東來居 (Closed)

收工lunch捉左best friend去T2飲茶, 就一向好受機場staff歡迎嘅東來居(佢嘅下午茶時段staff炒飯餐先至無得輸), 眼闊肚窄地兩個人剔左6款點心😂·黑椒金錢肚(HKD32)好重口味嘅黑椒金錢肚每件都咁大件, 辣到飛起, 嗜辣嘅我地勁like.·北菇棉花雞 (HKD32)比較油但雞肉同菇味非常突出, 兩大舊魚肚好似海棉咁索滿入味嘅湯汁.·叉燒包 (HKD22)一籠三件, 肥膏唔多, 叉燒滿滿的.·菜苗餃 (HKD32)足料, 每件菜苗餃裡面都有兩粒鮮蝦, 比淨蝦餃更健康, 水晶餃皮一啲都唔厚身👍🏻.·養顏紅棗糕 (HKD29)拎黎時忘記叫姐姐俾個蒸籠蓋冚住然後攤凍唒😅, 好彩d紅棗糕並無因此變得硬掘掘, 口感仲keep到熱食時嗰種QQ呢, 紅棗味濃, 係逐層逐層蒸起的.·叉燒腸粉 (HKD32)My fav叉燒腸粉認真皮薄叉燒靚👍🏻·機場staff show permit可享8折(正呀!!), 食物質素li年幾幫襯咁多次都very GOOD呢👏🏻.

Date 27/9/2018 , time, 14:00I’ve never been treated so disrespectfully before. Their customer service is very disgusting. There’s a regulation where we must put our luggage outside the dining area, but our family were not told politely and instead we were being shouted at. We saw another table that was empty and its near the luggage area but they insisted that we sit on the spot that they chose for us ( which was far away from the luggage area) . They were being very unreasonable. Especially the

早到咗機場，Check in完後，見仲有時間，就上網search下機場有咩食。由於好耐都無飲過茶，結果search酒樓，就搵到東來居，又咁岩好近我地check in個區，就二話不說去醫肚先。去到唔洗等位，可能未到食晏時間。餐廳入面環境唔錯都幾闊落。之後就拿拿臨點咗蝦蛟皇、潮洲粉果、雞扎、鳯爪、同奶黃包。整體點心夠熱同新鮮，最記得個蝦蛟皇，多餡而且彈牙！好味！下次再去旅行，岀發前都可以再黎食個點心先上機，唔洗次次黎機場都係食快餐。

男朋友接收工，打算去UA 機場IMAX睇戲，但未夠鐘，系機場周圍行下。行行下，有點餓，我們之後就决定找一間中餐廳食飯先，剛巧看到東來居都幾多人幫親，門口仲有幾個排隊，看起來應該也不錯吧! 入到去，待應生服務態度好，即刻問飲咩茶，記得鐵觀音好香好濃！之後男朋友話好餓馬上叫了一個乾炒牛河、叉燒腸粉，菜苗餃，當然一定少不得要點蝦餃和燒賣。叉燒腸粉的叉燒肥瘦適中、夠熱、也很薄皮。另外，欣賞其菜苗餃，因為蝦多及新鮮。 但乾炒牛河的等候時間接近20分鐘。 反而點心上菜速度仲快！下次岀發去旅行前，早到機場的話，check in 完之後，岀境前我會再來飲茶！

一家大細送機，早一天book十人大枱順利訂枱。翌日職員表示大枱已留給團餐沒有大枱須分2枱，問為何安排不到又接受booking、安排混亂又不致電通知，完全沒有解釋

一年將盡，要清假期， 報了團去旅行， check in 完之後，還有時間當然是去醫肚。 不知何時進駐了東來居，當然要去試下。環境都唔差， 算闊落叫了幾款點心， 最好食是這個煎蘿蔔糕蝦米大粒，煎得有少少燶， 喜歡這個口感叉燒腸粉 和 火鴨絲腸粉腸粉唔夠熱 ，叉燒太瘦韌口 ， 火鴨絲尚算合格菜苗餃算大隻， 蝦多新鮮鮮竹卷味道淡， 芡汁唔夠濃奶皇包餡少唔夠甜銀芽野菌炒麵， 麵條走過油，入口鬆脆，但味道較淡金磚豆腐份量多， 炸完入口鬆軟結帳每人約80元 ，價錢算合理， 但點心唔夠熱是致命傷！

整體上不算差，兩公婆哎$288二人餐，一個小食、兩盅燉湯、兩個餸、甜品、另加一個蛋白炒飯，合共$453。小食：金磚豆腐夠香口燉湯：海底椰煲雞湯，火喉十足小炒：賽螃蟹蝦仁 薑蔥爆牛肉甜品：楊枝甘露糕蛋白炒飯夠乾身

在東涌，不知想吃什麼，便走到了機場二號客運大樓去尋找食物。本打算到潮樓，但路過東來居，見不用等位，便吃。經驗已告訴了我，食飯時間不用久候不用排隊的，十居其九多是中伏！茶具，茶與滾水先來，一洗，有油浮面！茶，叫了水仙，苦！茗茶常吃的點心都叫了。個人喜好牛肉腸，今次沒有例外，點了，上桌尚暖，但味道極一般，皮厚，牛肉有點怪味，豉油淡得很，毫無好感。馬拉榚普通，但切得很不均整，製作草草了事！牛肚偏硬，味道淡而近沒味，义燒包則還可以的，但包內的义燒份量不多，肉很貴的嗎？寫到這裡，還是算了，這店一次過便是了。服務也不太好，找個店員落單也有點難！但，經驗已告訴了我此店如何，只是自討苦吃。

