶豬肉類食品入內。及不會提供豬肉類食品。
Opening Hours
Mon - Sun
11:00 - 00:00
Above information is for reference only. Please check details with the restaurant.
Signature Dishes
黎到京滬，見到佢有午市餐，點左一個牛肉餅併水餃( $33) + 熱檸茶。後加豆沙窩餅($38),2個人SHARE。等左大約8分鐘到就有啦，一睇，心諗，點解份量得咁少GE.. 食唔食得飽嫁..早一排先岩岩試完九龍城的牛肉餅。見有啲網友話佢的牛肉餅可以拍得上九龍城的水準，但我覺得九龍城的比較好。佢的牛肉皮都好脆，咬茖去亦都有肉汁。啲肉汁比九龍城的少，但係我覺得OKAY ，因為我覺得九龍城的其實係太多肉汁。不過佢啲肉汁冇咩味，如果可以鹹番小小會好啲。至於入面的牛肉，我略嫌太過鬆散，亦都冇咩香味，加多小小香料會好啲。而且皮可以包得好啲。同其他網友的描述一樣，咬落去另一邊個皮己經欄左，啲肉汁漏出黎。至於餃子，伙計話係牛肉餃。不過食落去冇咩牛肉味._. 不過呢樣野我又唔太CARE GE。啲水餃有肉汁。不過都係覺得淡左啲。啲皮都正正常常，唔會太簿太厚或者太過乾身。不過相比起其他餐廳佢水準係中上。檸茶正常食完呢個餐當然唔夠飽... 同朋友點多左一客豆沙窩餅。窩餅煎得好脘，雖然有啲油。啲豆沙好好食。好滑同埋唔會太甜。不過我覺得價錢有啲偏貴。用呢個價錢應該可以食到一客更加多豆沙的豆沙窩餅。服務正常。其實佢的食物質素係值得俾個笑臉，奈何份量太少。只好俾一個OKAY。一個食客黎到一間餐廳至緊要係要食得飽。如果一餐係食唔飽的話，我覺得幾好食都冇用。如果要控制成本而減低食材份量，我寧願你加價，我都知牛肉貴左好多，我唔介意俾多少少，起碼你要俾我食得飽呀。
continue reading
某天晚上，老公與友人同到京滬一品牛肉館晚膳。翌日早上，我的耳朵定必載滿了京滬一品牛肉館的美食，惹得我口水直流。恰巧暑假開展了，弟弟相約老爸和我，帶同兩位小天使 (弟弟的子女) 到紅磡午膳，於是我便提議弟弟到京滬一品牛肉館，有機會再一試美食之餘，同時亦可將美食公諸同好。鮮有的提早抵達了，於是為家人想好菜單，第一味是即叫即煎的牛肉餅。裡頭的牛肉鬆軟多汁，熱度也驚人，一咬汁液會隨即噴出，殺傷力也不少。放涼後才讓兩位小天使進食，成人品嚐時也要小心翼翼，何況小朋友。但是過涼的話，香氣與滋味也會隨熱度下降而大減，必須小心注意。一向愛肉食的小天使，亦很愛牛肉餅的滋味。京滬一品牛肉館有不少特式的菜餚，牛筋凍是我一直欲試的。為怕小天使們不習慣牛筋凍，於是要來了牛肉及牛筋凍的牛雙拼。牛肉紋路清晰，筋膜與牛肉相間，質感柔軟，富牛香，深受小天使歡迎。而牛筋凍則晶瑩剔透，小圓狀的牛筋鋪滿了表面，無論顏色與樣子也跟合桃榚很相像。一咬軟軟的啫喱，夾雜著煙韌的牛筋，兩個不同的口感，味道溫和，為女士們帶來了豐富的骨膠原。咖喱羊肉是京滬一品牛肉館必吃的菜式。其辣度不算強烈，但卻香味十足。注意到咖喱汁有少量的沉澱物，應該是乾蔥、洋蔥及各式香料熬製出來的精華。大多的羊肉都是連著骨，肉質軟腍中富層次，筋膜、羊肉、軟骨和薄薄的脂肪，一層一層地重疊而成，滑溜中保留嚼勁，襯著滋味的咖喱汁，真是滋味極了！當然少不了白飯，老爸也吃得開胃，要多添白飯。突然間看到坐在對面的小天使，竟也在滋味地吃著咖喱羊肉，還稱咖喱不辣，弟弟解釋原來小天使從小到大，工人姐姐就與他分享辣的食物，所以嚐辣的能耐較強。而另一位坐在左手邊的小天使，她謂咖喱汁非常美味，不過太辣了，每次只是將一小滴咖喱汁與大量白飯混和後進食。小朋友也愛咖喱，真是意料之外！工人姐姐不喜愛羊肉，於是弟弟多要了午市的咖喱雞套餐。弟弟試了一點，他認為咖喱雞不及咖喱羊肉那般美味。這是給老爸的菜式，也是唯一的廣東菜。可是薑蔥炒得不夠惹味，而芡汁也甚為濃厚，將薑蔥及魚腩重重地包圍，香氣或多或少也被掩蓋。而魚腩的魚味較輕，亦沒有用酒、薑汁和調料醃製過，使得食味較為平乏。廣東菜始終不是京滬一品牛肉館的強項。上次嚐過京滬一品牛肉館叫人難忘的沙鍋雲吞雞，當然要與家人分享。