Introduction
Tonkichi Tonkatsu Seafood is a Japanese restaurant that is most popular for their pork cutlet rice. The pork is very crispy and customers can also enjoy free refills of cabbage and rice. Apart from pork cutlet, they also have a variety of fried food, udon and sashimi.
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
Recommended Dishes
入去亞博館之前喺IFC食個晚餐，之後方便直接坐機場快綫入亞洲博覽館。四個人18:00😍同行有人唔食吉列嘢，叫咗一個迷你刺身另外加白飯麵豉湯同漬物賣相唔錯嘅，係細分咗少少。另外嗌咗一個三人份嘅吉列套餐裏面有豬柳豬扒三件吉列炸蝦同埋三件吉列炸蠔。當中白飯同埋椰菜無限添加，服務員都好勤力每次傾過嘅時候都睇吓我哋有冇需要加菜。另外upgrade咗每位$38嘅豚肉湯。餐後每人送一杯西瓜，清甜可口。埋單$1310，人均消費$327.5。
continue reading
😚中午放lunch差唔多每次都嚟食咁滯，一至星期五佢哋都有出lunch set，個價錢比普通餐單又平抵食😋，最特別嘅係佢有好多唔同組合，份量一定夠飽，就算唔夠仲可以免費加飯加椰菜😍，佢哋嘅豬扒係一定要去試嘅，雖然係炸物，但係食多都唔會膩，因為佢有配椰菜，中和咗炸物嘅油膩🤩！食咗咁多次lunch set，我最鍾意嘅就係佢嘅5號6號餐，又有刺身又有炸物又有椰菜，每次食我都非常享受😆，刺身都好新鮮！ 服務員非常專業同友好，每次見到第一次嚟嘅客人有好多唔明嘅地方，佢哋都會一樣一樣同客人解答，譬如最多嘅係唔知道嗰三個醬汁係點樣去用？！服務員到非常有耐心嘅去招呼！服務友好周到，用餐環境舒適，所以每次唔知食咩我都會依然選擇呢間😂 一定唔會失望！ 所以我強烈推薦大家一定要去試吓食😋✌🏼！
continue reading
啱啱去咗一間戇直嘅食堂嗌咗啲好食到喊嘅豬扒定食，一啖啖厚肉，每咬一口都滿足到爆炸😍！吉列豬扒外脆內嫩，啲皮炸得金黃酥脆，簡直係對耳邊作樂，肉汁鮮美得嚟唔油膩，嗌埋碗熱辣辣嘅麵豉湯，真係食得出心機同埋溫暖呀！跟住試咗個大蝦，炸得啱啱好，唔會過於乾身。輕輕一咬，海鮮鮮味就喺喉嚨裡面打轉，彈牙得黎全身都話好👍。嗱，仲有個吉列蠔，肥美彈牙，每一啖都嚼得出海邊嘅味道。不過，豬柳就普普通通，乾嘅滋味明顯啲，但總體黎講，每啖都係咁令人滿足。飯後點咗個水果杯，甜甜酸酸，完美收尾。職員嘅服務都有模有樣，令呢頓晚餐加分唔少。總之，呢度嘅餸唔需要花巧嘅說明，因為實在太好味啦，會再黎㗎🎉！
continue reading
早幾年食過，味道好、豬扒冧，其他食品如炸蠔、和牛都有水準，而且服務滿意，但因價錢唔平，所以有咁嘅質素都係應該。近排有啲掛住炸豬扒，所以再次去食，但今次質素、服務都令人太失望，就算一個價錢較貴嘅豬扒定食，感覺同價錢平嘅沒有太大分別；而服務亦唔多掂，可能人手不足，侍應有點不耐煩，更在客人面前講另一枱嘅小朋友食嘢食到成地污糟曬，我覺得兩個同事之間討論係可以，但係你喺食客面前討論呢啲事應該唔係一個應該有嘅服務態度。唉！我諗都係時候搵過另一間食炸豬扒嘅店舖！
continue reading
聖誕節又有藉口出去食一餐好嘅呢間炸豬扒餐廳都唔係第一次幫襯不過呢間分店反而第一次來晚上8:30依然很多人在等位不過眼見很多都係一家幾口 攜老扶幼但唔需要等很久 就有位可以入去啦在餐廳出面以為餐廳很細原來佢還有一條通道通入去裡面白飯同沙律菜，依然都係任添沙律菜，我依然好鍾意用紫菜汁白飯用的是「一見鍾情」米，很好吃至於主菜點了限量發售的極上豚同豬柳配吉列蠔極上豚很軟腍 正宗外脆內軟可惜撞正有筋 有幾件比較難咬有對比之下豬柳好硬好嚡吉列蠔很好吃另外點了兩杯梳打 偏甜飯後還有一杯西瓜但不好吃的😅
continue reading