譚仔雲南米線

Open Now

Now Closed

譚仔炸醬真係好啱我口味，雖則話三哥先最正宗，但係都抵唔過我鐘意譚仔嘅口味，所以我來親都只會揀譚仔，食慣咗譚仔嘅味，反而三哥就還好。我每次來都係獨沽一味炸醬麻辣3小，個炸醬甜甜哋，好好味，單餸個炸醬係最多㗎，所以我唔會加餸，我只要都係食佢個炸醬。之前個口水雞翼我都好鐘意，唔知點解依家無咗，佢嘅麻辣味又係令我好回味，可惜。米線佢煮得啱啱好，好幼嘅，好有咬口，爽滑又唔會硬，有哋鋪頭煮到發漲淋晒咁，呢到無啲咁嘅問題。不過個湯就認真嘛嘛啦，好似越做越咸咁，希望可以改善啦，咁樣真係好難令人成日去食㗎。唔知幾時多咗個掃QR code點餐，不過個QR code係要等counter 俾嘅，叫得譚仔遮遮過來都順手點埋餐啦，仲等佢個code咩？

間中就會心思思想食吓譚仔雲南米線，而家越食越誇張，一個人都可以食晒成個小鍋米線加土匪雞翼，貪佢夠多餸，就係食餸都飽。最喜歡吃竹笙同豆卜，索晒啲湯汁好好味。我選的是酸辣湯底，酸酸辣辣嘅味道，比起麻辣更易入口，而且也十分惹味。咩餸都有啲嘅小鍋米線

因為星期五約埋啲同事一齊唔帶飯出去食咁啱見到譚仔有新廣告就諗住去試一試記得之前都有試過一個新產品係烤雞米線嗰次食過，覺得幾好食所以今次見到都諗住試一試我哋大概中午12點去到我哋六個人都唔駛等，即刻入我就直接揀咗呢個烤雞肉醬米線呢個係撈米線，唔係湯米線有得揀辣我自己唔食得太辣只係揀咗10小辣超多肉醬烤雞大概有六舊肉質係嫩口 入面仲有芽菜撈住一齊食，好有口感但係個底太多油食到最尾覺得有啲油總括嚟講呢個新產品，我覺得值得一試

今次黎我就叫左碗過橋米線套餐，碗面一黎真係嘩左一聲，點解可以咁大碗嘅，原來入面竟然有17款餸咁多丫:魚蛋、牛丸、墨丸、牛肉、雞肉、豬肉、腩肉、火腿、炸醬、酸菜、竹笙、芽菜、韮菜、腐皮、生菜、豆卜和豬膶,。呢一碗米線份量真係好大好大 好大丫，我覺得應該至少係2人份量，不過我最鍾意食多餸嘅面，所以呢碗面好就滿足到我啦！另外我再叫左雞翼同埋皮蛋，皮蛋真係好好味，麻辣加埋皮蛋真係絕配！下次我都要再黎食皮蛋！

最基本既食物熱上都做唔到。😫早餐滿坐，人手不足，所有野都要等等等等…..😓落單落錯，同佢講返佢話好忙…算數😒加左錢轉餐包佢又送錯。🙁飲水杯無晒。😩問佢拎餐具，俾左個餐牌我…😠每人起碼等超過45分鐘，啲野食一早出晒所有野凍晒。😡啲呀姐行行企企，都無人肯去送餐。🤬個個呀姐都揀做簡單野，收錢帶位落單，無人想拎重野，無人肯送餐。🤯啲餐整好晒放左係出菜位超話1個鐘，個個呀姐都扮睇唔到。😴以後都唔食！差評

去海洋公園玩, 中午在園內餐廳食, 完全唔掂, 返酒店staycation. 叫左開胃既譚仔.  我地叫左過橋米線套餐,土匪雞翼,蒜泥白肉同埋清菜. 基本上套餐已經可以試了所有的餸. 因為我唔食得太辣, 所以湯底選了微酸辣.  湯底真的不得不說, 真的起級開胃. 每吃一口米線, 加一口湯. 真係絶配. 米線爽口, 酸辣味剛好. 就算是外賣, 送到都是熱的. 味道保持水準.蒜泥白肉真是譚仔的招牌菜, 肥豬肉配勁多的蒜蓉, 喜歡蒜蓉的朋友不容錯過, 土匪雞翼不過不失. 

