3
0
0
Telephone
25761673
Additional Information
for members only
Opening Hours
Today
12:00 - 14:30
17:00 - 22:30
Mon - Sun
12:00 - 14:30
17:00 - 22:30
*Last order: 30 minutes before closed
Above information is for reference only. Please check details with the restaurant.
美味印度風味香港很多印度菜為迎合港人已经改為少辛和带甜味！卬遊會非常正宗！環境舒适！草地綠悠悠！幽雅在銅鑼湾半山！菜式美味試了前菜豆沙律，芝士菠菜，炸鷄，烤魚，咖喱鶢，羊，蝦！炸餅和原味火烤餅！卬度恙啤根立！味度正宗！交通方便！價位合理！
continue reading
每一次嚟都係食印度餐，既然叫得印度遊樂會，明白呢度嘅印度餐應該都係數一數二，不過我朋友強烈推介呢度嘅中菜都係一流。不過今日冇乜胃口食咁多嘢，所以就叫咗碗牛腩麵。估唔到有超大驚喜驚喜呀。碗麵上到嚟，啲牛肉多到誇張，而且完全唔求其，係水準之作。果然係私人會所。而且個價錢完全唔貴。食麵當然首先要試一試個湯底，好香花椒八角味，再試一試啲牛腩，估唔到除咗連普通牛腩之外，碗麵入邊有牛腩，亦都有牛筋，牛筋完全入味，咬落去香淋軟糯，非常好食，唔知道有冇得就咁叫牛筋面，最驚喜係依碗面只係$45，果然係好大驚喜，朋友冇介紹錯。
continue reading
6928 views
小肥家中有位叔叔，自從退休後，每日都會花多個鐘頭打網球，以及睇不同類型o既球賽，其熱誠程度足以令家人封佢為「波痴」 。為咗方便打網球，波痴叔叔早幾年成為咗印度遊樂會（簡稱「印遊會」）o既會員，每個禮拜都會去嗰度打幾日波。有一次家庭聚餐，正當大家談論緊邊度o既炸子雞最好食時，叔叔就話印遊會個中廚所煮製o既脆皮炸子雞必定名列前茅！因為肥肥家族當中只有大肥爸爸一個聽過「印遊會」依個會所，小肥隨即打蛇隨棍上，叫叔叔擇日帶我地去驗證 。印遊會位於香港大球場隔離，由銅鑼灣地鐡站步行約十分鐘左右，如果有私家車就最方便，因為門口有多個標位，標位滿哂又可以泊架車喺附近個露天停車場，收費為$7半個鐘。整個印遊會地方唔算大，不過都有好多設施，包括四個網球場、草地滾球場、羽毛球場、健身室、麻雀室等。據波痴叔叔所講，印遊會會員每月交咗會費，就可以白天免費享用網球場設施，全為雙打，除非沒有人等，打完一局（1 set）或到6:6便要離場等候下一個時段，夜晚去打都只係收燈錢，聽落都好公道。會所o既餐廳分四部份：第一部份係只可以點小食同飲品o既酒吧及lounge area；第二部份係室內座位，一眼望哂，只有七張四人枱，同兩張八人圓枱；第三部份o既室外座位則有五張四人枱；而第四部份就係草地及帳篷內之座位。大家要留意，假日黎用膳必定要預先訂座，尤其係嗰兩張八人圓枱。餐廳並無裝潢o既裝修，地板、餐桌、餐具都較舊，最唔舒服就係冷氣唔多夠，小肥食到滴哂汗，加上樓面低，所以都幾嘈吓。印遊會餐廳內o既員工只有四位，其中幾個女仔都不懂中文，所以我地全程以英語溝通。唔知係咪唔憂做呢，佢地o既服務態度都可算係幾惡劣，除咗全程黑面之外，寫飲品又落錯咗幾次單，當客人催促食物時更加係敷衍對答，小肥真係感覺非常意外 ！