總覺當天的湯底沒有上次那麼甜美濃郁，但是小天使一嚐後，立即讚揚這湯超級美味，即時一連吃了三碗，還要求爸爸在家裡做這道湯，真愛吃！沙鍋雲吞雞中的雞肉雲吞依舊鬆化嫩滑，與少許菜絲混和，感覺如在品嚐軟綿綿的海綿蛋糕。工人姐姐最初不敢嘗試，唯店主一再重申清真店不會使用豬肉為食材，她才敢一試。沒見一段時間的京滬一品牛肉館，座位陳設沒變，只是牆壁上增添了多幅介紹食物的相片。除了提供美味的食品外，那份親民的感覺仍是沒有變改。由接聽電話的態度，以及踏入館子裡聽到第一句的李小姐，及至午餐期間的交流，處處流露出平實與和藹，也許就是一家人盡心經營的街坊館子，商業元素輕了，隨之而來是一份珍貴的人情味，那一刻很是懷念紅磡！
continue reading
當日公司安排我去蕪湖街做野,完成工作後當然食埋飯先返公司啦~自己係食羊愛好者,見到有咖哩羊腩客飯連可樂都係約40蚊,抵咖喱羊腩味道比清真牛肉館更加濃郁,羊腩份量又適中,咖哩汁撈飯一流,整體係比清真牛肉館做得出色~
continue reading
本來是帶著一定的期望去試這間小店, 結果卻是一肚子氣地離開. 從OR中見到這間位於紅磡的清真小店, 居然有牛肉餅出售, 還說味道比得上九龍城的那間! 橫豎都要到紅磡一行, 於是前來一試. 午飯時候, 餐廳出奇的清靜 只有兩三枱客人. 餐廳的裝修很簡單, 像一般傳統的上海菜館, 地方擠迫, 不過尚算清潔. 有個像老闆的大叔招呼我們, 不過全程都黑面. 看過餐牌, 午餐種類不多, 為了一試它的牛肉餅, 於是點了牛肉餅, 也點了有食家說好的牛肉麵, 雲吞和水餃. 招牌牛肉餅, 看起來還算可以. 不過, 牛肉餅的外皮太薄, 而且外皮有破口. 牛肉餅咬一下即穿, 裡面的牛肉汁四溢, 吃得很狼狽, 不少肉汁都流到碟上. 牛肉餡料也算多汁, 但味道偏鹹而且比較油膩, 而且牛肉餅不太熱, 只是溫暖而已, 應該不是即叫即煎而是翻熱的, 比起九龍城的清真牛肉館的牛肉餅, 無論手工和味道方面, 都有一段距離. 牛肉水餃的皮偏厚, 一碟只有四隻, 賣相不吸引; 味道方面, 雖然是有肉汁, 但丁點牛肉味道也味吃不出來, 水準以下之作.雞肉雲吞也是一碟四隻, 味道尚可, 賣相也對板.招牌牛肉麵, 所謂的牛肉其實是牛展, 薄而入味, 而且炆得夠腍, 不錯. 可惜麵條太腍, 像煮過火一般, 失敗! 湯底味道不算鹹, 不過喝後口渴, 應該加了"師傅".最令人失望的就是餐茶. 其中點了奶茶. 喝一口, 幾乎要噴出來! 這杯奶茶入口極苦澀, 一點奶味也沒有, 可以說是有生以來喝過最難飲的奶茶!!! 由於實在太難喝, 所以只喝了一兩口便放棄! 整體來說, 水準令人失望, 由一入店見老闆一直黑面至結賑, 服務方面也沒甚招呼. 食物的份量也很少, 午餐只有一個牛肉餅拼一碟四隻的雲吞或水餃加一杯飲品, 份量與下午茶無異! 不要說是男生,連女生也不夠吃!! 食物的水準也不突出, 同樣價錢可在區內吃到更好的, 所以應該不會光顧.
continue reading
諗起呢間野開左一排，但一直都無咩機會試，終於就係今晚，決定試一試佢。店名原來唔係呢個，但唔知係轉左老闆定係點，所以名都改左，但依然係唔食豬。三個人叫左個二人餐$208 再加個牛肉湯水餃$29 同兩個白飯個餐有咖哩羊、酸辣湯、雞絲粉皮、炒菜、豆湯鍋餅咖哩羊我平時唔多食咖哩，但呢個真係超級好味，羊肉好腍軟，汁用黎撈飯簡直一流酸辣湯好耐無飲過咁好味既酸辣湯，拍得住黃埔溜冰場未執果時果陣間上海野，間溜冰場執左咁耐，我就咁耐無飲過好味既酸辣湯，不過我自己唔太食得辣，呢個湯就辣左少少，但我都飲左兩三碗雞絲粉皮、炒菜不過不失，爸爸媽媽就好鍾意，我自己就唔太喜歡食麻醬既炒菜都係咁啦！豆湯鍋餅唔太甜，好味道，一碟有十件！我地食剩左一半打包牛肉湯水餃皮係自己搓既，好軟，特別係個口唔會太硬，媽媽好鍾意，我都覺得唔錯！整體黎講真係好驚喜，無諗過呢間野會咁好食！雖然價錢比普通一般去茶記食晚飯貴少少，但都接受到。見到隔離台有水煮牛肉，希望下次都試下水煮既食品。值得一提係餐廳幾乾淨，碗碟都係，淨係乾淨呢點都值得返轉頭。
continue reading