只係買一碗過橋米線，都要等25分鐘，仲要未開始繁忙時間，都要咁等。如果唔係要買俾人食，我堂食的話已經食完走埋。仲要我見侍應一入去攞就即時6-7個外賣攞出來，可想而知係廚房整好，但樓面唔入去攞，令人在白白等待。

叫兩份早餐外賣，堂食5多人，無乜人叫外賣，都要等差5多半個鐘，叫齋啡又比錯普通咖啡，叫太陽蛋又比錯全熟蛋，而且份量比堂食又少得多，下次5再叫早餐外賣😡😡😡

今早9：45分入座,9：54已落單叫了兩個早餐, 一個B餐和一個C餐, 熱飲品很快到, C餐亦於數分數後到, 但那個B餐於10：28分才到, 還要催促兩次, 眼見遲過我們的客人的早餐亦到了, 問店務員, 回覆是我們得兩個人, 什麼意思呀？這句話令我們十分嬲怒, 身為服務員的態度竟是如此, 推卸責任,希望貴店負責人跟進員工的服務態度！！下次不會再光顧, 免得受氣！

譚仔湯底選擇多就梗係啦，鍾意食辣既朋友除咗麻辣湯底 重慶酸辣湯底都係個唔錯嘅選擇！但係要注意重慶酸辣最少都係三小辣，所以要衡量過先好嗌呀！我最鍾意湯底好香辣，浸過嘅米缐同雞肉都有酸味同香辣味，感覺有多層次好好味呀！食厭麻辣既朋友可以試下重慶酸辣架！

今日係年衫三，夜晚出左香港仔行下，突然想食蒜泥白肉同皮蛋，就去買外賣返屋企食，到俾錢時先留意收銀身後貼左張：初二至初四消費要加一，開頭諗住只係堂食先收，到收銀姐姐話收幾錢時，先知外賣都要加一，連盒錢一齊收加一，收多成7蚊，如果知道外賣都收，不如堂食好過。。。到食物方面：四川青椒皮蛋今日質素比較差，皮蛋D味比較大，可能唔太新鮮，上次外賣都冇今次咁差蒜泥白肉 白肉口感較鞋，屋企人唔太鍾意，但D蒜泥搭救番，都可以接受所以新年都係去返D唔會有額外收費嘅店度消費好D

今日特登黎試新菜式烤香辣豬大腸同埋雙檸樂雙檸樂真心唔錯有兩塊檸檬同半個咸檸溝埋可樂係一流享受但係豬大腸就......果然係圖片只供參考有圖有真相麵一樣咁好味希望另一分店會好啲完

今日做完尖唔想食飯，突然間諗起呢度。三點黎到都爆人，想點？好在一個人方便好多，個姐姐叫我，就幫我搵倒個位。無人理，因為忙，以為要電子化落單，一問隔離母女，原來仲係有餐牌，唔明點解無一張枱有，等左陣姐姐過黎就落左呢樣。十年前日日食都唔厭，甚歡喜！所以人問我食乜，十年後都係呢款配搭。雞肉嘅甜、唔辣(有時酸辣)、爽口嘅竹笙吸盡甜雞湯，OH MY GOD! 好多次連湯都飲埋，大滿足！其實咁多年都保持倒質素，不容易，不簡單。支持用心經營嘅食肆。

這幾天喪加班，一到收工時間就感到非常肚餓，但是，又不想吃飯，所以，便去吃米線。譚仔米線是首選的米線舖。我哋每人一碗。佢叫了【魚蛋、酸菜、生菜、蕃茄湯底、少米線】$41。我就因為太肚餓所以叫了過【橋米線套餐】$53。【魚蛋、酸菜、生菜、蕃茄湯底、少米線】綠色酸菜鋪滿面，跟橙紅的蕃茄湯底形成強烈對比。酸菜味道甜得來帶少少酸，非常醒胃，至於蕃茄湯就好濃郁，亦沒有想像中的太酸，適合佢口味。【橋米線套餐】有17款餸: 魚蛋、牛丸、墨丸、牛肉、雞肉、豬肉、腩肉、火腿、炸醬、酸菜、竹笙、芽菜、韮菜、腐皮、生菜、豆卜和豬膶，不過我就走了豬膶，因為怕那陣膻味，其他的餸都OK好味。這碗米線份量真的很大，一般人應該吃不下的。幸好，我今天的狀態太勇，一口氣便將它吃過光。

魚腐雞肉茄湯米線：第一次去譚仔食茄湯，好清啖，有番茄粒，我都係中意食酸辣多啲。魚腐好好食，唔會腥，好軟淋淋，唔會太油，入面白白地色。雞肉好軟，不錯的。米線軟硬度適中，很大碗，細食可以兩個人一碗，否則會超飽。土匪雞翼：雞翼表面有數粒黑芝麻，少少辣，可以接受。好味麻辣豬耳：擺設得唔錯，很少麻辣，唔食得辣嘅都可以食到， 豬耳好爽口，份量都好多，一個人會食唔晒，最好幾個人一齊食。環境：空間算大，我地坐近門口位置，通風，唔會覺得好大壓迫感。