據知，會所有兩個大廚，因會員大多食印菜為主，所以負責印度菜嗰位印度廚師有幾個助手，而負責中菜嗰位師傅就冇人幫 ，要獨力支撐。印遊會係波痴叔叔o既地頭，食物方面當然係佢話哂事啦！叔叔知道我地當中只有靚仔哥哥同舅父食得辣，所以都只係叫咗兩味咖哩及幾款傳統印度小食，其餘就係佢極力推介o既炸子雞同菜。涷檸蜜（$14）：杯檸蜜唔係好夠蜜糖，感覺稀而無味 ，飲罐$10可樂好過。 Vegetable Samosa印度咖哩角（$20/四件）：咖哩角屬小辣，香脆野味得黎又唔係好油，$20四件真係幾抵食。 Bhindi Masala香辣秋葵（$45）：舅父大讚秋葵爽脆味濃，可惜小肥唔係好食得辣，所以都只係食咗一兩口。 Garlic Naan蒜蓉薄餅（$18）：新鮮熱辣o既蒜蓉薄餅好鬆軟，如果蒜蓉味可以再濃多少少就更perfect啦！ Butter Naan牛油薄餅（$18）：牛油薄餅同蒜蓉薄餅一樣夠哂熱辣辣，牛油味道亦好香，不過個人比較鍾意食濃味啲o既蒜蓉薄餅。 Chicken Vindaloo紅辣咖哩雞（$65）：紅辣咖哩雞係勁辣，小肥試咗一羮仔都已經流哂鼻水！ Hydrabadi Keema Curry香辣免治羊肉（$80）：叔叔話，如果佢一個人食飯，好多時都會叫碗白飯送依味香辣免治羊肉。可能係香辣o既咖哩味蓋過咗o既原固，免治羊肉咖哩一啲蘇味都冇 ，唔講真係唔知自己食緊羊肉，配上白飯食真係好正！ Stir-Fried Lettuce腐乳炒唐生菜（$55）：少辣o既腐乳唐生菜好香脆，而且好夠鑊氣，就連平日唔食菜o既XO仔都食咗大半碟，絕對唔講得笑 ！ Fried Crispy Chicken脆皮炸子雞（$160）：餐牌例明，炸子雞必需最少二十四小時前預訂。可能中廚冇助手o既關係，波痴叔叔推介o既主菜兩點鐘先起，好在都冇令肥肥家族失望！炸子雞皮脆、肉嫩、少肥、兼夠熱，就連雞胸肉都完全唔乾唔嚡，我地六個人十分鐘內食哂成隻雞 ，可想而知有多麼美味，唔怪得知大廚要壓軸上枱啦！叔叔話，佢當年入會，隻脆皮炸子雞只係賣$100，估唔到而家加到$160 。Masala Tea印度奶茶（$12）：杯印度奶茶只係有陣香草味，茶味卻唔夠濃郁，奶茶亦唔夠滑溜 。午餐食物連酒水，普通會員埋單合共$551，即每人約$90，其實都已經好抵，但因叔叔剛剛成為六十五歲o既長者會員，可享用於會中頭二千元消費之八折優惠，結果埋單只需$440.8，即每人$75有找，大家仲覺得超值囉 ！總結，印遊會內之餐廳雖然地方唔大，亦唔係話好靚，但勝在食物美味，用餐時可同時進食中菜及印度菜，價廉物美，同長者會員去更可享有優惠，大家都大讚好抵好抵！嘻嘻，得知會所並無加一服務費，為咗美食，小肥絕對可以容忍服務生頗為惡劣之態度，叫波痴叔叔再帶我地去食印度薄餅、香辣免治羊肉、及脆皮炸子雞等美食 ！
continue reading
早前，我們跟朋友來到了印度遊樂會，參加一年一度的德國啤酒節內裡氣氛實在沸騰，大家載歌載舞，也玩得很開心平日不是太好動的我倆，也受到現場環境的帶領下，跳起傳統的德國民族舞蹈最想不到的，竟然他們也會跳近期大熱的江南Style玩樂好一會，也有點渴有點餓現場也有飲品食品檔位供人補給當中的青豆蓉湯，入口清香，還吃到啖啖的青豆蓉主打還是這裡的啤酒和各類飲品大家也喝得很高興下年，大家有興趣的話，也要來趁趁熱鬧!!!
continue reading