周不時大班同事過尼客運大樓午餐就多數去《潮樓》…聽有人話隔離《東來居》都吾錯, 今日小小兩人就選擇尼試試先!!...環境雅緻一點…廿六蚊小點起計, 去到特點近六十元…真要睇吓水準如何…叉燒腸粉…粉皮厚薄適度亦冇話太軟爬爬蒸過龍, 餡料足, 合格o既!蝦蛟皇 @隻$12 (兩隻起計)…讚!! 大大粒皮薄晶螢通透, 蝦肉豐富而且爽身彈牙, 好味道!! 潮洲粉果同醬汁鳯爪都叫標準水平…整體點心味道吾會偏咸, 飲完餐茶吾會過後感口渴咁…茶位 @$8註: 機場員工証享八折優惠。

新年訂咗二個盆菜！一大一細！細果個ok！只是冇乜味，太淡.大果個D芋頭燶咗！佢照放入盆！到食時加熱後，成個盆其它餸菜都有燶味！而且買時圖片說明有大蝦！取回家先發現一隻都冇😤後去同店經理投訴！只哦了聲！又話唔會咁！服務態度冷淡！冇下次！唔會再幫襯

惠顧時間下午4時,2人點了1個蘿蔔柱侯牛腩及梅菜扣肉. 先來蘿蔔牛腩,蘿蔔是剛剛烚好放在碟上底層,然.後再將牛腩加上面,第一口夾起牛腩食,D牛腩係凍嘅,蘿蔔則是熱的.D蘿蔔同牛腩不是一齊炆的,一D味道都冇,失敗之作.跟著就是梅菜扣肉,底部是剛煮好嘅菜芯,然後再在面上加上梅菜扣肉,同樣是D汁同扣肉是凉的不是熱的,D扣肉食起來是彈牙,完全未淋的,又係失敗之作,2個餸加2個白飯,一共245元埋單.

燒賣有釘書釘， 我冇R你任何嘢，對唔住都有一句話呱！ 男經理笑一笑，話蒸返"一粒"畀我哋， 直到走嗰一刻 ， 個經理都冇同我哋講過一句嘢，簡直好似係我哋對佢唔住咁！ 粒燒賣……到走都未有！ 慶啲嘅重點唔係喺粒有釘燒賣， 係嗰個經理嘅態度。 唔明點解佢做人阿頭可以咁樣！？反而我埋單同櫃枱哥哥仔cancel粒燒賣嘅時候，佢好緊張咁話會幫我哋寫番低有釘。 亞經理， 機場嚟㗎，好多遊客㗎， 唔該你留意下你對客人嘅態度， 唔好影衰香港啦！ 講完

前幾日係機場唔知食咩好，見到間東來居，餐廳幾靚。貓咪食左個貓咪最愛鹹蛋蒸肉餅。好大個肉餅，貓咪覺得好幸福。雖然睇落好似冇乜味，但原來肉餅好夠味，而且係我鍾意既果隻麻甩味，雖然我係一個港貓女，但呢個味道真係好溫馨，屋企feel。肉餅保溫得好好，慢慢食都依然咁熱，味道好好唷！有埋個湯，菜，茶。total 40蚊，機場黎講真係超抵囉！

換了數張檯才能坐下。因小強走來走去。職員說木器傢俬走出來。食物很離譜，茶不熱，斑球是鯰魚，泥味很重。經理像是舊人，由同位置舊店新加坡餐廳繼續打點。 太恐怖，請海關及食環署跟進。

對火紅的蛋黃哥沒有深入的研究，近期只懂儲下便利店的印花，然後換取各式的禮品贈予小朋友！不過，從小到大，我也蠻愛吃雞蛋，還記得外婆以前經常說雞蛋是最富營養，在她艱苦生活的那個年代，幾位令她引以為榮的兒子 (我的舅父) 也只靠蒸雞蛋和米飯來充飢。時至今日，雞蛋的種類變得「五花百門」，一隻走地雞雞蛋動輒十多元，算不上廉宜的食材，不管經濟如何拮据，雞蛋也不能幫上忙！老公出差回來，讓我們有機會在機場用膳。沒到機場數月，竟有新的食肆進駐。吃累了東涌的餐廳，小發現就如大驚喜，更何況發現的是「東來居」。機場的「東來居」有空間寛敝的圓桌。亦有擺放得密集的座位，老公拖著小行李箱尾隨侍應，走進邊上的二人桌子！「東來居」的火鍋一直放在我欲試的名單中，不過步伐慢人十里的我，當然還未有所行動。機場的「東來居」沒供應火鍋，餐牌上大致是點心、小菜等中式菜單，不過卻給我發現「引人入勝」的亮點，看到圖片了嗎？餐蛋飯、粟米肉粒飯是最平常不過的碟頭飯，不過在「東來居」卻顯得份外矜貴。首先，餐蛋飯換來更高格調的名字 — 招積餐肉煎蛋飯，不要看輕那招積二字，往往就是市場學所講的有力的武器，既可拉闊想像空間，同時也能提高身價，因此