沾仔記 (兆英商業大廈)

Open Now

Now Closed

沾仔記作為50年代從地攤（沾記）開始經營的品牌與香港一同成長，價格依然堅持保持著親民的價格，並沒有因為歲月或地點以加多少。 沾仔記有三寶，分別是雲吞、鮮牛肉及鯪魚球。憑著此三寶再配襯秘製湯頭及蛋麵，自2009年起連年入選《米芝蓮指南》必比登美食推薦。 《雲吞》鮮蝦配上蝦子及大地魚粉，皮薄餡足，份量大如乒乓球，爽口彈牙。 《鮮牛肉》口感嫩滑，牛肉味重。 《鯪魚球》比佢哋雲吞還要大，魚鮮味十足。 《湯頭》以豬骨、大地魚乾及羅漢果熬製。 《蛋麵》傳統配方，每天新鮮製造。 中環店只販賣三寶、油菜及粉麵，其他分店會有小菜、海鮮或粥販賣。 中環店有兩間，威靈頓街及皇后大道中，個人覺得皇后大道中會好吃點😋，少人排隊，店員煮得無咁趕，顧客又無食得咁趕時間。 因為情懷、價格及味道，個人覺得性價比極高，有香港的味道。

When it comes to wonton noodles, Tsim Chai Kee stands out as a local favorite. This humble eatery has gained a loyal following for its simple yet delicious fare. The star of the show is their wonton noodles—a comforting bowl of springy noodles, succulent wontons, and a flavorful broth. The wontons are made with the utmost care, filled with a combination of shrimp and pork that bursts with flavor. The noodles are cooked to perfection, retaining their firmness and providing the ideal texture to co

依間「沾仔記」之前就憑大大粒的雲吞和鯪魚球出名的，不過本人就對鯪魚球冇咩興趣，所以就一直冇去試，咁啱今次唔想食飯，同事就話食依間，咁我見未試過，試一次都不錯招牌雲吞麵 推薦指數🗯️：🌟🌟🌟因為是下午茶的關係，份量不算太多，最多只能算過下口癮，不過雲吞就真係好大一粒，而且內面真係會包咗一整隻蝦，不會是蝦肉剁碎加少少蝦肉就算，而且皮都算薄皮，唔會食到成口粉，麵質就正正常常，唔會有鹼水味那份油菜是因為我覺得不夠飽，額外加的

又到下午茶時間，行行下突然望到間沾仔記，見到好多米芝蓮推介喺門口，又好耐無食雲呑麵，就自己一個走咗入去🤗下午茶雲呑麵(💰36)(7.5/10)碗麵有三粒好大粒嘅雲呑，皮薄餡靚，入面滿滿都係蝦🦐啲蝦仲好鮮甜爽口，好味喎！麵底有韌性而且好彈牙👍🏻要挑剔嘅係個湯，無咩味道，要自己落醋同醬油就夠哂味啦。下午茶時間無乜人，店舖裝修簡單古典，寧靜乾淨👍🏻價錢又唔算貴，還可以啦😉雲吞的確出色嘅。唔知有無得買淨雲呑😂

📍沾仔記覓食中，突然之間望到沾仔記，中學畢業到而家無點食過雲吞麵。成個鋪面嘅設計又好特別，即刻吸引到我😍Menu嘅種類唔多，侍應姐姐都話得三款，想食飽啲就雙拼，啲姐姐人好好，會同你講點會好食啲啊（加紅醋，中和鹼）下午茶時段好抵食，份量又唔會少😲😲🪧雲吞麵+豆漿 💰44有3粒超級大嘅雲吞，皮薄餡多🥳 真系啖啖蝦仁🍤三粒落去超級滿足，超推薦🌟🌟🌟🌟🌟湯底唔會話太鹹，正正常常都要讚下個豆漿，好少係出面買豆漿飲，一係太甜或者有奇怪味道。尼間豆漿好驚喜，好好飲，甜度岩好，味道就係正常豆漿味，仲要超大枝🫣

記得二十多年前每逢經過中環都會去沾仔記食雲吞麵，當時他們早已以大粒雲吞出名，整粒雲吞都是滿滿爽口大蝦仁，還有鯪魚球也是大粒版，而價錢不貴，在中環地帶，真的超抵食！二十多年後的某日經過中上環一帶，無意中見到某地庫竟然有沾仔記，好奇下便落去食一次，回味番以前的感覺⋯⋯一邊落一邊看到樓梯兩面有很多相片和海佈，左面是米芝連的推介；另一面就是關於他們歷史的相片。去到食堂以中國風典雅為設計主打，相比二十多年前的沾仔記，真的高貴許多！剛好是下午茶時間，想起以前很少食鯪魚球，今次便叫鯪魚球麵和凍豆漿！鯪魚球麵鯪魚球很大個，但沒有一般鯪魚的魚腥味，肉質嫩滑，仍然能保持住以前的水準。雖然是下午茶餐，份量比較少，不過足以填飽肚子一殺那的饑餓！

今日lunch去上環食麵，地庫有一間比較隱敝麵店，座位也多，環境也寬敝，决定一試我order左鲜蝦雲吞麵，超大粒雲吞，雲吞皮，薄鲜蝦也非常鲜甜，麵條帶韌性弹牙，價錢實惠，性價比高

