144
75
38
2-min walk from Exit A1, Wan Chai MTR Station
continue reading
Telephone
25278611
25272343
Good For
Group Dining
Opening Hours
Today
11:00 - 04:00
Mon - Sun
11:00 - 04:00
Above information is for reference only. Please check details with the restaurant.
Recommended Dishes
這間店以前細個爸爸會帶我來食，味道依然好味，喜歡上海菜的不防去試吓，舊式店舖，沒有華麗的裝飾，大枱只有一張（10-12人），其餘的都係2-6人枱，3/5知己共聚確實不錯。下午2點後人較少，叫了三個小菜（鹽酥炸田雞，客飯份量的炒鱔鰗及炸雲吞）配返杯啤酒，慢慢食，開心開心！
continue reading
成日聽人講三六九老字號好出名，一直都未試過。有一次，我行過灣仔時發現佢係橋底，門牌好有歷史氛圍。雖然店舖唔大，一眼望晒，冇咩精緻裝修，但係佢嘅老店風味真係一流。而且店員態度好有禮貌，服務令人滿意😊😊最重要嘅係又好味又抵食，絕對值得一試。佢哋嘅上海粗炒、小籠包、賽螃蟹同生煎包都非常出色。上海粗炒炒得剛剛好，味道濃郁😋😋小籠包皮薄餡多汁😛😛賽螃蟹新鮮彈牙，帶有獨特嘅海鮮味道，讓人難以忘懷。生煎包外酥內嫩，煎得剛好，味道鮮美😋😋
continue reading
3.45pm，店舖冇落場，只有1-2枱客，俾我哋坐卡位。叫咗醃篤鮮、紅燒肉同鍋貼。三樣嘢差唔多同一時間上枱，呢一點幾驚喜。醃篤鮮料好足，料仲多過湯，個湯好有鹹肉香味，啲鹹肉同瘦肉一樣咁多，切到大大舊。個人覺得鹹肉可以少啲，切細舊啲，煲番耐少少，咁同樣出到味而唔會食嘅時候太鹹。筍好新鮮，爽脆清甜。百頁結煮得夠淋，但唔太入味。紅燒肉啲肉好靚，係五花腩肥瘦相間，味道正宗係甜口嘅醬油味，但係煮嘅時間唔夠，未係好入味。筍同冬菇好味。鍋貼煎得好靚，但係個餡偏乾身，唔夠油香同肉香。整體都係傳統上海菜嘅口味，師傅啲材料切得好豪爽，係好街坊嗰種唔係走精緻路線。如果俾少少時間再煮番入味少少會更好。餐廳內部都乾淨企理，老店嚟講係好難得。
continue reading
舊式既上海菜館現今已經沒多間了，逛完冬日繽紛購物節，緊係去食埋三六九先返去啦！😋Boxing Day 晚上7點半，居然唔洗排隊又唔洗搭枱，有張卡位俾我地😌基本上入親上海菜館，每次我都唔洗睇餐牌，心裡已經有定數食咩😂夠晒鑊氣的上海粗炒($58)外皮酥脆而內裡軟嫩的炸銀絲卷($26)必點南翔小籠包，75元10個，皮薄但又唔會一夾就穿，內裡充滿著肉香的湯汁，要趁熱食，又要小心燙口😌，原本想食完再來多一籠的，可惜假期日子還是人多，等這個來都蒸左半小時，太久了，沒辨法再等了。
continue reading
出年4月1日垃圾徵費，所以打算自己郁手裝修吓間屋，今日係灣仔收工之後就約埋女友小熊一齊行洛克道睇吓D裝修材料，行到尾就係369，於是推門入去幫襯.經過369無數次，今次第一次幫襯，我地坐正係出菜位旁邊，見到哂出每碟菜，份量都偏少，又用D餐廳經常用嘅技倆，碟就細細，望埋去就好似份量多多，已經心知不妙!點咗份蔥油餅，小籠包，鍋貼，蝦腰煨麵.優點:無!缺點一大籮!1, 想點個酸辣湯，只有一大鍋選擇，無得單碗叫，一人二人點飲得哂? 服務唔夠貼心.2, 小籠包份量偏細，外型唔討好圓圓混混好似D雪藏小籠包! 無咩爆汁感覺，內餡無味道，劣質貨色.3, 鍋貼底部唔夠燶, 所以唔夠脆口，同樣，份量又係偏少! 4, 蝦煨腰麵係上海名菜，但味道似清淡素菜! 湯底竟然毫無味道! 攪到麵底都無味! 蝦肉彈牙但又係一丁點鮮甜味都無! 連蝦肉味都無！ 而豬腰獨有嘅內藏味都超淡，唔中意豬腰味嘅小熊都食得落口! 5, 最不知所謂係我大大大愛蔥油餅! 賣成50蚊得果薄依依薄餅! 仲要一丁點蔥油香都無! 紅磡明安街只賣10蚊一塊蔥油餅好佢地千倍! 食緊完全無味道嘅蔥我同隻食緊路邊野草嘅牛有咩分別？小熊就似咬緊竹葉嘅熊貓！6, 餐廳環境衛生就唔欣賞，見到佢出菜時個木夾係浸落D湯內，又見到D外賣周圍放，有相有真相。7, 服務態度唔得，落單無人理。價錢貴份量少質素差！第一次幫襯咁差上海菜餐廳！永不光顧！
continue reading