11
5
13
Telephone
25752262
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
Signature Dishes
Recommended Dishes
下午搭叮叮入咗黎跑馬地，周圍行見到有間野叫鐵板站，突然之間想食扒就入去試下。入面係好古式既扒房裝修風格，有d大卡位坐都幾舒服。打開餐牌一睇，哇，西冷鐵板餐都係75蚊連野飲重唔洗加一！！重要係跑馬地！！我諗呢個價錢真係唔知邊度搵到！！叫完一陣好快就上咗個羅宋湯同個包，個湯應該係自己煲既，好濃味，入面重有勁多菜。之後飲完湯就上咗個扒，我叫咗三成熟，我覺得係啱啱好既。出面熟透，入面都重係有小小粉嫩既。唔係超巿買個d勁cheap既扒，咁當然都唔係貴價餐廳個d。老實講有d鞋既。但呢個價位黎講係無得輸啦。最後杯凍檸茶就係正常嘢。75蚊埋單抵到😱😱
continue reading
今日約咗人喺跑馬地，早咗成個鐘，周圍行睇吓有冇地方可以坐低。本來入咗一間高檔咖啡店，睇完餐牌，見到一杯咖啡，最平都要$5x，最後見到呢間，喺外面唔係好睇到入面，諗住求其揀間hea吓。入到去，一陣「噏」味，除咗我同一個阿姐，乜人都冇😅，睇到下午茶餐牌價錢超平，雙拼三文治連熱飲$26，烘底不另收費，下午茶不設加一服務收費，簡直係超值，平到有少少滴汗😅。我當然係叫呢個$26嘅超值下午茶餐啦。我叫咗吞拿魚芝士三文治烘底加熱檸水。坐坐下，嚟吓一個客又再嚟一個，最後有七枱客人。等咗十幾分鐘，三文治同飲品一齊上。例牌相機先食，點知影完呢張相發覺杯檸水有隻烏蠅，好嘔心🤮! 我叫咗阿姐幾次，佢聽唔到，最後，佢行過，我話佢知，佢竟然唔好意思都冇句，仲見怪不怪話：「點解飛咗落去呀？」跟著叫入廚房：「整返杯熱檸水嚟。」埋單嗰陣，阿姐話$28，我問佢點解$28，佢話因為烘底。吓！乜餐牌唔係話烘底不另收費嘅咩？最後佢都收返我$26。
continue reading
牛扒又梅又冇血水，唔知自己食緊乜。垃圾中既垃圾一入去己經有陣味，諗住佢舊舊地開左咁多年應該都唔會太差，叫左個西冷見到塊扒隻色都唔係咁開胃。一切落去白雪雪完全唔係牛扒應有既顏色一啲血水都冇，唔知雪左幾耐。食落口感有啲梅，唔臭但乜肉味都冇…..個羅宋湯都怪怪地偏甜。真係冇下次…….食兩啖就頂唔順放低刀叉埋單去隔離麥當勞叫多個餐填飽個肚算數。好耐都未食過一餐咁難食既午餐！如果最好味既係10分，我比呢間野1分！最過大家樂啲牛扒…
continue reading
現在很少舊式歺廳用鐵牛頭鐵板，以為舊式快歺又開左咁耐，應該都可以啩，食左一份T-bone 和一份雜扒，T-bone真係又咸又有D唔知咩味，其實調左味的扒，冇可能可以煮幾成熟囉，雞扒D味道也是有D唔知乜酸臭味，D調味料可能係萬年料，所以臭左也唔出奇，咁多年都冇改善，既然有心經營，唔明點解唔做好D，跑馬地已經冇乜特別好野食，連呢D小店都咁差，冇心機做就真係執左佢算啦！真係難為了住呢區的人，外人也不需要特別入來找野食！真係零分都唔值！
continue reading
食左個西冷扒餐，首先個白湯hay 到冇味，塊扒生到咬唔開，臨尾叫杯水浪下個口都係鹹既...食完之後睇openrice 先知原來之前咁多人中伏...咁都可以喺跑馬地開咁耐，佩服！
continue reading