態度惡劣，呼呼喝喝，好冇禮貌食物質素越嚟越差，呢幾年做乜開始落味精？加完價之後都唔再算平，仲貴過隔離幾幢嘢以前好鍾意嚟食雲吞麵，今次之後以後唔會再嚟睇得出班友好快退休，祝佢哋快啲執笠

在上环工作过一段时间 那时经常在这里吃饭 多年前和母亲还在这里吃过云吞面 今天路过再食 还是熟悉的味道 云吞里的虾颗粒大饱满 汤味道浓郁 有时候我会要净云吞 下午茶餐还平一点 平民的米其林美食

這間沾仔記店面頗大,只要避開返工lunch time人潮,就可以坐得舒舒服服地享受美食。沾仔記三寶:大粒雲吞,滑牛肉,鯪魚球簡簡單單已經可以令一碗本身湯底不太濃郁的平凡粉麵妙手回魂,變身簡單的平民美食😋。

都係一間米芝連麵食餐廳，佢個菜牌就十分簡單好多，麵只有幼麵，配菜只有雲吞、鯪魚球、鮮牛肉揀，可以揀單餸、雙拼、三拼(即三寶)，又只可以揀湯麵或者撈麵，極其量加碟油菜，餐牌就係咁簡單。我揀咗個三寶撈麵$52蚊，就已經係全個餐牌最貴最豪嗰個麵😂沾仔記三寶撈麵 $52呢個撈麵份量真的不少，仲要隨撈麵奉送一小碗湯。湯是一碗蝦清湯，味道不算濃但很香甜的蝦味，估計是以蝦頭敖出嚟嘅清湯，味道真的不錯👍🏻用以配麵一齊食，不會搶去幼麵的味道，又保留蝦湯味，配搭很好👍🏻麵是鹼水麵，但沒有鹼水味，其實要鹼水麵沒有鹼水味係要花時間與功夫，但現今很多麵店已經放棄，沾仔記仍然能保持住已是難能可貴。鯪魚肉大大舊，鬆軟有魚味又無腥味好食👍🏻牛肉又嫩又滑，只係欠缺牛味，但都已經很不錯👍🏻雲吞又大隻，裏面大大隻蝦又彈牙又爽，又好食😋個麵加蠔油幾夾，比一般雲吞麵店的麵彈牙，又係好食👍🏻整體來說雲吞麵舖通街都有，好多人都識整，但要排衆而出的就必須有個人之處與一直的堅持✊一個簡簡單單嘅雲吞麵能夠做得如此出色，好嘢👏🏼以後都會多啲幫襯🍜

今天剛好要到中環， 午餐想隨便找些東西吃，剛好看到這間餐廳， 上網瀏覽一下才知道是米芝蓮推介， 看看價錢立即決定入去 試一試點了一個雙拼牛肉鍋雲吞，另外加碟油菜。 打開辣椒油芳香撲鼻！ 加一些落雲吞麵！雲吞 尺寸比起乒乓波 還要大！ 內裏滿是鮮蝦，爽滑彈牙！牛肉爽滑， 經過醃製仍然不失牛味！分量充足吃得 非常爽快！看一看這雲吞的尺寸， 巨型但仍然非常完整！ 皮薄餡靚， 餡料豐富。 入邊包裹着大地魚粉， 因此雲吞鮮味非常， 雲吞湯也是經過牛骨豬骨大地魚及羅漢果熬製，店裏雖然只賣雲吞牛肉及鯪魚球和一些油菜，但每一樣食材都精挑細選非常新鮮，油菜也值得一讚冇渣而且非常鮮甜！ 不愧是米芝蓮推介，只要用心做好一件事就算款式不多，也能 聞名中外，客似雲來！ 餐廳裝修簡單古樸，乾淨企理，空間充足而且不用排隊！經過 一定要入去試一次

這家連鎖店在香港10分有名，多年被評為米芝蓮食肆。由於我不是太餓，只叫了淨雲吞。雲吞上來的時候，我第一時候喝了一口湯頭，湯很清甜，相信是用了大地魚熬製，另外蔥花和九黃的香味也在口中迴盪。接着我便試試他的雲吞，雲吞比一般其他店要大，皮很薄，能透出餡料中有很多蝦。咬下去後，蝦肉彈牙香甜， 10分新鮮，很美味。

#沾仔記 我是超喜歡吃鮮蝦雲吞，特別是巨型雲吞，哈哈！這家雲吞專家連續八年都得到米其林指南的推薦，所以都相當受歡迎😁😁🔹招牌雲吞＋鮮鯪魚球雙拼 $40 乒乓球般size的雲吞，鮮蝦超多，皮超級薄，蝦子入口很彈牙😋 鮮鯪魚球有bb仔的小拳頭咁大，真的不誇張嗎，很巨！魚肉有彈彈的口感，吃起來會比較有咀嚼的真實感，肉質滑，很喜歡👍🏼👍🏼👍🏼沾仔記地址: 中環皇后大道中153號兆英商業大廈地庫，港鐵中環站 D2 出口, 步行約6分鐘

尋回中學時代的回憶...細細個就食佢架喇😛大大粒雲吞冇得輸雖然一碗只有三粒但配上細細碗面($34)女孩子一碗就夠❤️麵底都夠爽,,,好味道呀男生可能要吃兩碗吧！🤣要留意喔